Perni Nani: మచిలీపట్నం నియోజకవర్గంలో ఇటీవల పేర్ని నాని కార్యకర్తల సమావేశం నిర్వహించారు. వాస్తవానికి ఇలాంటి సమావేశాలు ఆయనకి కొత్త కాదు. పైగా ఆయనలో వాక్ చతురత అధికంగా ఉంటుంది. నాని మాట్లాడిన తర్వాత కిట్టు మాట్లాడటం ఆనవాయితీ. వారిద్దరు తమదైన పంచులతో ఆకట్టుకుంటూ ఉంటారు. అయితే తాజాగా మచిలీపట్నం నియోజకవర్గం కార్యకర్తల సమావేశంలో నాని మాట్లాడిన మాటలు ఒక రకంగా చిత్రంగా ఉన్నాయి. ఆయనలో ఉన్న అసహనాన్ని బయటపెడుతున్నాయి.
నాని అలా ఎందుకు మాట్లాడారు
నాని మాట్లాడిన మాటలు తీర్చేస్తుంటే ఆయనలో ఆశలు అడగండి పోయినట్టు కల్పిస్తోంది. ఐదేళ్ల పరిపాలన కాలంలో సొంత సామాజిక వర్గానికి.. పార్టీ నాయకత్వానికి ఆయన న్యాయం చేయలేదని విమర్శలు వినిపిస్తున్నాయి. అందువల్లే ఆయన ఈ స్థాయిలో అసహనానికి గురవుతున్నారని కూట నేతలు చెబుతున్నారు. కార్యకర్తలతో నిర్వహించిన సమావేశాలలో నిలదీతలు ఎదురవుతున్నాయి. పైగా ఇటీవల ఆయన ఎమ్మెల్యేలకు కులాలు ఏంట్రా అంటూ తీవ్ర స్థాయిలో వ్యాఖ్యలు చేయడం సొంత పార్టీ వర్గాలలో చర్చకు దారి తీస్తోంది.
సామాజిక సమీకరణలను అనేక సందర్భాలలో..
నాని తన సుదీర్ఘ రాజకీయ ప్రస్థానంలో సామాజిక సమీకరణలను అనేక సందర్భాలలో ఉపయోగించుకున్నారు. అటువంటి ఆ వ్యక్తి ఇప్పుడు కులాలు ఏంటి అని ప్రశ్నించడం నిజంగా ఆశ్చర్యం కలిగిస్తోంది. పార్టీ అధికారంలో ఉన్నప్పుడు మచిలీపట్నంలో సొంత సామాజిక వర్గానికి.. క్షేత్రస్థాయిలో కార్యకర్తలకు ఆయన ఆశించిన స్థాయిలో న్యాయం చేయలేదు. అందువల్లే క్యాడర్లో అసంతృప్తి నెలకొంది. దీనికి సమాధానం చెప్పలేక.. భావోద్వేగపూరితమైన వ్యాఖ్యలు చేసి కార్యకర్తల మనోగతం మీద నాని దెబ్బ కొడుతున్నారని వ్యాఖ్యలు వినిపిస్తున్నాయి.
మంత్రి కొల్లు రవీంద్ర మీద నాని ఆరోపణలు
సొంత క్యాడర్ నుంచి ప్రశ్నలు ఎదురవుతున్నప్పటికీ.. వాటికి సమాధానం చెప్పలేక ప్రస్తుత మంత్రి కొల్లు రవీంద్ర మీద నాని ఆరోపణలు చేయడం విశేషం. తెలుగుదేశం పార్టీలో పదవులు అమ్ముకుంటున్నారని.. తాను మాత్రం విధేయత చూపిన వాళ్లకు మాత్రమే మంత్రి పదవి ఇచ్చానని నాని చెప్పడం ఇక్కడ విశేషం. పైగా ఆయన ప్రత్యర్థుల మీద నెపం నెట్టే ప్రయత్నం చేయడం కార్యకర్తలలో ఆచారాన్ని కలిగిస్తోంది. మచిలీపట్నం నియోజకవర్గంలో కూటమి బలంగా ఉంది. మంత్రి కొల్లు రవీంద్ర దూకుడు ప్రదర్శిస్తున్నారు. అందువల్లే వైసీపీ నాయకులు ఆత్మ రక్షణలో పడ్డారని వార్తలు వినిపిస్తున్నాయి. ఫలితంగానే నాని ఈ స్థాయిలో నిరాశపూరితమైన వ్యాఖ్యలు చేస్తున్నారని కూటమినేతలు అంటున్నారు.
స్థానిక ఎన్నికల ముందు సవాల్
ప్రత్యక్ష రాజకీయాలలో పేర్ని కిట్టు ఆశించిన స్థాయిలో ప్రభావాన్ని చూపించలేకపోయారు. పైగా గత ఎన్నికల్లో ఓటమి తర్వాత పార్టీ నాయకత్వాన్ని సమన్వయం చేయడంలో నాని విఫలమయ్యారని తెలుస్తోంది. అందువల్లే ఆయన ఈ స్థాయిలో అసహనాన్ని వ్యక్తం చేస్తున్నారని టిడిపి నేతలు అంటున్నారు. నాని తీరు వైసిపికి మచిలీపట్నంలో స్థానిక ఎన్నికల ముందు సవాల్ గా మారిందని టిడిపి నేతలు చెబుతున్నారు. మరి ఈ నష్ట నివారణకు నాని ఎటువంటి చర్యలు తీసుకుంటారో చూడాల్సి ఉంది. నాని మాట్లాడిన తర్వాత కొల్లు రవీంద్ర వర్గం మాటల దాడి మొదలు పెట్టింది. నాని మాటల్లోనే ఆ పార్టీ భవిష్యత్ కనిపిస్తోందని ఎద్దేవా చేస్తోంది.
