Pushpa:స్టైలిస్ట్ స్టార్ అల్లు అర్జున్ నటించిన పుష్ప సినిమా నిన్న విడుదలైన సంగతి తెలిసిందే ప్రపంచవ్యాప్తంగా ఏకంగా 3వేలకుపైగా థయేటర్లలో రిలీజ్ అయిన ఈ సినిమా.. పలు చోట్ల మిక్స్డ్ టాక్ అందుకుంటోంది. వసూళ్ల పరంగా తొలి రోజు భారీ కలెక్షన్లు కురిపించినా.. సినిమాలో కొన్ని సాంకేతిక లోపాలు స్పష్టంగా కనిపించాయనన్నది వినిపిస్తోన్నటాక్. ఈ సినిమాను దాదాపు 180 కోట్లు పెట్టి నిర్మించారు. నిజానికి అంత భారీ బడ్జెట్తో తీసిన సినిమా క్వాలిటీ విషయంలో ఎక్కడా తగ్గేదే లే అన్నట్లు ఉండాలి. దానికి తోడు, ఇప్పటి వరకు సుకుమార్ తీసిన ఓ సినిమాలోనూ సాంకేతికంగా ఎక్కడా లోపాలు కనిపించవు. వన్, నాన్నకు ప్రేమతో, రంగస్థలం, వంటి సినిమాలను గమనిస్తే విజువల్ వండర్తో పాటు ఆడియో మ్యాజిక్ క్లియర్గా కనిపిస్తుంది. కాగా, బన్నీ- సుక్కు కాంబోలో మూడో సినిమా కావడం విశేషం.
Pushpa
Also Read: ‘పుష్ప’ వ్యాన్లో రొమాన్స్ సీన్ డిలీట్.. కారణం అదేనట?
అయితే, పుష్పలో సుకుమార్ నుంచి ఆశించే ఆ టెక్నికల్ క్వాలిటీ చాలా వీక్ అయ్యిందనేది బయట టాక్ నడుస్తోంది. డీఎస్పీ వంటి టాప్ మ్యూజిక్ డైరెక్టర్, సౌండ్ డిజైనర్ రసూల్ పూకుట్టి, సినిమాటోగ్రాఫర్ మిస్లోవ్ కూబా వంటి దిగ్గజాలతో పని చేయించుకుని కూడా మంచి అవుట్పుట్ తేలేకపోయాడనేది వినిపిస్తున్న వాదన. నిజానికి నిర్మాతలు ఎక్కడా ఖర్చు విషయంలో రాజీ పడలేదని అర్థమవుతోంది. అయితే, అందుకు తగ్గ క్వాలిటీ మిస్ అయ్యిందనేది వినిపిస్తోన్న అభిప్రాయం. ఎడిటింగ్ కూడా పెద్దగా ఏం లేదని అంటున్నారు. సినిమా కాస్త ల్యాగ్ అయ్యిందని.. కానీ, ఏదో జరుగుతోందనే ఆశే థియేటర్లలో కూర్చోబెట్టిందని అంటున్నారు.
ఈ సినిమా రెెండు భాగాలుగాతెరకెక్కుతోన్న సంగతి తెలిసిందే. అయితే, తొలి పార్ట్ను హడావిడిగా జనాల్లోకి తీసుకెళ్లాలని పనులను పూర్తి చేయడం వల్లే ఇలా జరిగిందంటున్నారు. మరి తర్వాత పార్ట్లోనైనా ఈ తప్పు జరగకుండా చూసుకుంటారా లేదా అనేది తెలియాల్సి ఉంది.
Also Read: 2021లో తొలిరోజు అత్యధిక కలెక్షన్లు రాబట్టిన చిత్రాలివే..!
Web Title: Pushpa latest news updates about quality of film
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
