tollywood comedian heroes : నవ్వించడం ఒక యోగం… నవ్వించగలగడం ఒక భోగం.. తెలుగు సినీ ఇండస్ట్రీలో ప్రేక్షకులను పొట్టచెక్కలయ్యేలా నవ్వించే కమెడియన్లకు ఉన్న ఆదరణే వేరు. అయితే, కేవలం కామెడీకే పరిమితం కాకుండా, తమలోని నటుడిని కొత్త కోణంలో ఆవిష్కరిస్తూ హీరోలుగా మారి బాక్సాఫీస్ వద్ద మెప్పించిన హాస్య నటులు మన టాలీవుడ్‌లో చాలామందే ఉన్నారు.
నవ్వులు పూయించడమే కాదు… తమ నటనతో ప్రేక్షకులను మెప్పించగలమని నిరూపించిన ఆ స్టార్ కమెడియన్లు ఎవరు? వారు హీరోగా చేసిన గుర్తుండిపోయే సినిమాలేంటి? అనే విషయాలను ఈనాటి మన వీడియోలో వివరంగా తెలుసుకుందాం!
మొదటగా చెప్పుకోవాల్సింది ఆలీ గారి గురించి! బాలనటుడిగా ఇండస్ట్రీకి వచ్చి, కమెడియన్‌గా ప్రేక్షకులకు బాగా దగ్గరైన ఆలీ.. హీరోగా కూడా మంచి మార్కులే వేయించుకున్నారు. కేవలం నవ్వులు పూయించడమే కాదు.. ఎమోషనల్ సీన్లలో ప్రేక్షకులతో కన్నీళ్లు కూడా పెట్టించగలనని నిరూపించారు.
ఎస్.వి. కృష్ణారెడ్డి దర్శకత్వంలో వచ్చిన ‘యమలీల’, ‘మాయలోడు’ చిత్రాలు ఆలీ కెరీర్‌ను మలుపు తిప్పాయి. ఆ తర్వాత పిట్టలదొర, ఆలీబాబా అద్భుత దీపం, ఘటోత్కచుడు, సర్కస్ సత్తిపండు, అక్కుం బక్కుం, హంగామా, మరియు ఇటీవల వచ్చిన ‘అందరూ బాగుండాలి అందులో నేనుండాలి’ వంటి పలు సినిమాల్లో హీరోగా నటించి, బాక్సాఫీస్ వద్ద సూపర్ హిట్లను అందుకున్నారు.
—
తన మార్క్ టైమింగ్‌తో, విభిన్నమైన మ్యానరిజమ్‌తో టాలీవుడ్‌ను ఊపేసిన నటుడు వేణుమాధవ్. కమెడియన్‌గా వరస సినిమాలు చేస్తూ ఫుల్ బిజీగా ఉన్న సమయంలోనే ఆయనకు హీరోగా చేసే అవకాశాలు వచ్చాయి.
‘హంగామా’, ‘భూకైలాస్’, ‘ప్రేమాభిషేకం’ వంటి సినిమాల్లో వేణుమాధవ్ ప్రధాన పాత్రల్లో (హీరోగా) నటించి, ప్రేక్షకులను అలరించడమే కాకుండా నటుడిగా మంచి పేరు తెచ్చుకున్నారు.
——-
కొన్ని సంవత్సరాల పాటు బ్రహ్మానందం లేని తెలుగు సినిమా లేదంటే అతిశయోక్తి కాదు. ఆయన స్క్రీన్ పై కనిపిస్తే చాలు థియేటర్లలో ఈలల గోల! ఆయన కామెడీ కోసమే సినిమాలు చూసిన రోజులు ఉన్నాయి.
కామెడీ బ్రహ్మగా పేరు తెచ్చుకున్న బ్రహ్మానందం గారు కూడా హీరోగా సినిమాలు చేశారు. ‘బాబాయ్ హోటల్’, ‘జఫ్ఫా’ వంటి చిత్రాల్లో ప్రధాన పాత్రలు పోషించి తనదైన నటనతో మెప్పించారు.
————–
కమెడియన్ నుండి సిక్స్ ప్యాక్ హీరోగా మారి అందరినీ ఆశ్చర్యపరిచిన నటుడు సునీల్!
‘అందాల రాముడు’ సినిమాతో హీరోగా ఎంట్రీ ఇచ్చిన సునీల్, మొదటి సినిమాతోనే డిస్ట్రిబ్యూటర్లకు కాసుల వర్షం కురిపించారు. ఆ తర్వాత దర్శకధీరుడు రాజమౌళి తెరకెక్కించిన ‘మర్యాద రామన్న’ సినిమాతో ఇండస్ట్రీ హిట్ కొట్టారు.
ఆ తర్వాత హీరోగా చేసిన కొన్ని సినిమాలు ఆశించిన విజయాన్ని అందించకపోవడంతో, ప్రస్తుతం విలన్‌గా, సహాయ నటుడిగా వెండితెరపైనే కాకుండా ఓటీటీల్లోనూ తన నటనతో దుమ్మురేపుతున్నారు.
