Vaibhav Surya Vamshi charging money: ఐపీఎల్ లో 15 సంవత్సరాల ప్లేయర్ వైభవ్ సూర్య వంశీ సృష్టిస్తున్న సంచలనం అంతా ఇంతా కాదు. అతడి ఈడున్న పిల్లలు మొత్తం స్కూళ్లకు వెళ్తుంటే.. అతడు మాత్రం మైదానంలో బ్యాట్ తో విన్యాసాలు చేస్తున్నాడు. బంతిని 360 డిగ్రీల చుట్టూ తిప్పుతున్నాడు. పెద్ద పెద్ద బౌలర్లకు సైతం సింహ స్వప్నం లాగా మారిపోయాడు.. ఇప్పుడే ఇలా ఉంటే.. భవిష్యత్ కాలంలో అతడు ఎలా ఆడతాడోనని ఊహించుకుంటేనే భయం వేస్తోందని చాలామంది భయపడుతున్నారు.
ఇప్పటికే ఈ ఐపీఎల్ లో ఒకసారి ఆరెంజ్ క్యాప్ హోల్డర్ జాబితాలోకి అతడు వచ్చేసాడు. ఇటీవల హైదరాబాద్ జట్టు మీద సెంచరీ కూడా చేశాడు. అంతకుముందు అతని ఖాతాలో హాఫ్ సెంచరీలు కూడా ఉన్నాయి. ఈ క్రమంలో సూర్య వంశీ మీద అంచనాలు అంతకంతకు పెరిగిపోతున్నాయి.
సూర్య వంశీ త్వరలోనే జాతీయ జట్టులోకి అడుగుపెట్టే అవకాశం ఉందని వార్తలు వస్తున్నాయి. ఐపీఎల్ ముగిసిన తర్వాత నిర్వహించే టోర్నీలలో అతనికి అవకాశాలు ఇస్తారని తెలుస్తోంది. దీనిపై మేనేజ్మెంట్ అధికారికంగా ప్రకటించాల్సిన అవసరం ఉంది.
తన సంచలన బ్యాటింగ్ తో సూర్య వంశీ ఇప్పటికే జాతీయ స్థాయిలో పేరు తెచ్చుకున్నాడు. అంతర్జాతీయ క్రికెట్ లో కూడా ఇతడి గురించి చర్చ నడుస్తోంది.. ఇటీవల సూర్య వంశీ దగ్గరికి ఫోటోలు దిగడానికి ఇద్దరు చిన్న పిల్లలు వచ్చారు. వారు వచ్చిన తర్వాత తనతో ఫోటోలు దిగాలంటే డబ్బులు ఇవ్వాలని సూర్య వంశీ డిమాండ్ చేశాడు. ఒక్కొక్కరికి ₹100 ఇవ్వాలని అతడు అడిగాడు. దీంతో ఆ పిల్లలు తమ వద్ద 200 మాత్రమే ఉన్నాయి అని చెప్పారు. వారు అలా చెప్పడంతో అక్కడ ఉన్నవారు మొత్తం గట్టిగా నవ్వారు. తాను తమాషాగా అన్నానని.. తనతో ఫోటోలు దిగాలంటే డబ్బులు ఇవ్వాల్సిన పనిలేదని సూర్య వంశీ స్పష్టం చేశాడు. వారితో ఫోటోలు దిగి.. పంపించాడు.
