Nani: శ్రీకాంత్ దర్శకత్వంలో నాని హీరోగా నటిస్తున్న చిత్రం పేరు ది ప్యారడైజ్. ఈ చిత్రం రేపు వరల్డ్ వైడ్ గా గ్రాండ్ గా విడుదల కాబోతోంది. పిరియాడికల్ డ్రామా కావడంతో ఈ సినిమా మీద భారీగా అంచనాలు ఉన్నాయి. పైగా నాని జడలతో కనిపించారు. మదర్ సెంటిమెంట్.. మోహన్ బాబు విలనిజం ఈ సినిమాకు ప్లస్ పాయింట్ లు అని ఇప్పటికే విశ్లేషకులు చెబుతున్నారు. ఈ సినిమా భారీ ఖర్చుతో నిర్మాణమైంది. దీంతో రెండు తెలుగు రాష్ట్రాల ప్రభుత్వాలు టికెట్ల ధరలను పెంచుకోవడానికి అనుమతి ఇచ్చాయి.
ఇంతవరకు బాగానే ఉన్నప్పటికీ హీరో నాని తెలంగాణ ముఖ్యమంత్రి రేవంత్ రెడ్డిని ఒక కోరిక కోరారు. అయితే ఆ విషయంలో రేవంత్ రెడ్డి నుంచి నానికి ఇంతవరకు భరోసా రాలేదని తెలుస్తోంది. ది ప్యారడైజ్ సినిమా రేపు వరల్డ్ వైడ్ గా విడుదల అవుతున్న నేపథ్యంలో.. సినిమాలు ఆర్టీసీ ఎక్స్ రోడ్డు లో అభిమానులతో కలిసి చూడాలని ఉందని నాని ముఖ్యమంత్రి రేవంత్ రెడ్డికి రిక్వెస్ట్ చేశారు.. అన్ని ప్రికాషన్స్ ఫాలో అవుతామని.. గవర్నమెంట్ చెప్పినట్టుగా నడుచుకుంటామని నాని ముఖ్యమంత్రిని రిక్వెస్ట్ చేసినట్టు తెలుస్తోంది. అయితే ఈ విషయంలో ముఖ్యమంత్రి నుంచి నానికి ఎటువంటి భరోసా రాలేదని సమాచారం.
పుష్ప 2 సినిమాకు సంబంధించి జరిగిన ఘటన ఇప్పటికీ ఒక మాయని మచ్చలాగే ఉంది. ఈ వ్యవహారంలో ఒక మహిళ చనిపోయింది. నాడు ఆ సినిమా విడుదలైన సమయంలో అభిమానులతో కలిసి చూసేందుకు అల్లు అర్జున్ థియేటర్ కి వెళ్లారు.. ఆయన వస్తున్న సమయంలో భారీగా అభిమానులు సందడి చేశారు. ఈ సమయంలో తొక్కిసలాట చోటు చేసుకుంది. ఫలితంగా ఒక మహిళ గాయపడి చనిపోయింది. దీంతో అప్పటినుంచి ప్రభుత్వం స్టార్ హీరోలను సినిమా విడుదల రోజు అభిమానులతో కలిసి.. చూసేందుకు అనుమతి ఇవ్వడం లేదు. పైగా ఏదైనా జరగరాని ఘటన జరిగితే పరిస్థితి వేరుగా ఉంటుందని చాలామంది హీరోలు సినిమా రిలీజ్ రోజు అభిమానులతో థియేటర్లలో చూసేందుకు ఇష్టపడటం లేదు. అయితే ది ప్యారడైజ్ సినిమాను అభిమానులతో కలిసి చూడాలని నాని లాంటివాళ్ళు కోరుకుంటున్నప్పటికీ.. ప్రభుత్వ నుంచి ఇంతవరకు స్పష్టమైన ఆదేశాలు రాలేదు. దీనిని బట్టి నాని రిక్వెస్ట్ ను రేవంత్ రెడ్డి ప్రభుత్వం పక్కన పెట్టినట్టు తెలుస్తోంది. గత పరిణామాలను మననంలో పెట్టుకుని ప్రభుత్వం ఈ నిర్ణయం తీసుకున్నట్టు తెలుస్తోంది.
