మెగాస్టార్ కోసం పురాతన దేవాలయం రెడీ !

సక్సెస్ ఫుల్ డైరెక్టర్ కొరటాల శివ, ఆగష్టు నుండి మెగాస్టార్ లేకుండానే ఆచార్య సినిమా షూటింగ్ ప్లాన్ చేస్తున్నాడా అంటే.. అవుననే తెలుస్తోంది. ఇప్పటికే మెగాస్టార్ సినిమా కోసం రామోజీ ఫిల్మ్ సిటీలో ఓ పురాతన దేవాలయం సెట్ కూడా పూర్తయిందని.. కరోనా సోకకుండా తీసుకోవాల్సిన జాగ్రత్తలు తీసుకుంటూనే ఆ సెట్ లో షూటింగ్ ను జరపాలని.. ఆ తరువాత అనగా అక్టోబర్ లో మెగాస్టార్ షూట్ లో పాల్గొంటారని తాజాగా తెలిసిన లేటెస్ట్ అప్ డేట్. నిజానికి ఈ నెలలోనే షూట్ చేయాలని ప్లాన్ చేసుకున్నారు. కానీ కరోనా ప్రవాహం ముందు భారీ సినిమాల షూటింగ్స్ జరిగే పరిస్థితి లేకుండా పోయింది. మరి వచ్చే నెల కూడా కరోనా ఇంకా విజృంభించనుంది. ఆ లెక్కన కొరటాల ఎలాంటి జాగ్రత్తలు తీసుకుని ఎలా షూట్ చేస్తాడో చూడాలి.

పూజా హెగ్డేతో అక్కినేని హీరో డేటింగ్ !

ఇక ఈ ‘ఆచార్య’ రాష్ట్రంలోని దేవాలయాలు మరియు అనేక ఇతర మతపరమైన కార్యకలాపాలకు సంబంధించిన అన్యాయాలను అక్రమాలను అరికట్టే శక్తిగా రాబోతున్నాడని.. ముఖ్యంగా దేవాలయాల పేరుతో జరుగుతున్న అవకతవకల పై పోరాటం చేసే ఎండోమెంట్స్ విభాగానికి చెందిన ప్రభుత్వ ఉద్యోగిగా మెగాస్టార్ ఈ సినిమాలో కనిపిస్తారని తెలుస్తోంది. మెగాస్టార్ ను ఎండోమెంట్స్ విభాగానికి చెందిన అధికారిగా కొరటాల ఈ సినిమాలో చూపించబోతున్నాడనగానే మెగా ఫ్యాన్స్ నుండి పాజిటివ్ ఫీడ్ బ్యాక్ వచ్చింది. కారణం మెగాస్టార్ అలాంటి క్యారెక్టర్ లో మొదటిసారి కనిపించబోతున్నాడు.

ఆ మహా దర్శకుడికి ఓ గాఢమైన కోరిక !

పైగా మెగాస్టార్ ఈ చిత్రం కోసం బరువు తగ్గడంతో పాటు లుక్ కూడా చేంజ్ చేశారు. యంగ్ గా కనిపించడానికి చాలా మేక్ ఓవర్ కూడా అయ్యారు. ఇక ఈ సినిమాలో మెగాస్టార్ సరసన చందమామ కాజల్ అగర్వాల్ హీరోయిన్ గా నటిస్తోంది. కెరీర్ ముగిసిందనుకున్న దశలో కాజల్ కు దొరికిన సువర్ణావకాశం ఇది. అన్నట్టు ఫిల్మ్ సిటీలో మొదలయ్యే షూట్ లో కాజల్ కూడా పాల్గొనబోతుంది. ఆమె ఈ సినిమాలో ఒక జర్నలిస్ట్ గా నటిస్తోందట. అలాగే రామ్ చరణ్ మాజీ నక్సలైట్ గా కనిపించబోతున్నాడు. చరణ్ పాత్ర ఎమోషనల్ పాత్రగా ఉంటుందని, పైగా ప్రేరణగా నిలుస్తోందట. ఈ చిత్రంలో రెజీనా ఓ స్పెషల్ సాంగ్ లో కనిపించనుంది. రామ్ చరణ్ ఈ సినిమాని నిర్మిస్తున్నారు.