Kaikala Sathyanarayana: “నవరస నటనా సార్వభౌమగా ” ఖ్యాతి కెక్కిన కైకాల సత్యనారాయణ గురించి తెలియని వారుండరు. గత 60 సంవత్సరాలుగా తెలుగు సినిమా రంగంలో విశేష సేవలందిస్తున్న ఆయన 777 సినిమాల్లో నటించాడు. పౌరాణిక, సాంఘిక, చారిత్రక, జానపద వంటి పాత్రలేన్నింటినో పోషించి గొప్ప నటుడిగా తెలుగు ప్రజల గుండెల్లో నిలిచిపోయారు. విలన్ గా, క్యారెక్టర్ ఆర్టిస్ట్ గా, హాస్య నటుడిగా ఎన్నో వైవిధ్యమైన పాత్రల పోషించారు. అయితే తాజాగా కైకాల స్వల్ప అస్వస్థతకు గురయినట్లు తెలుస్తుంది.
నాలుగు రోజుల క్రితం ఇంట్లో ఆయన జారిపడ్డారు. కింద పడడం వలన నిన్న రాత్రి నొప్పులు కాస్త ఎక్కువగా ఉండడంతో సికింద్రాబాద్లోని ప్రముఖ ప్రైవేటు హాస్పిటల్లో ఆయనను కుటుంబ సభ్యులు చేర్పించారు. ప్రస్తుతం ఆయన పరిస్థితి బాగానే ఉందని… ఆందోళన పడాల్సిన అవసరం లేదని వారు తెలియజేశారు. కైకాల ప్రస్తుతం సినిమాల్లో నటించడం తగ్గించి ఇంటికే పరిమితయ్యారు. ఆయన ఆఖరుగా ‘యన్టీఆర్ కథానాయకుడు, మహర్షి’ చిత్రాల్లో తెరమీద కనిపించారు.
