Evaru Meelo Koteswarulu: జెమినీ టీవీలో ప్రసారం అవుతున్న ఎవరు మీలో కోటీశ్వరులు కార్యక్రమానికి జూనియర్ ఎన్టీఆర్ హోస్ట్ గా వ్యవహరిస్తున్న విషయం సంగతి తెలిసిందే. తమ ప్రతిభ ద్వారా సామాన్యులని కోటేశ్వరుని చేయడమే ఈ షో యొక్క ముఖ్య ఉద్దేశం. కౌన్ బనేగా కరోడ్పతి అనే పేరుతో హిందీలో ఈ షో మాత్రం అత్యంత ప్రజాదరణ పొంది సూపర్ డూపర్ హిట్ గా నిలిచింది. తద్వారా షో నిర్వాహకులు దీన్ని తదితర భాషల్లోకి కూడా తీసుకొచ్చారు. అలా తెలుగులో ఈ కార్యక్రమం ఎవరు మీలో కోటీశ్వరులు గా రూపుదిద్దుకున్నది.
అయితే తెలుగు ప్రేక్షకులను విపరీతంగా అలరిస్తున్న ఈ కార్యక్రమానికి ఎందరో సెలబ్రిటీస్ విచ్చేసారు. షో కర్టెన్ రైజర్ లో రామ్ చరణ్ హాజరు అయ్యి కార్యక్రమాన్నిపెద్ద హిట్ అయ్యే మార్గం దిశగా నడిపించారు. ఈ కార్యక్రమం లో ఎందరో సెలబ్రిటీస్ పాల్గొన్నారు కూడా. తాజాగా మహేష్ బాబు ఈ షో లో కనిపించనున్నారు. దీనికి సంబంధించిన పోస్టర్ ని షో నిర్వాహకులు విడుదల చేసారు. పూనకాలు లోడింగ్ అంటూ కాప్షన్ కూడా పెట్టింది. దీనితో నెటిజన్లు కూడా వెయిటింగ్ అంటూ కామెంట్లు పెడుతున్నారు.
అయితే ఈ ఎపిసోడ్ ని ఎప్పుడు ప్రసారం చేస్తారు అనే విషయం ఇంకా వెల్లడించలేదు. వెండితెర స్టార్ హీరోస్ బుల్లి తెర పై మొట్ట మొదటిసారిగా కనిపించనున్నారు. మరి ఈ క్రీజీ కాంబినేషన్ చూసేందుకు ప్రేక్షకులు ఎదురు చూస్తున్నారు. సర్కారు వారి పాట ప్రమోషన్స్ లో భాగంగా ఈ షో కి మహేష్ బాబు వస్తున్నాడని వినికిడి.
