Dhanush Kara Movie Collections: తమిళ హీరో ధనుష్(Dhanush K Raja) హీరో గా నటించిన లేటెస్ట్ చిత్రం ‘కర'(Kara Movie) ప్రపంచవ్యాప్తంగా రీసెంట్ గానే భారీ అంచనాల నడుమ విడుదలై , బాక్స్ ఆఫీస్ వద్ద మిశ్రమ స్పందన సొంతం చేసుకుంది. ఆన్లైన్ లో టాక్ చాలా పాజిటివ్ గానే వచ్చింది కానీ, పబ్లిక్ లో మాత్రం ఈ చిత్రానికి పెద్దగా టాక్ లేదు. సినిమా చాలా సోదిలాగా ఉందని చాలా మంది కామెంట్ చేశారు. వరుస సూపర్ హిట్స్ లో ఉన్నటువంటి ధనుష్ కి ఈ చిత్రం కాస్త స్పీడ్ బ్రేకులు వేసిందనే చెప్పాలి. వారం రోజుల థియేట్రికల్ రన్ ని పూర్తి చేసుకున్న ఈ చిత్రానికి ప్రాంతాల వారీగా ఎంత గ్రాస్ వచ్చిందో ఒకసారి చూద్దాం. ఈ చిత్రం పై ఐపీఎల్ ప్రభావం తో పాటు, తమిళనాడు ఎన్నికల ప్రభావం కూడా చాలా బలంగా పడిందని అంటున్నారు.
ముందుగా తెలుగు రాష్ట్రాల విషయానికి వస్తే నైజం ప్రాంతం నుండి 3 కోట్ల రూపాయిల గ్రాస్ వసూళ్లు రాగా, ఆంధ్ర ప్రదేశ్ నుండి 2 కోట్ల 85 లక్షల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి తెలుగు రాష్ట్రాల నుండి 5 కోట్ల 85 లక్షల రూపాయిల గ్రాస్ వసూళ్లు , 2 కోట్ల 83 లక్షల రూపాయిల షేర్ వసూళ్లు వచ్చాయి. బ్రేక్ ఈవెన్ మార్కుని అందుకోవాలంటే ఇంకా 1 కోటి 67 లక్షల రూపాయిల షేర్ వసూళ్లు రావాలి. ఇక మిగిలిన ప్రాంతాల విషయానికి వస్తే తమిళనాడు నుండి 24 కోట్ల రూపాయిల గ్రాస్ వసూళ్లు రాగా , కర్ణాటక రాష్ట్రము నుండి 3 కోట్ల 15 లక్షలు , కేరళ రాష్ట్రము నుండి 58 లక్షలు , రెస్ట్ ఆఫ్ ఇండియా నుండి 30 లక్షల రూపాయిల గ్రాస్ వసూళ్లు వచ్చాయి.
ఓవరాల్ గా ఓవర్సీస్ నుండి ఈ చిత్రానికి 10 కోట్ల 10 లక్షల రూపాయిల గ్రాస్ వసూళ్లు వచ్చాయి. ఓవరాల్ గా వరల్డ్ వైడ్ గా అన్ని భాషలకు కలిపి 44 కోట్ల రూపాయిల గ్రాస్ వసూళ్లు , 20 కోట్ల రూపాయిల షేర్ వసూళ్లు వచ్చాయి. బ్రేక్ ఈవెన్ మార్కుని అందుకొని క్లీన్ సూపర్ హిట్ స్టేటస్ ని అందుకోవాలంటే , ఈ చిత్రం మరో 20 కోట్ల రూపాయిల షేర్ వసూళ్లను రాబట్టాల్సి ఉంటుంది. అయితే ప్రస్తుతం ఉన్నటువంటి పరిస్థితుల్లో బ్రేక్ ఈవెన్ మార్కుని అందుకోవడం అసాధ్యం , కాబట్టి కమర్షియల్ గా ఈ చిత్రం ధనుష్ కెరీర్ లోనే బిగ్గెస్ట్ డిజాస్టర్ గా భావించవచ్చు.
