Hero Prabhas: ప్రభాస్ హీరోగా రాధాకృష్ణ దర్శకత్వంలో ప్రతిష్టాత్మకంగా తెరకెక్కిన సినిమా రాధేశ్యామ్. ప్రభాస్ ఫ్యాన్స్ ఎప్పుడెప్పుడా అని ఎదురు చూస్తున్న ఈ సినిమా ఎట్టకేలకు విడుదలకు సిద్ధమైంది. సంక్రాంతి కానుకగా జనవరి 14న థియేటర్లలో విడుదల కానుంది. కాగా, ఇందులో పూజా హెగ్డే హీరోయిన్గా నటించిన సంగతి తెలిసిందే. ఇప్పటికే ఈ సినిమా నుంచి విడుదలైన పోస్టర్, సాంగ్స్, టీజర్లు సినిమాపై భారీ హైప్ను క్రియేట్ చేశాయి. దాదాపు రెండేళ్ల తర్వాత ప్రభాస్ నుంచి వస్తోన్న భారీ సినిమా కావడంతో అంచనాలు కూడా అదే రేంజ్లో ఉన్నాయి. ఈ క్రమంలోనే సినిమా ప్రమోషన్స్లో వేగవంతం చేస్తూ.. హైదరాబాద్లోని రామోజీ ఫిల్మ్ సిటీలో గ్రాండ్గా ప్రీరిలీజ్ ఈవెంట్ను నిర్వహించారు.
Also Read: రాజమౌళికి పవన్ కళ్యాణ్ ఔట్.. తగ్గేదే లే అంటున్న ప్రభాస్.. కాంప్రమైజ్ అయ్యారా?
ఈ వేదికపైనా రాధేశ్యామ్ ట్రైలర్ను విడుదల చేశారు మేకర్స్. అనంతరం ప్రభాస్ అభిమానులను ఉద్దేశిస్తూ ప్రసంగించారు.. ట్రైలర్ మీరే లాంచ్ చేశారు. మీకు నచ్చిందనే అనుకుంటున్నా. పెదనాన్న గారి ఫొటోను చూశారు కదా.. ఎలా ఉన్నారు?.. ఓ చిన్నపాటి దేవుడిగా కనిపిస్తున్నారు కదా?.. రాధేశ్యామ్ ఓ ప్యూర్ లవ్ స్టోరీ.. కరోనా సమయంలో అందరం ఎంతో కష్టపడి ఈ సినిమా కంప్లీట్ చేశాం. పెదనాన్న, సత్యరాజ్, సచిన్, జయరామ్, భాగ్య శ్రీ గారికి చాలా థ్యాంక్స్. జగపతి బాబు గెస్ట్ అప్పియరెన్స్లో మంచి పాత్ర పోషించారు. అంటూ పేర్కొన్నారు.
కాగా, సాహో సినిమా సమయంలో దేశమంతా తిరిగానని.. సిగ్గుపోయి అందరితో కలివిడిగా ఉండాలని ప్రయత్నించినా.. ఇంకా పోవడం లేదని అన్నారు.. ఈ సారి మీతో మనసు విప్పి మాట్లాడాలనుకున్నాను.. ఇదంతా మీ వల్లే జరిగిందంచూ.. ప్రభాస్ వివరించాడు.
Also Read: రాధేశ్యామ్ నుంచి సంచారి ఫుల్సాంగ్ విడుదల.. సూపర్ అంటున్న నెటిజన్లు
