Salman Khan: సల్మాన్ ఖాన్ గురించి ప్రత్యేకంగా పరిచయం చేయాల్సిన అవసరం లేదు. తనదైన నటనతో విభిన్న పాత్రలతో ప్రేక్షకులను మెప్పిస్తూ దూసుకుపోతున్నాడు సల్మాన్. కేవలం బాలీవుడ్ లోనే కాకుండా సల్మాన్ కి దేశ విదేశాల్లో సైతం ఫ్యాన్ ఫాలోయింగ్ గట్టిగానే ఉంది. కాగా మన తెలుగు హీరోలు బాలీవుడ్ చిత్రాల్లో కీలక పాత్రలు చేయడం తరచుగా జరుగుతూ ఉంటుంది. కానీ బాలీవుడ్ హీరోలు తెలుగు సినిమాల్లో నటించడం చాలా అరుదు. అయితే మెగాస్టార్ చిరంజీవికి సల్మాన్ ఖాన్ కి మంచి స్నేహ బంధం ఉన్న విషయం తెలిసిందే.
అయితే సల్మాన్ నటించిన అంతిమ్ సినిమా రిలీజ్ మంచి విజయం సాధించింది. ఈ మేరకు ‘అంతిమ్’ సినిమా ప్రమోషన్ కోసం హైదరాబాద్ వచ్చాడు సల్మాన్. తన బావమరిది ఆయుష్ శర్మ, చిత్ర దర్శకుడు మహేష్ మంజ్రేకర్లతో కలిసి సందడి చేశాడు సల్మాన్ భాయ్. ఈ సందర్భంగా మీడియాతో మాట్లాడుతూ పలు ఆసక్తికర విషయాలను వెల్లడించాడు. ‘త్వరలో చిరంజీవి గారితో కలిసి వర్క్ చేయబోతున్నాను. చిరంజీవి, రామ్ చరణ్ నాకు చాలా క్లోజ్ అని చెప్పారు. అలానే వెంకటేష్ కూడా నాకు బాగా తెలుసు. ఆయనతో కూడా మూవీ చేయబోతున్నాను అంటూ అదిరిపోయే న్యూస్ రివీల్ చేశాడు సల్మాన్ ఖాన్.
Also Read: ‘వెంకీ’కి ఆ పేరు ఎలా వచ్చిందంటే ?
మలయాళ హిట్ ‘లూసిఫర్’ ఆధారంగా చిరంజీవి ‘గాడ్ఫాదర్’ చేస్తున్నారు. ఒరిజినల్లో పృథ్వీరాజ్ సుకుమారన్ చేసిన పాత్రను తెలుగులో సల్మాన్ పోషిస్తున్నాడు. ఇది అందరికీ తెలిసిన విషయమే. కానీ తను వెంకటేష్ సినిమాలో యాక్ట్ చేయడమనేది ఎవరు ఊహించని విషయం. దీంతో వెంకీ ఫ్యాన్స్తో పాటు తెలుగు రాష్ట్రాల్లో ఉన్న సల్మాన్ అభిమానులు కూడా ఆనందంలో ఉన్నారు. అయితే అది ఏ ప్రాజెక్ట్, సల్మాన్ ఎలాంటి పాత్ర పోషించనున్నాడు అనేది మాత్రం ప్రస్తుతానికి సస్పెన్స్ గా మారింది. అ విషయాలు త్వరలోనే రివీల్ చేస్తానని సల్మాన్ చెప్పడంతో… అప్డేట్ ఎప్పుడా అని అభిమానులు ఎదురు చూస్తున్నారు.
Also Read: చిరంజీవి అడిగారని ఓకే చెప్పా అంటున్న సల్మాన్ ఖాన్
