Rathika Rose: బిగ్ బాస్ ఇంట్లో ఎప్పుడు ఏం జరుగుతుందో తెలుసుకోవడం కష్టమే. ఎవరు ఉంటారో? ఎవరు ఇంట్లో నుంచి వెళ్తారు అనేది తెలియడం కూడా కష్టమే. అయితే ఈ ఇంటి నుంచి గతంలోనే రతిక రోజ్ ఎలిమినేట్ అయి బయటకు వెళ్లింది. కానీ అదృష్టం కొద్ది మళ్లీ తిరిగి వచ్చింది ఈ అమ్మడు. ఊహించని విధంగా ఇంటి నుంచి వెళ్లిపోయి ఆమె అభిమానులను నిరాశ పరిచింది. టాప్ 5లో ఉంటుందనుకున్న రతిక ఎలిమినేట్ అవడంతో ఆమె అభిమానులు ఆవేదన వ్యక్తం చేశారు. ఇదిలా ఉంటే ఇంటి నుంచి బయటకు వచ్చిన రతిక పలు ఇంటర్వ్యూలకు హాజరవుతుంది.
రీసెంట్ గా ఓ ఇంటర్వ్యూలో ఆసక్తికరమైన విషయాలను వెల్లడించింది ఈ అమ్మడు. ఇప్పుడు ఈ కామెంట్లు నెట్టింట వైరల్ గా మారాయి. నేను గేమ్ లో ఆశించిన స్థాయిలో ఆడకపోయినా ఆడియన్స్ సపోర్ట్ చేస్తూ వచ్చారని రతిక కామెంట్లు చేశారు. యాక్టివిటీల పరంగా నేను వీక్ అని ఆమె తెలిపారు. సెకండ్ టైమ్ ఛాన్స్ వచ్చినా సరిగ్గా వినియోగించుకోలేకపోయానని ఆమె అన్నారు. ఈ విషయాన్ని అంగీకరిస్తానని ఆమె చెప్పుకొచ్చారు. ఇక ఫస్ట్ టైమ్ ఎలిమినేట్ అయినసమయంలో శివాజీ, ప్రశాంత్ లను కనీసం చూడకుండా రావడానికి కారణం ఉందని రతిక కామెంట్లు చేశారు.
తాను ఎలిమినేట్ అయ్యాననే ప్రకటన వినగానే మైండ్ బ్లాంక్ అయిందని ఆమె అన్నారు. బయటకు వచ్చాక కొన్ని విషయాలు తెలిసి వాళ్లకు సారీ చెప్పానని వెల్లడించింది ఈమె. తాను కన్నింగ్ స్టార్స్ అని కొంత మంది కామెంట్లు చేశారని.. రెండోసారి హౌస్ లోకి వెళ్లిన సమయంలో అది పోగొట్టుకున్నానని అనుకుంటున్నట్టు తెలిపింది. మొదటి సారి ఎలిమినేటై బయటకు వచ్చిన సమయంలో నాకు కూడా ఫ్యాన్స్ ఉన్నారని అర్థమైందని.. వైల్డ్ కార్డ్ లో వచ్చిన వాళ్లకు నా గురించి ఎందుకు అని రతిక పేర్కొన్నారు. రెండోసారి వెళ్లిన సమయంలో మరింత డౌన్ అయ్యానని ఆమె అన్నారు.
నేను అందరితో బాగున్నానని ఏ బ్యాచ్ తో కలవలేదని ప్రశాంత్ విషయంలో తప్పులను అంగీకరిస్తానని రతిక తెలిపారు. బిగ్ బాస్ టాప్ 5లో ఉండే అర్హత నాకు లేదని అందుకు నన్ను క్షమించాలని టాప్ 3లో ఒకరిగా శివాజీ అన్నను చూడాలని అనుకుంటున్నానని రతిక తెలిపారు. రతిక చెప్పిన విషయాలు నెట్టింట వైరల్ అవుతున్నాయి.
