KCR Good News To Unemployed : ఎంత వ్యతిరేకత ఉన్నా సరే ఒకే ఒక్క ప్రకటనతో తెలంగాణ నిరుద్యోగులను కూల్ చేసేశాడు కేసీఆర్.. ఇన్నాళ్లు కేసీఆర్ ను తిట్టిన నిరుద్యోగుల చేతనే తాజాగా పాలాభిషేకాలు చేయించుకున్నారు. కేసీఆర్ దెబ్బకు ఇప్పుడు టీఆర్ఎస్ నేతలు, నిరుద్యోగులు తెలంగాణలోని పాల డిపోలపై పడ్డారు. అక్కడి పాల ప్యాకెట్లతో కేసీఆర్ చేసిన ప్రకటనకు ఆయన క్షీరాభిషేకాలు చేసేశారు. దెబ్బకు పాల ప్యాకెట్లన్నీ ఖాళీ అయిపోయాయట..
కరోనా వేళ ప్రైవేటు ఉద్యోగాలన్నీ కొట్టుకుపోయాయి. ఉన్న కొలువులను కోసేస్తున్నారు. ఇంతటి కరువులో అల్లాడుతున్న నిరుద్యోగుల ఆకలి తీర్చేలా కేసీఆర్ ఏకంగా 80వేలకు పైగా పోస్టులకు నోటిఫికేషన్లు ఇవ్వడంతో నిరుద్యోగులు రోడ్లపైకి వచ్చి పండుగ చేసుకుంటున్నారు. టపాసులు కాల్చి.. స్వీట్లు పంచుతున్నారు. ఇన్ని రోజులు పడిన కష్టానికి ప్రతిఫలం దక్కుతుండడంతో ఆనందం వ్యక్తం చేస్తున్నారు.
ఈ క్రమంలోనే అసెంబ్లీలో కేసీఆర్ మాట్లాడిన వీడియోలు, ఉద్యోగ వివరాలను వాట్సాప్, ఫేస్ బుక్ లలో షేర్ చేస్తూ స్టేటస్ లలో మోత మోగిస్తున్నారు. టీవీలకు, సెల్ ఫోన్లకు అతుక్కుపోయి 10 గంటల నుంచే కేసీఆర్ ప్రకటన కోసం ఎదురుచూశారు. కేసీఆర్ ఉద్యోగ ప్రకటనను నిరుద్యోగులు శ్రద్ధగా విన్నారు.
Also Read: KCR Shocks To Opposition Party’s: కేసీఆర్ ప్రతిపక్షాల నోళ్లకు తాళం వేశారా?
కేసీఆర్ ప్రకటన తర్వాత తెలంగాణలోని యూన్సివరిటీలు ఓయూ, కేయూల్లో సందడి నెలకొంది.విద్యార్థులంతా డీజే నృత్యాలతో కేసీఆర్ ఫ్లెక్సీలకు క్షీరాభిషేకాలు చేశారు. ఇక ఇన్నాల్లుగా నిరుద్యోగుల నుంచి తీవ్ర వ్యతిరేకత తెచ్చుకున్న కేసీఆర్ ఈ ఒక్క ప్రకటనతో మొత్తం మార్చేశారు. వారి మద్దతు కూడా కూడగట్టుకున్నారు. నిరుద్యోగులకు ఎలాంటి గందరగోళం లేకుండా అన్ని విషయాల్లో క్లారిటీ ఇచ్చి పారదర్శకంగా ఉద్యోగాల భర్తీ జరుగుతుందనే భరోసా కల్పించారు.
ఇన్నాళ్లు అన్ని రంగాల్లో అన్ని వర్గాల నుంచి పాజిటివ్ స్పందన తెచ్చుకున్న కేసీఆర్ సర్కార్ కు ఒక్క నిరుద్యోగులు, ఉద్యోగాలే గుదిబండగా ఉండేవి. తాజా ప్రకటనతో ఇది పటాపంచలైపోయింది.
