Divya Bharati Biopic: ప్రస్తుతం బయోపిక్స్ హవా బాగా నడుస్తోంది. సినిమా రంగంలో, రాజకీయ రంగంలో కావచ్చు,మరే ఇతర రంగాల్లో అయిన కావచ్చు, అందులోని వ్యక్తల జీవితాల్లో ఆసక్తి కలిగించే చిన్న అంశం ఉన్న కాని వాటిని బేస్ చేసుకొని బయోపిక్స్ తెరకెక్కుతున్నాయి. గతంలో చాలా మంది సెలబ్రిటీస్ ఆటో బయోగ్రఫీ అంటూ తమ గురించి ఒక బుక్ రాయడం లేదా వేరేవాళ్లతో రాయించటం చేసేవాళ్ళు. ఇప్పుడు ట్రెండ్ మారింది కాబట్టి బయోపిక్స్ రూపంలో అవి బయటకు వస్తున్నాయి.
ఒకప్పుడు తెలుగుతో పాటు హిందీ ప్రేక్షకులను కూడా ఒక ఊపేసిన హీరోయిన్ దివ్య భారతి. కేవలం మూడే మూడు ఏళ్ల లో దాదాపు స్టార్ హీరోలందరితో కలిసి సుమారు 20 సినిమాలు దాక నటించి మెప్పించింది. అటు అందంలోనూ , ఇటు అభినయంలోనూ తనకంటూ ప్రత్యేకమైన గుర్తింపు తెచ్చుకొని అప్పటి స్టార్ హీరోయిన్స్ కు గట్టి పోటీ ఇచ్చింది. ఇప్పటి ప్రేక్షకులకు దివ్య భారతి గురించి పెద్దగా తెలియకపోవచ్చు కానీ 90స్ ప్రేక్షకులకు దివ్య భారతి ఒక ఎమోషన్ అనే చెప్పాలి.
నార్త్ నుండి వచ్చిన కానీ ఆమెను తెలుగు ప్రేక్షకులు ఓన్ చేసుకొని స్టార్ హీరోయిన్ స్టేటస్ కట్టబెట్టారు. ఆమె డేట్స్ కోసం స్టార్ హీరోలు సైతం ఎదురుచూసే పరిస్థితి వచ్చింది. అలాంటి ఆమె అనుకోని రీతిలో అతి చిన్న వయస్సులోనే చనిపోయింది. ఇప్పటికి ఆమె మృతిపై అనేక అనుమానాలు కూడా ఉన్నాయి. చిన్న వయస్సులోనే స్టార్ హీరోయిన్ కావడం , అనుకోని స్థితిలో చనిపోవడంతో పాటు ఆమె జీవితంలో మరెన్నో మిస్టరీలు ఉన్నట్లు తెలుస్తుంది. ఇప్పుడు వాటిని తెరమీదకు తీసుకొచ్చే ఆలోచనలు జరుగుతున్నాయి.
మలయాళం కు చెందిన ఒక దర్శకుడు సినిమా కోసం పనిచేస్తున్నట్లు తెలుస్తుంది. ఇందులో భాగంగా దివ్య భారతి రోల్ కోసం తమన్నా ను కలిసినట్లు సమాచారం. స్టోరీ కూడా నచ్చడంతో ఈ సినిమా చేయడానికి ఆమె అంగీకరించినట్లు తెలుస్తోంది. ప్రస్తుతం హీరోయిన్ గా అవకాశాలు కొంచెం తగ్గిన మాట వాస్తవమే. రీసెంట్ గా భోళా శంకర్ సినిమాలో నటించిన కానీ ఆమెకు సక్సెస్ దక్కలేదు. మరోపక్క వెబ్ సిరీస్ లో నటిస్తూ, బోల్డ్ పాత్రలకు కూడా ఒకే చెబుతుంది ఈ చిన్నది. ఇలాంటి టైం లో బయోపిక్ అవకాశం రావడంతో తమన్నా దానికి ఎస్ చెప్పినట్లు తెలుస్తుంది.
