YSRCP silence on Vijay: తమిళనాడు సీఎంగా విజయ్ ప్రమాణ స్వీకారం చేశారు. అయితే వైయస్సార్ కాంగ్రెస్ పార్టీ ఒక్కసారిగా సైలెంట్ అయింది. తమిళనాడులో విజయ్ 2 పార్టీలను వెనక్కి నెట్టుకుంటూ.. అత్యధిక స్థానాలను సాధించారు. అది మొదలు ఏపీలో వైయస్సార్ కాంగ్రెస్ పార్టీ సంబరాలు చేసుకుంది. ఒకటి ఒంటరిగా వెళ్లి విజయ్ ఎక్కువ స్థానాలు సాధించడంతో పవన్ పై వ్యతిరేక ప్రచారం మొదలు పెట్టింది. రెండు విజయ్ తన ఎన్నికల ప్రచారంలో జగన్ ఫోటోను వాడుకున్నారన్నది వైసిపి చూపిస్తున్న అంశం. అది మొదలు వైయస్సార్ కాంగ్రెస్ పార్టీ నేతలంతా విజయ్ జపం మొదలుపెట్టారు. మంత్రి రోజా లాంటి వారు అయితే టీవీ ఇంటర్వ్యూలో కూడా దీనిపైనే మాట్లాడారు. ఆమె డీఎంకేకు మద్దతుగా ఎన్నికల్లో ప్రచారం చేశారు. విజయ్ గెలిచేసరికి ప్లేటు ఫిరాయించారు. అయితే ఎప్పుడైతే విజయ్ ప్రమాణస్వీకారం చేశారో.. నాటి నుంచి ఫుల్ సైలెన్స్ అయ్యింది వైయస్సార్ కాంగ్రెస్ పార్టీ. దానికి కారణం కాంగ్రెస్ అగ్రనేత రాహుల్ గాంధీ.

డీఎంకేను వీడి విజయ్ తో..
తమిళనాడులో గత కొద్ది రోజులుగా రాజకీయ పరిస్థితి అస్తవ్యస్తంగా మారింది. ఏ పార్టీకి కూడా సంపూర్ణ మెజారిటీ రాలేదు. అత్యధిక స్థానాలు దక్కించుకుంది విజయ్ పార్టీ. దాదాపు పది అసెంబ్లీ స్థానాలకు కూత వేటు దూరంలో 108 స్థానాలతో నిలిచిపోయింది. కాంగ్రెస్ పార్టీ డిఎంకెను విడిచిపెట్టి విజయ్ తో చేతులు కలిపింది. వామపక్షాలు సైతం మద్దతు పలికాయి. దీంతో అధికారం చేపట్టేందుకు అవసరమైన సంఖ్యాబలం విజయ్ కు వచ్చింది. అందుకే కాంగ్రెస్ అగ్రనేత రాహుల్ గాంధీని ఈ ప్రమాణస్వీకారం కార్యక్రమానికి ప్రత్యేకంగా పిలిచారు విజయ్. రాహుల్ గాంధీని సోదరుడితో పోల్చారు విజయ్. ఇది ఎంత మాత్రం వైయస్సార్ కాంగ్రెస్ పార్టీకి రుచించలేదు.

రాహుల్ గాంధీని పిలవడంతో..
ఇంతవరకు జగన్మోహన్ రెడ్డి ఖాతాలో ఈ క్రెడిట్ వేసింది వైయస్సార్ కాంగ్రెస్ పార్టీ. కానీ కాంగ్రెస్ మద్దతుతో పూర్తిగా సీన్ మారిపోయింది. కాంగ్రెస్ పార్టీకి విజయ్ ప్రభుత్వంలో ఎనలేని ప్రాధాన్యం దక్కుతోంది ఇప్పుడు. కాంగ్రెస్ పార్టీ వాసన అంటేనే వైయస్సార్ కాంగ్రెస్ పార్టీకి పడదు. అటువంటిది రాహుల్ గాంధీని ప్రత్యేకంగా ఆహ్వానించడం.. ఆయనను సోదరుడితో విజయ్ పోల్చడం.. వంటివి వైయస్సార్ కాంగ్రెస్ పార్టీ నేతలను డిఫెన్స్ లో పడేసాయి. అందుకే వారు ఫుల్ సైలెన్స్ లోకి వెళ్లిపోయారు.