————–
‘పెళ్లి చూపులు’ సినిమాతో ఫేమస్ అయిన ప్రియదర్శి, స్వయంకృషితో హీరోగా ఎదిగారు. ప్రియదర్శి ప్రధాన పాత్రలో తెరకెక్కిన మొదటి సినిమా ‘మల్లేశం’. చేనేత కార్మికుడు చింతకింది మల్లేశం జీవిత కథగా వచ్చిన ఈ సినిమాకు విమర్శకుల నుంచి విశేష ప్రశంసలు లభించాయి.
ఆ తర్వాత ‘మెయిల్’, ‘మిఠాయి’ సినిమాల్లో నటిస్తూనే… ‘బలగం’ సినిమాతో ఎంతటి విజయాన్ని అందుకున్నారో మనందరికీ తెలిసిందే. తెలంగాణ సంస్కృతి నేపథ్యంలో వచ్చిన బలగం ప్రియదర్శి కెరీర్‌లోనే మైలురాయిగా నిలిచింది.
———-
తన ప్రత్యేకమైన డైలాగ్ డెలివరీతో కామెడీ ట్రాక్‌లో స్పీడ్ పెంచిన సప్తగిరి, ‘సప్తగిరి ఎక్స్‌ప్రెస్’ సినిమాతో హీరోగా మారారు.
ఆ తర్వాత ‘సప్తగిరి ఎల్‌ఎల్‌బీ’, ‘వజ్ర కవచ ధర గోవింద’ చిత్రాల్లో హీరోగా చేశారు. ఈ సినిమాల్లో కేవలం కామెడీ మాత్రమే కాకుండా, ఎమోషనల్ సీన్స్‌లో కన్నీళ్లు పెట్టించి మెప్పించారు. అయితే హీరోగా సరైన విజయాలు అందకపోవడంతో ప్రస్తుతం మళ్లీ కమెడియన్‌గా అలరిస్తున్నారు.
——-
బుల్లితెర కామెడీ షోలతో ఆకట్టుకుని వెండితెరకు పరిచయమైన నటుడు షకలక శంకర్. కమెడియన్‌గా స్థిరపడే ప్రయత్నాలు చేస్తూనే హీరోగా అదృష్టాన్ని పరీక్షించుకున్నారు. ‘శంభో శంకర్’ అనే సినిమాలో మాస్ హీరోగా నటించి ప్రేక్షకులను అలరించారు.
——-
బుల్లితెరపై ‘జబర్దస్త్’ షో ద్వారా విపరీతమైన మాస్ ఫ్యాన్ బేస్‌ను సంపాదించుకున్న నటుడు సుడిగాలి సుధీర్. తన డ్యాన్స్, టైమింగ్, నటనతో కుర్రకారును ఆకట్టుకున్న సుధీర్.. ‘సాఫ్ట్‌వేర్ సుధీర్’ సినిమాతో హీరోగా ఎంట్రీ ఇచ్చారు.
ఆ తర్వాత వచ్చిన ‘గాలోడు’ సినిమా బాక్సాఫీస్ వద్ద మంచి విజయాన్ని సాధించింది. ‘వాంటెడ్ పండుగాడ్’ వంటి సినిమాలతో టాలీవుడ్‌లో హీరోగా తన ప్రయాణాన్ని కొనసాగిస్తున్నారు.
———–
‘ఇడియట్’, ‘సింహాద్రి’, ‘వెంకీ’, ‘దేశముదురు’, ‘ఢీ’, ‘పరుగు’, ఇటీవల వచ్చిన ‘బింబిసార’, ‘కార్తికేయ-2’ వరకు ఎన్నో హిట్ సినిమాల్లో ముఖ్యమైన కామెడీ పాత్రలు పోషించారు శ్రీనివాస రెడ్డి.
ఈయన ‘జంబలకిడిపంబ’, ‘జయమ్ము నిశ్చయమ్మురా’ చిత్రాల్లో కథానాయకుడిగా నటించగా… ‘ముగ్గురు మొనగాళ్లు’, ‘ఆనందోబ్రహ్మ’ వంటి సినిమాల్లో ప్రధాన పాత్రల్లో నటించి మంచి గుర్తింపు తెచ్చుకున్నారు.
——
2010లో ఇండస్ట్రీలోకి అడుగుపెట్టిన సత్య, అతి తక్కువ కాలంలోనే 50కి పైగా సినిమాల్లో నటించి ఇండస్ట్రీలో మోస్ట్ వాంటెడ్ కమెడియన్‌గా మారారు.
లాక్‌డౌన్ నేపథ్యంలో వచ్చిన ‘వివాహ భోజనంబు’ సినిమాతో సత్య హీరోగా పరిచయమయ్యారు. ఓటీటీలో విడుదలైన ఈ సినిమా మంచి టాక్ తెచ్చుకోవడమే కాకుండా, సత్య మార్క్ నటనకు విమర్శకుల నుంచి విశేష ప్రశంసలు లభించాయి.
—————
చూశారుగా! కేవలం నవ్వించడమే కాదు… కథకు తగ్గట్టు తమ నటనతో మెప్పించి హీరోలుగా కూడా సత్తా చాటారు ఈ కమెడియన్లు.
మరి ఈ కమెడియన్-టర్న్డ్-హీరోలలో మీకు బాగా నచ్చిన నటుడు ఎవరు? వారు చేసిన ఏ సినిమా మీ ఫేవరెట్? అనేది కింద కామెంట్ సెక్షన్‌లో కామెంట్ చేయండి!
