Bigg Boss Telugu 8 : గౌతమ్ ని టార్గెట్ చేస్తున్న నబీల్..నామినేషన్స్ లో అర్థం లేని అరుపులు..ఉన్నమాట అంటే అంత పగ ఎందుకు?

Bigg Boss Telugu 8 : బిగ్ బాస్ హౌస్ లో గౌతమ్ మీద ఒక్కో కంటెస్టెంట్ కి ఉన్న పగ మామూలుది కాదు. నిన్న మొన్నటి వరకు స్నేహం గా ఉన్నవాళ్లు కూడా నేడు గౌతమ్ తో గొడవలు పెట్టుకోవడానికి రెడీ అయిపోతున్నారు. ఆ లిస్ట్ లో ఇప్పుడు నబీల్ కూడా చేరిపోయాడు. ఈయన ప్రారంభం లో గౌతమ్ హౌస్ లోకి వచ్చినప్పుడు ఆయనతో చాలా గొడవలు పెట్టుకునేవాడు. బయట నబీల్ సోదరుడు కూడా గౌతమ్ పై నోరు జారుతూ ఒక వీడియో చేసాడు. ఇదంతా చూసిన ప్రేక్షకులు భవిష్యత్తులో వీళ్లిద్దరి మధ్య పెద్ద క్లాష్ ఉంటుంది అని అనుకున్నారు. కానీ దానికి బదులుగా మధ్యలో నిఖిల్, గౌతమ్ కి మధ్య గొడవలు జరిగాయి. నబీల్, గౌతమ్ స్నేహితులు అయ్యారు. మెగా చీఫ్ కంటెండర్ టాస్క్ లో నబీల్ కి గౌతమ్ సహాయం చేసాడు. కానీ నబీల్ మాత్రం గౌతమ్ గురించి వెనుక చేరి చెడుగా మాట్లాడేవాడు.

ఈ విషయం గౌతమ్ కి కూడా తెలిసింది. ఇదంతా పక్కన పెడితే గత వారం ఎలిమినేట్ అయిన నైనికా ,బిగ్ బాస్ హౌస్ లోపలకు వచ్చి నబీల్ నామినేట్ చేస్తూ నీలో ఒకప్పుడు ఉన్న ఫైర్ ఇప్పుడు కనిపించడం లేదని అంటుంది. అదే విధంగా మణికంఠ కూడా నామినేషన్స్ లోకి రాకుండా సేఫ్ గేమ్ ఆడుతున్నావు అని అంటాడు. అందుకే ఈ వారం నబీల్ చాలా ఆవేశంగా హౌస్ లో ఉన్న 8 మంది కంటెస్టెంట్స్ కి 8 పాయింట్స్ రాసి పెట్టుకుంటాను అంటూ నిన్న ప్రేరణ తో అంటున్నాడు. నాలో ఫైర్ కావాలి అని అంటున్నారు కదా, రేపు సిల్లీ పాయింట్స్ తో నామినేషన్స్ వేసి సరదాగా గొడవ పడుతూ టైం పాస్ చేస్తాను అని నిన్న లైవ్ లో నబీల్ మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యింది.

ఇదంతా పక్కన పెడితే నిన్నటి ఎపిసోడ్ చివర్లో నేడు జరగబోయే నామినేషన్స్ కి సంబంధించిన చిన్న ప్రోమో ని విడుదల చేసారు. ఈ ప్రోమోలో నబీల్ గౌతమ్ ని నామినేట్ చేస్తూ ‘నీలో నాకు నామినేషన్స్ సమయంలో తప్ప..టాస్కుల విషయంలో ఎలాంటి ఫైర్ ని చూడలేదు’ అని అంటాడు. అప్పుడు గౌతమ్ ‘గ్రాముల్లో..కిలోల్లో కాదు, టన్నుల కొద్దీ ఫైర్ చూపిస్తా’ అని అంటాడు. అలా వీళ్లిద్దరి మధ్య గొడవ జరిగింది. ఈ నామినేషన్ ని చూస్తుంటే నబీల్ కావాలని కంటెంట్ కోసం గెలుక్కొని మరీ గౌతమ్ తో గొడవ పెట్టుకున్నట్టు చూసే ఆడియన్స్ కి అనిపించింది. చూస్తుంటే నేడు గౌతమ్ కి మరో బీభత్సమైన పాజిటివ్ ఎపిసోడ్ నబీల్ కి నెగటివ్ ఎపిసోడ్ అయ్యేలా ఉంది. ఎందుకంటే ఫైర్ లేదు అనే సిల్లీ పాయింట్ మీద గౌతమ్ ని నామినేట్ చేసాడు. గౌతమ్ ఆడిన టాస్కులలో నబీల్ కి మూడు సార్లు చుక్కలు చూపించిన సందర్భాలు ఉన్నాయి. వీటి ప్రస్తావన తీసుకొచ్చి గౌతమ్ నబీల్ ని లాక్ చేయొచ్చు.