Dhurandhar 2 The Revenge 50 days collections: ఇండియన్ ఫిలిం ఇండస్ట్రీ హిస్టరీ లో ఎప్పటికీ మర్చిపోలేని కొన్ని సినిమాలు ఉంటాయి. అలాంటి సినిమాల్లో ‘ధురంధర్'(Dhurandhar 2 : The Revenge) సిరీస్ కచ్చితంగా ఉంటుంది అనడంలో ఎలాంటి సందేహం లేదు. బాక్స్ ఆఫీస్ వద్ద మొదటి భాగం ఎలాంటి అంచనాలు లేకుండా విడుదలై , ఫుల్ రన్ 1370 కోట్ల రూపాయిల గ్రాస్ వసూళ్లను రాబట్టి సంచలనం సృష్టించింది. మొదటి భాగానికి ఈ రేంజ్ బ్లాక్ బస్టర్ రెస్పాన్స్ రావడంతో , రెండవ భాగం పై అంచనాలు తారా స్థాయికి చేరింది . ఆ అంచనాలకు తగ్గట్టుగా సినిమా ఉండడం తో , సెన్సేషనల్ బ్లాక్ బస్టర్ గా నిల్చింది. 50 రోజుల హిస్టారికల్ థియేట్రికల్ రన్ ని పూర్తి చేసుకున్న ఈ చిత్రానికి ఎంత గ్రాస్ వసూళ్లు వచ్చిందో ఒకసారి చూద్దాం. తెలుగు రాష్ట్రాల్లో కూడా ఈ చిత్రం ప్రభంజనం సృష్టించింది.
ముఖ్యంగా సౌత్ స్టేట్స్ లో ఈ చిత్రానికి 300 కోట్ల రూపాయిల గ్రాస్ వసూళ్లు నమోదు అయ్యాయి. ప్రీమియర్ షోస్ తో కలిపి కర్ణాటక ప్రాంతం లో ఈ చిత్రానికి 141 కోట్ల రూపాయిల గ్రాస్ వసూళ్లు నమోదు అయ్యాయి. ఇప్పటి వరకు కేజీఎఫ్ సిరీస్ , కాంతారా సిరీస్ కి తప్ప , మరో సినిమాకు కర్ణాటక లో ఈ రేంజ్ గ్రాస్ వసూళ్లు నమోదు అవ్వలేదు. అదే విధంగా తెలంగాణ ప్రాంతం లో ఈ చిత్రానికి తెలుగు + హిందీ భాషలకు కలిపి 72 కోట్ల రూపాయిల గ్రాస్ వసూళ్లు నమోదు అయ్యాయి. ఇది కూడా ఒక హిస్టారికల్ రికార్డు అనొచ్చు. ఇక ఆంధ్ర ప్రదేశ్ లో అయితే 28 కోట్ల 40 లక్షల రూపాయిల గ్రాస్ వసూళ్లు నమోదు అయ్యాయి. తమిళనాడు లో దాదాపుగా 39 కోట్ల రూపాయిల గ్రాస్ వసూళ్లు నమోదు అవ్వగా, కేరళ ప్రాంతం లో 19 కోట్ల 50 లక్షల రూపాయిల గ్రాస్ వసూళ్లు నమోదు అయ్యాయి.
ఓవరాల్ గా ఈ చిత్రానికి సౌత్ రాష్ట్రాల నుండి 300 కోట్ల రూపాయిల గ్రాస్ వసూళ్లు నమోదు అయ్యాయి. భాషల వారీగా సౌత్ రాష్ట్రాల నుండి వచ్చిన వసూళ్లను ఒకసారి గమనిస్తే హిందీ వెర్షన్ నుండి 223 కోట్ల రూపాయిల గ్రాస్ వసూళ్లు నమోదు అవ్వగా, తెలుగు వెర్షన్ నుండి 48 కోట్ల రూపాయిలు, తమిళ వెర్షన్ నుండి 23 కోట్ల రూపాయిలు , కన్నడ వెర్షన్ నుండి 4 కోట్ల 50 లక్షలు, మలయాళం వెర్షన్ నుండి 1 కోటి 80 లక్షల రూపాయిల గ్రాస్ వసూళ్లు నమోదు అయ్యాయి. ఓవరాల్ గా ఇండియా వైడ్ గా 1390 కోట్ల రూపాయిల గ్రాస్ వసూళ్లు , ఓవర్సీస్ నుండి 440 కోట్ల రూపాయిలు, ప్రపంచవ్యాప్తంగా 1830 కోట్ల రూపాయిల గ్రాస్ వసూళ్లు వచ్చాయి. ఇప్పటికీ థియేటర్స్ లో ఈ చిత్రం విజయవంతంగా రన్ అవుతున్నప్పటికీ, ఈ నెల 15 నుండి డిస్నీ + హాట్ స్టార్ లో విడుదల చేయడానికి సన్నాహాలు చేస్తున్నారు మేకర్స్.