రాబోయే ఎన్నికల వరకూ 20 ఏళ్ల నుంచి 40 ఏళ్ల పైబడి వయసున్న యువత అంతా ఇక చదువుల్లో మునిగి తేలనున్నారు. తమ భవిష్యత్ కోసం కోచింగ్ ల బాటపడుతారు. ఇక ఈ రెండేళ్లు ఉద్యోగ నామ సంవత్సరం కానుంది. దీంతో ఆ వ్యతిరేకత సమసి వచ్చే ఎన్నికల్లో కేసీఆర్ గెలుపునకు ఈ స్టెప్ బాగా దోహదపడనుంది. ఇలా తిట్టిన వాళ్లతోనే పొగిడించుకోవడం కేసీఆర్ సాధ్యం.. భళా కేసీఆర్ అని అందరూ అంటున్నారు.
Also Read: Ravi Teja Ramarao On Duty Movie: శరవేగంగా టాకీ పార్ట్ పూర్తి చేసిన ‘రామారావు’
[…] […]
[…] Also Read: కేసీఆర్ దెబ్బకు పాల డిపోలన్నీ ఖాళీ.. హ… […]
[…] CM KCR Early Elections: తెలంగాణలో రాజకీయ సమీకరణలు మారుతున్నాయి. కొద్ది రోజులుగా ప్రతిపక్షాలు ముందస్తు ఎన్నికలకు వెళతారనే సంకేతాలు ఇస్తున్నారు. దీంతో కేసీఆర్ నిర్ణయాలు కూడా వాటికి ఆజ్యం పోస్తున్నాయి. కేసీఆర్ జాతీయ రాజకీయాల్లో చక్రం తిప్పాలని భావిస్తున్నందున రాష్ట్రంలో ఎదురులేకుండా చేసుకోవడానికి ప్రయత్నాలు చేస్తున్నట్లు చెబుతున్నారు. నిరుద్యోగులకు తీపి కబురు అందించడం కూడా అందులో భాగమేనని తెలుస్తోంది. దీంతోనే కేసీఆర్ వ్యూహాలు కూడా మారుతున్నట్లు సమాచారం. […]
[…] TS Job Calendar 2022: తెలంగాణలో సీఎం కేసీఆర్ వ్యూహాలు మారుతున్నాయి. నిరుద్యోగుల విషయంలో ఉద్యోగాల భర్తీ చేస్తామని చెప్పి వారిలోని అసంతృప్తిని దూరం చేసుకుంటున్నారు. ఇకపై ప్రతి సంవత్సరం ఉద్యోగ క్యాలెండర్ విడుదల చేస్తూ నియామకాలు చేపడతామని చెబుతున్నారు. దీంతో కాంట్రాక్టు ఉద్యోగులను కూడా క్రమబద్ధీకరణ చేసి ప్రతిపక్షాలకు చెక్ పెట్టారు. సీఎం ప్రకటనతో ప్రతిపక్షాలు ఖంగుతిన్నాయి. సీఎం వైఖరిలో మార్పు రావడానికి కారణాలు ఏంటనే దానిపై మల్లగుళ్లాలు పడుతున్నాయి. […]
[…] Disagreement Candidates: మామూలుగానే ఏ పార్టీలో అయినా అసంతృప్తులు ఎక్కువగానే ఉంటారు. ఇక అధికార పార్టీ అయితే ఈ సంఖ్య మరింత ఎక్కువగా ఉంటుంది. ఇప్పుడు టీఆర్ ఎస్ లో ఇలాంటి అసంతృప్త నేతలు అందరూ ఒక్క చోటకు వచ్చినట్టు తెలుస్తోంది. భవిష్యత్లో ఏం చేద్దాం, ఎలాంటి నిర్ణయంతో ముందుకు వెళ్దాం అనే కార్యాచరణను రూపొందించుకున్నట్టు తెలుస్తోంది. కేసీఆర్ నియంతృత్వ పోకడలు వారిలో అసంతృప్తిని రాజేసినట్టు తెలుస్తోంది. […]