Sreeleela: టాలీవుడ్ ని ఓ ఊపు ఊపింది శ్రీలీల. ఓవర్ నైట్ స్టార్ గా ఎదిగింది. చెప్పుకోదగ్గ హిట్స్ లేకపోయినా దర్శక నిర్మాతలు ఆమె వెనుకపడ్డారు. పెళ్లి సందడి(2021) చిత్రంతో తెలుగులో అడుగుపెట్టింది శ్రీలీల.
శ్రీకాంత్ నట వారసుడు రోషన్ హీరోగా తెరకెక్కించిన పెళ్లి సందడి ఆశించిన స్థాయిలో ఆడలేదు. అయినప్పటికీ శ్రీలీల నటన, డాన్సులు ప్రేక్షకులను ఆకట్టుకున్నాయి. అనంతరం రవితేజకు జంటగా నటించిన ధమాకా సూపర్ హిట్ కొట్టింది. ఈ మూవీలో సాంగ్స్ బాగా పాప్యులర్ అయ్యాయి.
ధమాకా హిట్ తో శ్రీలీలకు విపరీతమైన పాపులారిటీ దక్కింది. ముఖ్యంగా యూత్ ఆమె మాయలో పడిపోయారు. కేవలం తెలుగులోనే శ్రీలీల అరడజనుకు పైగా చిత్రాలకు సైన్ చేసింది. వాటిలో ఒక్కటి కూడా హిట్ కాలేదు. భగవంత్ కేసరి మాత్రమే ఓ మోస్తరు విజయం సాధించింది.
మహేష్ బాబుకు జంటగా చేసిన గుంటూరు కారం చిత్రం పై శ్రీలీల చాలా ఆశలే పెట్టుకుంది. 2024 సంక్రాంతి కానుకగా విడుదలైన ఈ చిత్రం యావరేజ్ గా నిలిచింది. శ్రీలీల పాత్రకు పెద్దగా ప్రాధాన్యత కూడా లేదు. త్రివిక్రమ్ ఈ చిత్రాన్ని తెరకెక్కించాడు.
View this post on Instagram
స్కంద, ఎక్స్ట్రా ఆర్డినరీ మ్యాన్, ఆదికేశవ అయితే డిజాస్టర్స్ ఖాతాలో చేరాయి. ప్రస్తుతం శ్రీలీల జోరు తగ్గింది. ఆమె చేతిలో కొత్త ప్రాజెక్ట్స్ లేవు. దర్శక నిర్మాతలు శ్రీలీల మీద పెద్దగా ఆసక్తి చూపడం లేదు. విరామం దొరకడంతో చదువు మీద దృష్టి పెట్టినట్లు సమాచారం.
ఇక పవన్ కళ్యాణ్ ఉస్తాద్ భగత్ సింగ్ చిత్రం మీదే శ్రీలీల ఆశలన్నీ. పవన్ కళ్యాణ్ రాజకీయంగా బిజీ కావడంతో ఉస్తాద్ భగత్ సింగ్ చిత్ర షూటింగ్ కి తాత్కాలికంగా బ్రేక్ పడింది. ఎన్నికలు అయ్యాక తిరిగి పట్టాలెక్కనుంది. మరి శ్రీలీల కెరీర్ కి కనీసం పవన్ కళ్యాణ్ లిఫ్ట్ ఇస్తాడో లేదో చూడాలి…
