Anand Devarakonda: ఒకే ఒక్క సినిమాతో ఓవర్నైట్ స్టార్గా మారిన క్రేజీ హీరో విజయ్ దేవరకొండ. అతని తమ్ముడిగా ఇండస్ట్రీలోకి అడుగుపెట్టారు ఆనంద్ దేవరకొండ. “దొరసాని ” అనే సినిమాతో హీరోగా ప్రేక్షకుల ముందుకు వచ్చారు ఆనంద్. ఈ చిత్రం ప్రేక్షకులను ఆశించిన స్థాయిలో ఆకట్టుకోలేకపోయినా… ఆనంద్ నటనకు మంచి మార్కులే పడ్డాయి. ఆ తర్వాత ” మిడిల్ క్లాస్ మెలోడీస్ “ మూవీతో ఫ్యాన్స్ను పలకరించాడు. ఓటీటీ ద్వారా విడుదలైన ఈ మూవీ… ప్రేక్షకుల్లో పాజిటివ్ టాక్ను సొంతం చేసుకుంది.
ప్రస్తుతం ఆనంద్ కథానాయకుడిగా తెరకెక్కిన కొత్త చిత్రం ‘పుష్పక విమానం’. తాజాగా ఈ చిత్ర విడుదల తేదీ ఖరారైంది. నవంబరు 12న థియేటర్లలో రిలీజ్ కానున్నట్లు తెలిపింది చిత్రబృందం. గతం లోనే ఈ తేదీని ప్రకటించగా ప్రస్తుతం పలు సినిమాలు రిలీజ్ డేట్ ను మార్చుకుంటున్న క్రమంలో … తాము మాత్రం అదే డేట్ కి మూవీని విడుదల చేయనున్నట్లు ఖరారు చేశారు .
#Pushpakavimanam is ready to takeoff and land in a theatre near you on November 12th!
Releasing through @SureshProdns@CinemasGlobal and @FreezeFrameFLLC@TheDeverakonda @ananddeverkonda
@itsdamodara @SaanveMegghana @tanga_official @GeethSaini @adityamusic @KingofHillEnt pic.twitter.com/OpOJLGs6E9— BA Raju's Team (@baraju_SuperHit) October 27, 2021
ఈ మూవీతో కొత్త దర్శకుడు దామోదర తెలుగు ఇండస్ట్రికి పరిచయం కానున్నారు. ఇప్పటికే విడుదలైన ఈ సినిమా ట్రైలర్ అభిమానుల్లో సినిమాపై ఆసక్తిని రేపింది. గోవర్ధన్ రావు దేవరకొండ, విజయ్ మట్టపల్లి, ప్రదీప్ ఎర్రబెల్లి ఈ చిత్రాన్ని నిర్మిస్తున్నారు. ఈ సినిమాలో గీత్ సైని కథానాయికగా నటిస్తుండగా… రామ్ మిరియాల చిత్రానికి స్వరాలందించారు. అలానే ఇటీవల ఓ ఇంటర్వ్యూలో ఈ సినిమా దర్శకుడు దామోదర పాల్గొన్నారు. పుష్పక విమానం సినిమాలో ఆనంద్ ఒక గమర్నమెంట్ స్కూల్ టీచర్గా కనిపిస్తారని చెప్పారు. పెళ్లి చుట్టూ ఉండే పరిస్థితులను ఈ చిత్రంలో చూపించనున్నారని తెలిపారు.
