Ram Charan-Sukumar Movie : ‘గేమ్ చేంజర్'(Game Changer Movie) లాంటి ఘోరమైన డిజాస్టర్ ఫ్లాప్ తర్వాత రామ్ చరణ్ తన తదుపరి చిత్రాలపై చాలా జాగ్రత్తలు తీసుకుంటున్నాడు. ప్రతీ సినిమాకు తన డ్యూటీ చేసుకొని వెళ్లిపోయే రామ్ చరణ్(Global Star Ram Charan), ప్రస్తుతం బుచ్చి బాబు(Buchi Babu Sana) తో తీస్తున్న సినిమా విషయం లో ప్రతీ షాట్ ని దగ్గరుండి గమనిస్తున్నాడట. ఏదైనా తనకు సంతృప్తి ని ఇవ్వకపోతే రీ షూట్స్ ఎన్ని సార్లు చేయడానికైనా సిద్దమేనట. అంత కేరింగ్ తో ఈ చిత్రం చేస్తున్నాడు. రెండు షెడ్యూల్స్ ని పూర్తి చేసుకున్న ఈ సినిమా త్వరలోనే మూడవ షెడ్యూల్ ని ఢిల్లీలో లో జరుపుకోబోతుంది. పార్లమెంట్ లో కూడా కొన్ని సన్నివేశాలను చిత్రీకరించబోతున్నారట. ఈ షెడ్యూల్ లో కన్నడ సూపర్ స్టార్ శివరాజ్ కుమార్(Shivarajkumar) కూడా జాయిన్ కాబోతున్నాడు. ఈ ఏడాది లోనే షూటింగ్ కార్యక్రమాలను పూర్తి చేసి సుకుమార్ తో చేయబోయే సినిమాకి షిఫ్ట్ కానున్నాడు రామ్ చరణ్.
Also Read : లీకైన ‘విశ్వంభర’ మూవీ పూర్తి స్టోరీ..ఇదే కథ నిజమైతే మెగాస్టార్ అభిమానుల పరిస్థితి ఏంటో!
గతంలో రామ్ చరణ్ సుకుమార్(Director Sukumar) కాంబినేషన్ లో తెరకెక్కిన ‘రంగస్థలం’ చిత్రం బాక్స్ ఆఫీస్ వద్ద సృష్టించిన సునామీ ఎలాంటిదో ప్రత్యేకించి చెప్పనవసరం లేదు. ముఖ్యంగా రామ్ చరణ్ ఇందులో నట విశ్వరూపం చూపించాడు. నటనలో కొత్త బెంచ్ మార్క్ ని క్రియేట్ చేసాడు. సుకుమార్ మరోసారి ఆయనతో అలాంటి సెన్సేషనల్ బ్లాక్ బస్టర్ తీయాలని బలమైన ప్లానింగ్ చేస్తున్నాడు. ఈ సినిమా యాక్షన్ జానర్ లో ఉండబోతుందట. రంగస్థలం లో హీరోయిన్ గా నటించిన సమంత(Samantha Ruth Prabhu), ఈ సినిమాలో మరోసారి హీరోయిన్ గా నటించబోతున్నట్టు తెలుస్తుంది. ఆమెతో పాటు రష్మిక(Rashmika Mandana) కూడా మరో హీరోయిన్ గా నటించబోతుందట. వీళ్లిద్దరి క్యారెక్టర్స్ సినిమాకి హైలైట్ గా నిలవబోతుందని టాక్. ప్రస్తుతం ఈ ఇద్దరి హీరోయిన్స్ కి పాన్ ఇండియా లెవెల్ లో ఎంత మంచి క్రేజ్ ఉందో ప్రత్యేకించి చెప్పనవసరం లేదు.
సమంత ఈమధ్య సినిమాలు బాగా తగ్గించింది కానీ, ఆమెకు పాన్ ఇండియా లెవెల్ లో మంచి క్రేజ్ ఉంది. అదే విధంగా ఓవర్సీస్ లో సమంత కి ప్రత్యేకమైన బ్రాండ్ ఇమేజ్ ఉంది. ఇక రష్మిక సంగతి ప్రత్యేకించి చెప్పనవసరం లేదు. ‘ఎనిమల్’,’ పుష్ప 2′, ‘చావా’ ఇలా వరుస బ్లాక్ బస్టర్ హిట్స్ తో మంచి ఊపు మీద ఉంది. వీళ్లిద్దరు కలిసి ఈ సినిమాలో నటిస్తే, ఆడియన్స్ లో ఈ సినిమాపై ఇంకా అంచనాలు పెరిగే అవకాశాలు ఉంటాయి. త్వరలోనే ఈ క్రేజీ ప్రాజెక్ట్ కి సంబంధించిన అధికారిక ప్రకటన రానుంది. హీరోయిన్స్ తో సహా, ఈ చిత్రం లో నటించే ఇతర నటీనటుల గురించి కూడా ఉగాది లోపు క్లారిటీ ఇవ్వబోతున్నారని ఇండస్ట్రీ వర్గాల్లో వినిపిస్తున్న టాక్. మయోసిటిస్ నుండి కోలుకున్న తర్వాత సమంత చేస్తున్న అతి పెద్ద ప్రాజెక్ట్ ఇదే. ఒక విధంగా రీ ఎంట్రీ అనుకోవచ్చు. చూడాలి మరి ఈ రీ ఎంట్రీ ఆమెకు ఎంత వరకు కలిసి వస్తుంది అనేది.
Also Read :సుకుమార్ రామ్ చరణ్ కోసం ఫ్యామిలీ స్టొరీ ని రెడీ చేస్తున్నారా..?
