Chandrababu- KCR Ring: చంద్రబాబు, కేసీఆర్ ఉంగరం ఒక్కటేనా..? తేడాలేంటి..?

Chandrababu- KCR Ring: చాలా రోజుల తరువాత కేసీఆర్ మీడియా ముందుకు వచ్చారు. షరా మాములే అన్నట్లుగా అదే కేంద్రంపై విమర్శలు చేస్తూ సమావేశాన్ని ముగించారు. అయితే ఈ సందర్బంగా కేసీఆర్ పై ఓ కొత్త చర్చ మొదలైంది. ఆయన చేతికి కొత్త ఉంగరం కనిపిస్తోంది అంటూ సోషల్ మీడియాలో జోరుగా చర్చించుకుంటున్నారు. వాస్తవానికి ఈ చర్చ చంద్రబాబు నుంచి మొదలైంది. ఇటీవల చంద్రబాబు ఓ ఉంగరాన్ని ధరించారని, అది స్మార్ట్ అంగుళీకమంటూ కొందరు ప్రచారం చేశారు. ఇప్పుడు కేసీఆర్ వేలికి కూడా ఇన్నాళ్లు కనిపించని ఉంగరం కనిపిస్తుందని అంటున్నారు. గతంలో చేతికి ఎర్ర స్టోన్ ఉన్న ఉంగరం ధరించిన కేసీఆర్ ఇప్పుడు గ్రీన్ కలర్ స్టోన్ తో కూడిన అంగుళీకాన్ని ధరించారు. అయితే కేసీఆర్ ఆ ఉంగరం ఎందుకు ధరించారు..? దాని వెనుక ఉన్న రహస్యమేంటి..?

తెలంగాణ సీఎం ఎక్కువగా సెంటిమెంట్ ను నమ్ముతారు. ఆ విషయం కేసీఆరే స్వయంగా పలుసార్లు పరోక్షంగా చెప్పారు. ఆయనకున్న సెంటిమెంట్ తో యాగాలు, పూజలు చేస్తున్న విషయం తెలిసిందే. ఆధ్యాత్మిక భావాలు ఎక్కువగా ఉన్న ఆయన పర్సనల్ విషయంలోనూ చాలా కేర్ గా ఉంటారు. ముఖ్యంగా తన జాతకంలో ఎటువంటి లోపాలు ఉన్నా వాటిని సరిదిద్దుకునేందుకు ప్రయత్నిస్తుంటారు. ఇందులో భాగంగానే ఆయన పాత సచివాలయాన్ని కూల్చి ఇప్పుుడు వేరే చోట కొత్త సచివాలాయాన్ని కట్టిస్తున్నారని కొందరు ఆరోపిస్తుంటారు. అయితే ఇప్పుడు కేసీఆర్ వేలికి ధరించిన ఉంగరంపై మీడియాలో తీవ్ర చర్చ సాగుతోంది.

Also Read: KCR- Early Elections: కేసీఆర్ ముందస్తు ఎన్నికల వెనుక అసలు కథ ఇదే? అస్త్రమిదే!

ప్రస్తుతం కేసీఆర్ చేతికి గ్రీన్ స్టోన్ కలిగిన ఉంగరం ఉంది. సాధారణంగా పదోన్నతి కోసం దీనిని ధరిస్తారని కొందరు జ్యోతిష్యులు పేర్కొంటున్నారు. అయితే ప్రస్తుతం కేసీఆర్ జాతీయ రాజకీయాల వైపు చూస్తున్న విషయం తెలిసిందే. అందుకే ఈ ఉంగరాన్ని ధరించారని కొందరు చెవులు కొరుక్కుంటున్నారు. గతంలో రెడ్ స్టోన్ కలిగిన ఉంగరాన్ని కేసీఆర్ ధరించారు. రెడ్ స్టోన్ ఆరోగ్యరీత్యా బాగుండాలని ధరిస్తారట. అయితే ఆ సమయంలో కేసీఆర్ ఆరోగ్యం కోసం రెడ్ స్టోన్ ధరించారని, ఇప్పుడు పదోన్నతి కోసం గ్రీన్ స్టోన్ కలిగిన అంగుళీకాన్ని వేసుకున్నారని అంటున్నారు.

ఇదిలా ఉండగా చంద్రబాబు వేలికున్న ఉంగరంపై తెగ చర్చ పెట్టిన కొన్ని మీడియా సంస్థలు ఇప్పుడు కేసీఆర్ చేతికి ఉన్న వేలి ఉంగరంపై ఎలాంటి ప్రచారం చేయడం లేదని అంటున్నారు. అయితే చంద్రబాబు చేతికి ఉన్న ఉంగరం సాంకేతికతో కూడుకున్నదని, కేసీఆర్ చేతికి ఉన్న ఉంగరం జాతకం ప్రకారంగా వేసుకున్నదని అంటున్నారు. టెక్నాలజీ ఎక్కువగా తెలిసిన బాబు ఆ ఉంగరాన్ని వాడుతున్నారని అంటున్నారు. ఆధ్యాత్మిక భావాలున్న కేసీఆర్ ఇలాంటి ఉంగరాన్ని ధరించారని అంటున్నారు. అయితే ఈ ఇద్దరివి వేర్వేరు ఉంగరాలైనా వారి భవిష్యత్ పై మాత్రం ఇప్పటి నుంచే ప్రణాళికలు వేసుకుంటున్నారని అనుకుంటున్నారు.

Also Read:World Population Day 2022: ప్రపంచ జనాభా దినోత్సవం స్పెషల్ స్టోరీ