Pawan Kalyan Remuneration: పవర్ స్టార్ పవన్ కళ్యాణ్ రికార్డ్స్ గురించి ప్రత్యేకంగా చెప్పాల్సిన పనిలేదు. ఆయన ప్లాప్ సినిమా ఓపెనింగ్స్ కూడా రికార్డు స్థాయిలో ఉంటాయి. అజ్ఞాతవాసి పవన్ కెరీర్ లో డిజాస్టర్ కాగా, ఆ చిత్రం రికార్డు ఓపెనింగ్స్ దక్కించుకుంది. చాలా కాలం అజ్ఞాతవాసి ఓపెనింగ్ డే రికార్డు బ్రేక్ కాలేదు. ఆయనకున్న భారీ మాస్ ఫాలోయింగ్ కారణంగా ఇది సాధ్యం అవుతుంది. తాజాగా ఓ రీమేక్ కోసం ఆయన తీసుకుంటున్న రెమ్యూనరేషన్ టాలీవుడ్ లో హాట్ టాపిక్ గా మారింది. పవన్ కళ్యాణ్ తమిళ హిట్ మూవీ వినోదయ సిత్తం రీమేక్ చేస్తున్న విషయం తెలిసిందే. నేడు వినోదయ సిత్తం పూజా కార్యక్రమాలతో ప్రారంభమైంది.
దర్శకుడు సముద్ర ఖని వినోదయ సిత్తం రీమేక్ తెరకెక్కిస్తున్నారు. సాయి ధరమ్ తేజ్-పవన్ కళ్యాణ్ ల మల్టీస్టారర్ గా వినోదయ సిత్తం రూపొందుతుంది. ఈ మూవీలో పవన్ కళ్యాణ్ భగవంతుడు పాత్రలో కనిపించనున్నారు. గతంలో పవన్ కళ్యాణ్ గోపాల గోపాల మూవీలో ఇదే తరహా పాత్ర చేశారు. వినోదయ సిత్తం అధికభాగం సాయి ధరమ్ తేజ్ పై నడుస్తుంది. ఇంటర్వెల్ కి ముందు పవన్ పాత్ర ఎంట్రీ ఉంటుందట. ఇక పవన్ ఈ రీమేక్ ఓకే చేయడం వెనుక కారణం కూడా ఇదే. అతి తక్కువ రోజుల్లో తన పార్ట్ షూటింగ్ పూర్తి అవుతుంది.
Also Read: Ari Movie : అనసూయతో ‘పేపర్ బాయ్’ దర్శకుడి `అరి`
వినోదయ సిత్తం కోసం పవన్ కేవలం 20 డేస్ కాల్షీట్స్ ఇచ్చారట. జులై నుండి ఈ చిత్ర రెగ్యులర్ షూటింగ్ మొదలుకానుంది. అక్టోబర్ కల్లా తన పార్ట్ చిత్రీకరణ పూర్తి చేయాలి. అక్టోబర్ 5 నుండి ఆయన ఏపీలో బస్సు యాత్ర చేస్తున్నారు. దర్శకుడుకి పవన్ నుండి స్పష్టమైన ఆదేశాలు ఉన్నాయట. దీనితో ఫస్ట్ పవన్ కాంబినేషన్ లో సన్నివేశాలు పూర్తి చేయనున్నారు. ఇక పవన్ కేటాయించింది 20 రోజులే అయినప్పటికీ రెమ్యూనరేషన్ మాత్రం రెగ్యులర్ సినిమాలకు తీసుకుంటున్నట్లే రూ. 50 కోట్లు తీసుకుంటున్నారు.
అంటే పవన్ రోజు రూ. 2.50 కోట్లు ఛార్జ్ చేస్తున్నారన్న మాట. హాలీవుడ్ హీరోలకు ఈ రేంజ్ లో పారితోషికం ఉండదు. టాలీవుడ్ లో ఇదో రికార్డు అని చెప్పాలి. అలాగే అక్టోబర్ నాటికి హరి హర వీరమల్లు షూటింగ్ కూడా పూర్తి చేయాలనేది పవన్ ఆలోచన. మరోవైపు ఆ చిత్రాన్ని కూడా ఆయన హోల్డ్ లో పెట్టినట్లు వార్తలు వస్తున్నాయి. ఇక దర్శకుడు హరీష్ శంకర్ తో ప్రకటించిన భవదీయుడు భగత్ సింగ్ ఆలస్యం కానున్నట్లు స్పష్టంగా అర్థమవుతుంది. 2024 ఎన్నికల ముందు వరకు పవన్ నుండి హరి హర వీరమల్లు, వినోదయ సిత్తం విడుదలయ్యే సూచనలు కలవు.
Also Read:Pawan Kalyan- Puri Jagannadh: పవన్ కళ్యాణ్ ను సీఎం చేసేందుకు స్క్రిప్ట్ రెడీ చేస్తున్న పూరి జగన్నాథ్
[…] […]