Suriya Tamil Nadu box office king: సౌత్ ఇండియన్ బిగ్గెస్ట్ సూపర్ స్టార్స్ లో ఒకరు సూర్య. ‘గజినీ’ చిత్రం తో ఆయన సౌత్ ఇండియా లో సూపర్ స్టార్ రజినీకాంత్ తర్వాత అంతటి మార్కెట్ ని సొంతం చేసుకున్నాడు. కానీ గత 14 ఏళ్ళ నుండి సూర్య కి సరైన బ్లాక్ బస్టర్ హిట్ లేకపోవడం , ఆయన తర్వాత ఇండస్ట్రీ లోకి అడుగుపెట్టిన చిన్న హీరోలు కూడా ఎక్కువ వసూళ్లను రాబట్టడం వంటివి చూసి , సూర్య ఇక ఎప్పటికీ హిట్ కొట్టలేడేమో అని ఆయన అభిమానులు సైతం ఫిక్స్ అయిపోయారు. కానీ అందరి అంచనాలను తారుమారు చేస్తూ రీసెంట్ గా ఆయన నుండి విడుదలైన ‘కరుప్పు’ మూవీ బాక్స్ ఆఫీస్ వద్ద వండర్స్ ని క్రియేట్ చేస్తూ ముందుకు దూసుకుపోతుంది. మొదటి వీకెండ్ తర్వాత మొదటి వర్కింగ్ డే అయినటువంటి సోమవారం రోజున కూడా ఈ చిత్రం ఆల్ టైం రికార్డ్స్ ని నెలకొల్పింది.
సూర్య బాక్స్ ఆఫీస్ స్టామినా ని చూసి ట్రేడ్ వర్గాలు , నేటి తరం జెన్ జీ ఆడియన్స్ మొత్తం కంగుతిన్నారు. అయితే రాబోయే రోజుల్లో సూర్య కూడా తలపతి విజయ్ లాగా తమిళనాడు ఇండస్ట్రీ ని శాసించబోతున్నాడా అంటే అవుననే అంటున్నారు ట్రేడ్ విశ్లేషకులు. ఎందుకంటే విజయ్ సినిమా ఇండస్ట్రీ ని వదిలి రాజకీయాల్లోకి వెళ్ళిపోయాడు , తమిళనాడు కి ముఖ్యమంత్రి కూడా అయ్యాడు , శాశ్వతంగా ఇక సినిమాల నుండి తప్పుకున్నట్టే . ఇక మరో బిగ్గెస్ట్ సూపర్ స్టార్ అజిత్ కూడా సినిమాలను వదిలేసి కారు రేసింగ్ పై ద్రుష్టి పెట్టాడు. ఇలాంటి సమయం లో సూర్య ఇచ్చిన ఈ కంబ్యాక్ ని చూసి , ఇక తమిళనాడు నీదే అని అంటున్నారు ట్రేడ్ విశ్లేషకులు. ‘కరుప్పు’ చిత్రం ఏ రేంజ్ బ్లాక్ బస్టర్ అంటే, లియో , విక్రమ్ , కూలీ లాంటి హిట్ సినిమాలు కూడా సాధించలేని వసూళ్లను తమిళ బాక్స్ ఆఫీస్ వద్ద ఈ చిత్రం సాధిస్తోంది.
ఈ రేంజ్ బాక్స్ ఆఫీస్ స్టామినా ని చూడడం వల్లే సూర్య ని అందరూ తదుపరి నెంబర్ 1 హీరో అని అంటున్నారు. ఇకపోతే సూర్య తదుపరి చిత్రాలు కూడా చాలా ప్రామిసింగ్ గా ఉన్నాయి. ప్రస్తుతం ఆయన వెంకీ అట్లూరి తో ‘విశ్వనాధ్ & సన్స్ ‘ అనే చిత్రం చేస్తున్నాడు. ఈ సినిమా ‘లక్కీ భాస్కర్’ రేంజ్ లో ఉంటే మరోసారి సౌత్ బాక్స్ ఆఫీస్ షేక్ అవుతుంది అని చెప్పొచ్చు. ఈ చిత్రం తర్వాత ఆయన ఒక పవర్ ఫుల్ పోలీస్ ఆఫీసర్ క్యారెక్టర్ లో కనిపించబోతున్నాడు. ఈ రెండు చిత్రాల తర్వాత లోకేష్ కనకరాజ్ దర్శకత్వం లో ‘రోలెక్స్’ తెరకెక్కనుంది. ఈ సినిమాకు జెన్ జీ ఆడియన్స్ లో ఎలాంటి క్రేజ్ ఉందో ప్రత్యేకించి చెప్పనవసరం లేదు, ఇవన్నీ చూస్తుంటే రాబోయే రోజుల్లో తమిళ బాక్స్ ఆఫీస్ వద్ద కేవలం సూర్య రూల్ నడిచేలా అనిపిస్తోంది.