CM Chandrababu Delhi tour: ఏపీ సీఎం చంద్రబాబు( AP CM Chandrababu) ఈరోజు ఢిల్లీ పర్యటనకు వెళ్తున్నారు. ప్రధాని నరేంద్ర మోడీ తెలంగాణ పర్యటనలో భాగంగా హైదరాబాదులోని చంద్రబాబు నివాసానికి వెళ్లిన సంగతి తెలిసిందే. అక్కడ చంద్రబాబు కుటుంబ సభ్యులకు ఉత్సాహంగా గడిపిన ప్రధాని నరేంద్ర మోడీ.. తర్వాత ఏపీ డిప్యూటీ సీఎం పవన్ కళ్యాణ్ ఇంటికి కూడా వెళ్లారు. ఇటీవల అస్వస్థతతో ఆపరేషన్ చేసుకున్న పవన్ ఇంటి వద్ద విశ్రాంతి తీసుకున్న సంగతి తెలిసిందే. అయితే ఇప్పుడు సీఎం చంద్రబాబు ప్రధాని పర్యటన తర్వాత రోజు ఢిల్లీ బయలుదేరి వెళ్లడం ప్రాధాన్యత సంతరించుకుంది.

ప్రత్యేక విమానంలో ఢిల్లీకి..
ఈరోజు ప్రత్యేక విమానంలో చంద్రబాబు ఢిల్లీ పర్యటనకు బయలుదేరారు. పలువురు కేంద్ర మంత్రులను ఆయన కలవనున్నారు. ఉదయం 11:30 గంటలకు కేంద్ర హోం మంత్రి అమిత్ షా తో సమావేశం కానున్నారు. తరువాత జల శక్తి మంత్రి సి ఆర్ పాటిల్ తో భేటీ కానున్నారు. వివిధ ప్రాజెక్టులకు సంబంధించిన అంశాలపై వారి మధ్య చర్చలు జరగనున్నాయి. నిధుల విడుదలకు సంబంధించిన అంశాలపై కేంద్ర మంత్రులతో ఆయన చర్చిస్తారని తెలుస్తోంది. మధ్యాహ్నం మూడు గంటలకు ప్రపంచ బ్యాంకు ప్రతినిధులతో సమావేశం కానున్నారు చంద్రబాబు. సాయంత్రం నాలుగు గంటలకు హోటల్ తాజ్ ప్యాలెస్ లో జరిగే భారత పరిశ్రమల సమాఖ్య బిజినెస్ మీటింగుకు కూడా హాజరవుతారు. ప్రధాని ఆర్థిక సలహా మండలి చైర్మన్ మహేంద్రదేవ్, నీతి ఆయోగ్ సభ్యులకు కూడా సమావేశం కానున్నారు. చంద్రబాబు రాత్రికి ఢిల్లీలోనే ఉండనున్నారు. రేపు గౌహతి అస్సాం సీఎం హిమంత బిశ్వ శర్మ ప్రమాణ స్వీకారానికి హాజరుకానున్నారు చంద్రబాబు. అక్కడ నుంచి నేరుగా అమరావతికి చేరుకోనున్నారు.

మొన్ననే పశ్చిమ బెంగాల్ కు..
మొన్ననే బెంగాల్ సీఎం సువేందు అధికారి ప్రమాణ స్వీకార కార్యక్రమానికి హాజరయ్యారు సీఎం చంద్రబాబు.. ఎన్డీఏ లో తెలుగుదేశం కీలక భాగస్వామి కావడంతో కేంద్రంలో జరిగే ప్రతి కార్యక్రమానికి ఆహ్వానం అందుతోంది చంద్రబాబుకు. గతం కంటే ఎక్కువగానే గౌరవిస్తున్నారు. నిన్ననే హైదరాబాద్ వచ్చిన ప్రధాని నరేంద్ర మోడీ చంద్రబాబు నివాసానికి వెళ్లి గంట పది నిమిషాల పాటు గడిపారు. అధికారిక పర్యటనకు వచ్చి ఒక నేత ఇంటికి ప్రధాని స్థాయి వ్యక్తి వెళ్లడం చాలా అరుదు. అయితే గతం కంటే చంద్రబాబుకు కేంద్ర పెద్దలు ఎనలేని ప్రాధాన్యం ఇస్తూ వస్తున్నారు. ఈరోజు అంతా ఢిల్లీలో చంద్రబాబు బిజీబిజీగా గడుపుతారు.