నందమూరి బాలకృష్ణ, దర్శకుడు బి.గోపాల్ ల కాంబో సూపర్ హిట్ కాంబినేషన్.అనక తప్పదు. వీరిద్దరి కాంబినేషన్ లో అయిదు సినిమాలు రాగా వాటిలో నాలుగు చిత్రాలు సూపర్ హిట్ అయ్యాయి. ఇక బాలయ్య కెరీర్లోనే సూపర్ హిట్ చిత్రాలుగా నిలిచిన ‘సమరసింహారెడ్డి, నరసింహనాయుడు’ సినిమాలు బి గోపాల్ దర్శకత్వంలో వచ్చినవే.
కాగా చానాళ్ల తరవాత మళ్లీయే వీరిద్దరి కలయికలో ఒక చిత్రం రాబోతుంది. ప్రస్తుతం దర్శకుడు బి. గోపాల్ ఫామ్ లో లేడు. పైగా అవుట్ డేటెడ్ డైరెక్టర్ అని ముద్ర కూడా ఆడింది. కానీ బాలయ్య మాత్రం ఇవేవి పట్టించు కోకుండా తన తరువాత సినిమాని బి గోపాలే డైరెక్ట్ చెయ్యాలని పట్టు బడుతున్నాడట… దాంతో బి. గోపాల్ ప్రస్తుతం ఫామ్ లో ఉన్న టాప్ రైటర్ బుర్రా సాయి మాధవ్ చేత స్క్రిప్ట్ రాయిస్తున్నాడు. కాగా బుర్రా సాయి మాధవ్ ఫుల్ యాక్షన్ తో కూడుకున్న ఎమోషనల్ ఎంటర్ టైనర్ కి శ్రీకారం చుట్టినట్టు తెలుస్తోంది.
కాగా ఈ సినిమా షూటింగ్ అక్టోబర్ నెలలో ప్రారంభం అవుతుందట. ప్రస్తుతం బాలయ్య బాబు ఫార్మ్ మసక బారింది. ఈ మధ్య చెప్పుకో తగ్గ విజయాలు రాలేదు. అందుకే ఈ సూపర్ హిట్ కాంబో మళ్లీ సెట్ చేయడం జరిగింది. ప్రస్తుతం లెజెండ్ వంటి సూపర్ హిట్ మూవీ తీసిన ఊర మాస్ డైరెక్టర్ బోయపాటి శ్రీను దర్శకత్వంలో బాలయ్య సినిమా చేస్తున్నాడు. దాని తరవాత ఈ బి గోపాల్, బాలయ్య బాబు చిత్రం పట్టాలెక్కుతోంది.
