Sukumar NTR Movie: తెలుగు సినిమా ఇండస్ట్రీలో ఇంటలిజెంట్ డైరెక్టర్ గా గుర్తింపును సంపాదించుకున్న దర్శకుడు సుకుమార్… ‘ఆర్య’ సినిమా నుంచి మొదలైన తన ప్రస్థానం ‘పుష్ప 2’ వరకు సక్సెస్ ఫుల్ గా కొనసాగుతూనే వచ్చింది. ఇప్పటివరకు ఆయన చేసిన సినిమాలు ఆయన్ని టాప్ లెవల్లో నిల్చో బెట్టాయి. సుకుమార్ ప్రస్తుతం రామ్ చరణ్ తో ఒక సినిమా చేయడానికి సిద్ధమయ్యాడు. మహేష్ బాబుతో ‘వన్ నేనొక్కడినే’ సినిమా చేసి ఫ్లాప్ ను మూట గట్టుకున్న తర్వాత ఎన్టీఆర్ ఏరికోరి మరి సుకుమార్ తో సినిమా చేయడానికి సిద్ధమయ్యాడు. ఇక ఆ క్రమంలోనే వీళ్ళిద్దరి కాంబినేషన్ లో నాన్నకు ప్రేమతో అనే సినిమా వచ్చింది. ఈ సినిమా భారీ విజయాన్ని సాధించడమే కాకుండా ఎన్టీఆర్ కెరియర్ లోనే ఒక డిఫరెంట్ అటెంప్ట్ గా మిగిలిపోయింది. ఇక ఆ తర్వాత వీళ్ళిద్దరి కాంబినేషన్లో మరో సినిమా చేయాలని వీళ్లిద్దరు అనుకున్నారు. కానీ అది కార్యరూపం దాల్చలేదు. కారణం ఏంటంటే సుకుమార్ ఎన్టీఆర్ కి చెప్పిన కథ అంత ఎఫెక్టివ్ గా అనిపించలేదట. దానికి తోడుగా ఆ కథలో చాలా లేయర్స్ అయితే ఉన్నాయి. ఒకదాని తోడుగా స్క్రీన్ ప్లే లో కూడా చాలా వరకు కన్ఫ్యూజన్స్ ఉన్నాయట. వాటన్నింటినీ క్లియర్ చేసుకున్న తర్వాత సినిమా చేస్తే బాగుంటుందని ఎన్టీఆర్ చెప్పడంతో సుకుమార్ సరేనని చెప్పాడట.
ఇక ఆ క్రమంలోనే అంతకు ముందే రాసుకున్న ‘రంగస్థలం’ సినిమాను రామ్ చరణ్ తో చేసి భారీ విజయాన్ని సాధించాడు. ఇక ఆ వెంటనే అల్లుఅర్జున్ తో పుష్ప, పుష్ప 2 లాంటి సినిమాలు చేసి బ్యాక్ టు బ్యాక్ సక్సెస్ లను సాధించాడు… ఇక అప్పటినుంచి జూనియర్ ఎన్టీఆర్ సుకుమార్ కాంబినేషన్ లో మరో సినిమా రాలేదు. ఫ్యూచర్లో వీళ్ళిద్దరు కలిసి సినిమా చేసే అవకాశాలైతే ఉన్నాయి.
నిజానికి సుకుమార్ తో సినిమా చేసే అవకాశం వస్తే చాలు అని చాలామంది హీరోలు ఎదురుచూస్తున్నారు. జూనియర్ ఎన్టీఆర్ మాత్రం సుకుమార్ స్క్రీన్ ప్లే లో అంత క్లారిటి లేదని ఆ కథను రిజెక్ట్ చేశాడని అతనికి మరి కొంత మంది చెప్తున్నారు. ఎందుకంటే సుకుమార్ కి సరిగ్గా కథ చెప్పడం రాదని చాలామంది నటులైతే చెప్పారు.
ఆ కన్ఫ్యూజన్ తోనే ఆయన ఏదో చెప్పినట్టున్నాడు. కానీ స్క్రీన్ మీద మాత్రం దాన్ని పర్ఫెక్ట్ గా పోట్రే చేయగలుగుతాడు అని మరి కొంతమంది భావిస్తున్నారు. ఇక వీళ్ళిద్దరి మధ్య చాలా మంచి ఫ్రెండ్షిప్ ఉంది కాబట్టి ఫ్యూచర్లో వీళ్ళు కలిసి మరో సినిమా చేసే అవకాశాలైతే పుష్కలంగా ఉన్నాయి…
