కొంకణ్ రైల్వే కార్పొరేషన్ లిమిటెడ్ నిరుద్యోగులకు తీపికబురు అందించింది. వేర్వేరు విభాగాలలో డిప్లొమా, గ్రాడ్యుయేట్ అప్రెంటీస్ ఉద్యోగ ఖాళీల భర్తీ కోసం జాబ్ నోటిఫికేషన్ ను విడుదల చేసింది. మొత్తం 139 ఉద్యోగ ఖాళీల భర్తీ కోసం ఈ జాబ్ నోటిఫికేషన్ రిలీజ్ కావడం గమనార్హం. మొత్తం ఉద్యోగ ఖాళీలలో 87 గ్రాడ్యుయెట్ అప్రెంటీస్ ఉద్యోగ ఖాళీలు ఉండగా 52 డిప్లొమా అప్రెంటీస్ ఉద్యోగ ఖాళీలు ఉన్నాయి.
సివిల్, ఎలక్ట్రికల్ విభాగాలలో ఈ ఉద్యోగ ఖాళీలను భర్తీ చేయనున్నారు. ఇంజనీరింగ్ డిప్లొమా పాసైన అభ్యర్థులు ఈ ఉద్యోగ ఖాళీలకు దరఖాస్తు చేసుకోవాల్సి ఉంటుంది. 2019, 2020, 2021 సంవత్సరాలలో పాసైన అభ్యర్థులు మాత్రమే ఈ ఉద్యోగ ఖాళీలకు దరఖాస్తు చేసుకోవాల్సి ఉంటుంది. 2021 సంవత్సరం అక్టోబర్ 1వ తేదీ నాటికి 18 నుంచి 25 సంవత్సరాల లోపు వయస్సు ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు.
సివిల్, ఎలక్ట్రికల్, ఎలక్ట్రానిక్స్ అండ్ టెలీకమ్యూనికేషన్స్, మెకానికల్ విభాగాల్లో పాసైన వాళ్లు గ్రాడ్యుయేట్ అప్రెంటీస్ ఉద్యోగ ఖాళీలకు దరఖాస్తు చేసుకోవచ్చు. సంబంధిత సబ్జెక్టుల్లో నాలుగేళ్ల ఇంజనీరింగ్ డిగ్రీ ఉన్నవాళ్లు ఈ ఉద్యోగాలకు దరఖాస్తు చేసుకోవడానికి అర్హులు. ఆన్ లైన్ విధానంలో ఈ ఉద్యోగ ఖాళీలకు దరఖాస్తు చేసుకోవాలి. డిప్లొమా, ఇంజనీరింగ్ డిగ్రీ మార్కులను బట్టి అభ్యర్థుల ఎంపిక ప్రక్రియ జరుగుతుంది.
2021 సంవత్సరం నవంబర్ నెల 11వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. https://konkanrailway.com/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకునే ఛాన్స్ అయితే ఉంటుంది.