Mrunal Thakur: సీతా రామం సినిమాతో మృణాల్ ఠాకూర్ ఫుల్ ఫామ్ లోకి వచ్చింది. అసలు సినిమాల్లో అదృష్టం కలిసొస్తే వరుసపెట్టి అవకాశాలు వస్తాయి. ప్రస్తుతం అదృష్టం అంతా మృణాల్ ఠాకూర్ దగ్గరే ఉన్నట్టు ఉంది. తమిళ, కన్నడ పరిశ్రమల్లో కూడా మృణాల్ ఠాకూర్ కోసం మేకర్స్ ఎగబడుతున్నారు. ఇన్ని ఇండస్ట్రీల్లో ఒకేసారి ఎంట్రీ దక్కడం అంటే అదృష్టం ఉండాలి. ప్రస్తుతం అలాంటి అదృష్టాన్నే ఎంజాయ్ చేస్తోంది మృణాల్ ఠాకూర్.
దుల్కర్ పక్కన హీరోయిన్ గా నటించడంతో మృణాల్ ఠాకూర్ కు సౌత్ మొత్తం ఫుల్ క్రేజ్ వచ్చింది. నిజానికి కోలీవుడ్ లో ఎంట్రీ ఇచ్చేందుకు చాలామంది కొత్త హీరోయిన్లు, ఎన్ని ప్రయత్నాలు చేసినా ఛాన్స్ లు రావు. ఛాన్స్ లు వచ్చినా.. ఎక్కువ కాలం నిలబడలేరు. కానీ, మృణాల్ ఠాకూర్ మాత్రం అప్రయత్నంగానే కన్నడనాట, తమిళనాట ఎంట్రీ ఇస్తోంది.
తాజాగా మృణాల్ ఠాకూర్ తన సినీ కెరీర్ గురించి మాట్లాడుతూ.. “తమిళంలో హీరోయిన్ గా ఎంట్రీపై నేను చాలా ఎగ్జయిటింగ్ గా ఉన్నాను. నా మొదటి సినిమా టైమ్ నుంచి కోలీవుడ్ లో నాకు అవకాశాలు వచ్చాయి. ముఖ్యంగా నాకు తమిళ ప్రేక్షకుల నుంచి కూడా గొప్ప ప్రశంసలు రావడం నా అదృష్టం’ అంటూ మృణాల్ ఠాకూర్ చెప్పుకొచ్చింది.
మృణాల్ ఠాకూర్ ఇంకా మాట్లాడుతూ.. ‘అప్పుడు నేను ఊహించలేదు. తమిళంలో కూడా నా పై అంత ప్రేమ చూపిస్తారని! అనుకోకుండా తమిళ్ లో నేను హీరోయిన్ గా అడుగుపెడుతున్నాను. విశాల్ గారి సినిమాలో నేను హీరోయిన్ గా చేయడం నా లక్. ఇది తెలుగు – తమిళ్ బైలింగ్వెల్ మూవీ. దీంతో ఇక తమిళ్ నేర్చుకోవాల్సిన పరిస్థితి వచ్చింది. మరి మృణాల్ ఠాకూర్ తమిళం నేర్చుకుంటుందా ? అంటూ నా ఫ్రెండ్స్ కూడా షాక్ అయ్యారు.
కానీ.. నేను మృణాల్ ఠాకూర్, తమిళం నేర్చుకున్నాను. ప్రస్తుతానికైతే తమిళ్ నేర్చుకుంటున్నప్పటికీ.. డబ్బింగ్ మాత్రం నేను చెప్పడం లేదు. కానీ భవిష్యత్తులో చెబుతాను అంటూ తెలిపింది మృణాల్ ఠాకూర్. ఇలా వరుసపెట్టి తమిళ సినిమాలు చేస్తోంది మృణాల్ ఠాకూర్. ఇవన్నీ తను ప్లాన్ చేయలేదని, అలా జరిగిపోయాయని చెబుతోంది మృణాల్ ఠాకూర్. మొత్తమ్మీద మృణాల్ ఠాకూర్ కోసం తెలుగులో ఎగబడుతున్నారు. ఇప్పుడు తమిళంలో కూడా దుకాణం తెరిచింది. కాబట్టి అక్కడ కూడా ఇదే పరిస్థితి ఉంది.
