Vijayawada Crime : విజయవాడ: ప్రేమ పేరుతో మొదలైన పరిచయం.. ఆ తర్వాత బెదిరింపులకు దారితీసింది. పెళ్లి చేసుకుని మరో వ్యక్తితో జీవితాన్ని ప్రారంభించిన యువతిని మాజీ ప్రియుడు న్యూడ్ ఫొటోలు, వీడియోలతో వేధించిన ఘటన విజయవాడలో కలకలం రేపింది. తనను కలవాలని, లేదంటే ఆమెకు సంబంధించిన ప్రైవేట్ ఫొటోలు, వీడియోలను సోషల్ మీడియాలో పోస్టు చేస్తానంటూ అతడు కొంతకాలంగా బెదిరించినట్లు సమాచారం.
బాధితురాలు అతడి మెసేజ్‌లకు స్పందించకపోవడంతో మాజీ ప్రియుడు మరింత దారుణానికి పాల్పడ్డాడు. ఆమెకు సంబంధించిన ప్రైవేట్ ఫొటోలు, వీడియోలను సోషల్ మీడియాలో పోస్టు చేయడంతో పాటు.. వాటిని ఆమె భర్తకు కూడా పంపించినట్లు తెలుస్తోంది. దీంతో విషయం తెలుసుకున్న భర్త తీవ్ర ఆగ్రహానికి గురయ్యాడు. ఆ ఫొటోలు, వీడియోలను చూసిన అనంతరం ఆమెతో సంబంధాన్ని తెంచుకున్నట్లు సమాచారం.
భర్త కూడా తనను వదిలేయడంతో బాధితురాలు తీవ్ర మనోవేదనకు గురైంది. మరోవైపు ఈ ఘటనతో ఆగ్రహానికి గురైన ఆమె కుటుంబ సభ్యులు మాజీ ప్రియుడికి బుద్ధి చెప్పాలని నిర్ణయించుకున్నట్లు తెలుస్తోంది.
ఈ క్రమంలో బాధితురాలే అతడిని కలుద్దామని చెప్పి విజయవాడలోని ఓ మాల్ వద్దకు రప్పించినట్లు సమాచారం. మాజీ ప్రియుడు అక్కడికి చేరుకోగానే యువతి కుటుంబ సభ్యులు అతడిని చుట్టుముట్టారు. అనంతరం విచక్షణారహితంగా దాడి చేసినట్లు తెలుస్తోంది. స్థానికులు అడ్డుకునే ప్రయత్నం చేసినప్పటికీ వారు పట్టించుకోకుండా అతడిపై దాడి కొనసాగించినట్లు సమాచారం.
చివరకు నిందితుడిని పోలీస్ స్టేషన్‌కు తీసుకెళ్లిన కుటుంబ సభ్యులు.. జరిగిన విషయాన్ని పోలీసులకు వివరించి అతడిని అప్పగించినట్లు తెలుస్తోంది. ఘటనపై పోలీసులు కేసు నమోదు చేసి దర్యాప్తు చేస్తున్నట్లు సమాచారం.
ప్రైవేట్ ఫొటోలు, వీడియోలను అనుమతి లేకుండా సోషల్ మీడియాలో పోస్టు చేయడం, బెదిరింపులకు పాల్పడటం తీవ్రమైన నేరాలకు దారితీసే అంశం. ఈ ఘటనలో అసలు నేరానికి సంబంధించిన ఆరోపణలతో పాటు, నిందితుడిపై జరిగిన దాడిపైనా పోలీసులు విచారణ చేపట్టే అవకాశం ఉంది.
న్యూడ్ ఫోటోలు పంపిన మాజీ లవర్.. భర్త వదిలేయడంతో దేహశుద్ధి
ఆంధ్రప్రదేశ్ రాష్ట్రంలోని విజయవాడలో చోటు చేసుకున్న ఘటన
మరొకరిని పెళ్లి చేసుకుందన్న కోపంతో.. న్యూడ్ ఫోటోలు, వీడియోలు పంపుతూ యువతిని బెదిరించిన మాజీ ప్రియుడు
తనను కలవాలని.. లేకపోతే నెట్టింట్లో న్యూడ్ ఫోటోలు, వీడియోలు పోస్ట్ చేస్తానని గత నెల రోజులుగా బెదిరింపులు
తన మెసేజ్‌లకు యువతి స్పందించకపోవడంతో.. ఫోటోలు, వీడియోలను సోషల్ మీడియాలో పోస్ట్ చేసిన మాజీ లవర్
అంతటితో ఆగకుండా ఆమె భర్తకు కూడా వాటిని పంపించిన వైనం
అవి చూసి షాక్ అయిన భర్త.. ఇక నువ్వు నాకు వద్దని చెప్పి ఆమెను వదిలేశాడు
దీంతో బాధితురాలి కుటుంబ సభ్యులు తీవ్ర కోపాద్రిక్తులై.. అతనికి బుద్ధి చెప్పాలని స్కెచ్ వేశారు
కలుద్దామని బాధితురాలి పిలవడంతో.. విజయవాడలోని ఓ మాల్ వద్దకు వెళ్లిన మాజీ లవర్
అతను అక్కడికి రాగానే.. చుట్టుముట్టి విచక్షణారహితంగా కొట్టిన యువతి కుటుంబ సభ్యులు
స్థానికులు అడ్డొచ్చినా లెక్క చేయకుండా.. అతడిని చితకబాదారు
ఆపై నిందితుడిని పోలీస్ స్టేషన్‌కు తీసుకెళ్లి.. పోలీసులకు అప్పగింత
— PulseNewsBreaking (@pulsenewsbreak) October 5, 2026
