BMW F 450 R : ప్రీమియం మోటార్సైకిల్ మార్కెట్లో మరో కొత్త మోడల్ను తీసుకొచ్చేందుకు BMW Motorrad సిద్ధమవుతోంది. ఇప్పటికే F 450 GS అడ్వెంచర్ బైక్తో ఆసక్తి రేపిన జర్మన్ కంపెనీ.. అదే ప్లాట్ఫామ్ ఆధారంగా రూపొందించిన కొత్త రోడ్స్టర్ మోటార్సైకిల్ను పరిచయం చేయనుంది. ఈ కొత్త బైక్కు BMW F 450 R అనే పేరు ఉండొచ్చని ఆటోమొబైల్ వర్గాల్లో అంచనాలు ఉన్నాయి. అక్టోబర్ 1, 2026న ఈ బైక్ను గ్లోబల్గా ఆవిష్కరించనున్నట్లు BMW Motorrad అధికారికంగా టీజ్ చేసింది. భారత కాలమానం ప్రకారం సాయంత్రం 5:30 గంటలకు ఈ రివీల్ జరగనుంది.
F 450 GS ప్లాట్ఫామ్ ఆధారంగా..
కొత్త BMW F 450 R, ఇప్పటికే మార్కెట్లో ఉన్న F 450 GSతో పలు కీలక అంశాలను పంచుకునే అవకాశం ఉంది. టీజర్లో కనిపించిన డిజైన్ను పరిశీలిస్తే.. ఇది అడ్వెంచర్ బైక్ కంటే పూర్తిగా రోడ్-ఫోకస్డ్ మోడల్గా ఉండనుంది. ముందుభాగంలో USD ఫ్రంట్ ఫోర్క్, భారీగా కనిపించే ఫ్యూయల్ ట్యాంక్, షార్ప్ ట్యాంక్ ఎక్స్టెన్షన్స్ వంటి అంశాలు కనిపిస్తున్నాయి. F 450 GSతో పోలిస్తే తక్కువ రేక్ యాంగిల్ ఉండటంతో వేగవంతమైన హ్యాండ్లింగ్, స్పోర్టీ రైడింగ్కు ప్రాధాన్యత ఇచ్చినట్లు తెలుస్తోంది.
420cc ట్విన్ సిలిండర్ ఇంజిన్
BMW F 450 Rలో F 450 GSలో ఉపయోగిస్తున్న 420cc సమాంతర ట్విన్-సిలిండర్ ఇంజిన్నే అందించే అవకాశం ఉంది. F 450 GSలో ఈ ఇంజిన్ 48hp పవర్, 43Nm టార్క్ను ఉత్పత్తి చేస్తుంది. అయితే రోడ్స్టర్ స్వభావానికి తగ్గట్టుగా F 450 Rలో ఇంజిన్ ట్యూనింగ్లో స్వల్ప మార్పులు ఉండొచ్చని అంచనా. అడ్వెంచర్ టూరింగ్ కంటే సిటీ రైడింగ్, హైవే పెర్ఫార్మెన్స్, స్పోర్టీ రైడింగ్కు అనుగుణంగా పవర్ డెలివరీని మార్చే అవకాశం ఉంది.
చాసిస్ విషయంలో కూడా F 450 GS నుంచి పలు అంశాలను తీసుకునే అవకాశం ఉంది. అయితే రోడ్-బేస్డ్ సెటప్ కారణంగా సస్పెన్షన్ ట్రావెల్ను తగ్గించి, మరింత షార్ప్ హ్యాండ్లింగ్ అందించేలా మార్పులు చేయొచ్చని తెలుస్తోంది. F 450 GSలో 43mm USD ఫోర్క్, 180mm సస్పెన్షన్ ట్రావెల్ ఉన్నాయి. కొత్త F 450 Rలో వీటిలో ఎలాంటి మార్పులు చేస్తారన్నది అధికారిక ప్రకటన తర్వాతే స్పష్టమవుతుంది.
ధర రూ.4.50 లక్షల వరకు?
భారత్లో BMW F 450 R ధర సుమారు రూ.4.50 లక్షలు (ఎక్స్-షోరూమ్) ఉండొచ్చని అంచనాలు ఉన్నాయి. ప్రస్తుతం F 450 GS ప్రారంభ ధర రూ.4.95 లక్షలుగా ఉంది. దీంతో కొత్త రోడ్స్టర్ను GS కంటే తక్కువ ధరలో అందించే అవకాశం ఉంది.
భారత మార్కెట్లో ఈ బైక్కు ప్రధాన పోటీ Aprilia Tuono 457 Special Edition, KTM 390 Duke R వంటి మోడళ్ల నుంచి ఎదురుకానుంది. Tuono 457 Special Edition ధర రూ.3.99 లక్షలు కాగా, KTM 390 Duke R ధర రూ.3.45 లక్షలుగా ఉంది.
BMW F 450 R అధికారిక ఇండియా లాంచ్ తేదీ ఇంకా ప్రకటించలేదు. అయితే అక్టోబర్ 1న జరిగే గ్లోబల్ రివీల్లో బైక్కు సంబంధించిన డిజైన్, ఫీచర్లు, సాంకేతిక వివరాలు మరింత స్పష్టంగా వెల్లడయ్యే అవకాశం ఉంది. భారత మార్కెట్లో BMWకి ఇది అత్యంత అందుబాటు ధరలో లభించే నేకెడ్ రోడ్స్టర్గా నిలిచే అవకాశం ఉండటంతో ఈ కొత్త మోడల్పై ఆసక్తి పెరుగుతోంది.
