Senapathi: తెలుగు ప్రేక్షకుల కోసం అల్లు అరవింద్ తీసుకొచ్చిన సరికొత్త ప్లాట్ఫామ్ ఆహా. తొలి తెలుగు ఓటీటీ సంస్థగా అడుగుపెట్టి అతి తక్కువ కాలంలోనే తిరుగులేని గుర్తింపు పొందిన యాప్ ఆహా. ఈ యాప్ లాంచ్ చేసిన కొద్దికాలంలోనే అత్యధిక డౌన్లోడ్స్తో రికార్డు సృష్టించింది. ఎప్పటికప్పుడు ప్రేక్షకుల టేస్టుకు తగ్గట్లు సినిమాలు రిలీజ్ చేస్తూ… సరికొత్త కార్యక్రమాలకు శ్రీకారం చుడుతూ మంచి మంచి కంటెంట్లను ఇస్తోంది ఆహా. ఇటు టాక్‌షోలు, అటు సినిమాలు, మరోవైపు వెబ్ సిరీస్‌లు.. ఇలా తెలుగు ప్రేక్షకులకు 100 శాతం వినోదాన్ని అందించేందుకు ప్రయత్నిస్తోంది ఆహా. ఈ క్రమంలోనే విభిన్న కథలతో కూడిన సినిమాలు, వెబ్‌సిరీస్‌లను ప్రేక్షకుల ముందుకు తీసుకొస్తుంది. ఇందులో భాగంగానే నటకిరీటీ రాజేంద్ర ప్రసాద్ ప్రధాన పాత్రలో ‘సేనాపతి’ అనే వెబ్‌సిరీస్‌ను రూపొందుతోన్న సంగతి తెలిసిందే.
Senapathi
Also Read: ఏపీలో కొనసాగుతున్న థియేటర్ల తనిఖీలు… కృష్ణా, విజయనగరం జిల్లాలో ఎన్ని సీజ్ చేశారంటే
రాజేంద్ర ప్రసాద్‌కు కూడా ఇదే మొదటి వెబ్‌సిరీస్‌ కావడం విశేషం. గోల్డ్ బాక్స్ ఎంట‌ర్‌టైన్‌మెంట్స్ బ్యాన‌ర్‌పై మెగాస్టార్ చిరంజీవి కుమార్తె సుష్మిత కొణిదెల, విష్ణు ప్రసాద్ ఈ సిరీస్‌ను నిర్మించారు. గతంలో ‘ప్రేమ ఇష్క్ కాద‌ల్’ వంటి చిత్రాన్ని తెర‌కెక్కించిన ద‌ర్శకుడు ప‌వ‌న్ సాధినేని ఈ సిరీస్ ని డైరెక్ట్ చేస్తున్నారు. 2017లో తమిళంలో వచ్చిన సస్పెన్స్ క్రైమ్‌ థ్రిల్లర్‌ ‘8 తొట్టక్కల్’ సినిమాకు తెలుగు రీమేక్‌గా ఇది తెరకెక్కుతోంది. ఇప్పటికే ఈ చిత్రం నుంచి విడుదలైన ‘సేనాపతి’ పోస్టర్లు సినిమాపై అంచనాలను పెంచేశాయి. కాగా ఈనెల 31 నుంచి ఈ సిరీస్ ఆహాలో స్ట్రీమింగ్ కానుంది. తాజాగా ‘వరల్డ్ ఆఫ్ సేనాపతి’ పేరుతో సిరీస్ ట్రైలర్‌ను విడుదల చేసింది చిత్రబృందం. ఆద్యంతం యాక్షన్, సస్పెన్స్ ఎపిసోడ్స్‌తో ఉత్కంఠగా సాగింది ఈ ట్రైలర్. ఇక ఈ సినిమాలో న‌రేష్ అగ‌స్త్య, జ్ఞానేశ్వర్ కందేర్గుల, హ‌ర్షవ‌ర్దన్‌, రాకేందు మౌళి త‌దిత‌రులు ప్రధాన పాత్రల్లో నటించారు.
Also Read: శ్యామ్ సింగరాయ్ అద్భుతం.. స్టార్ హీరో కోసం మరో కథ సిద్ధం !
Web Title: Rajendra parsad senapathi web series trailer released
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
