Modi offer to Revanth Reddy: రాజకీయాలలో ఏమైనా జరుగుతాయి.. ఎంతైనా జరుగుతాయి. కాకపోతే అది జరిగే సందర్భం ద్వారానే ఫలితం ఆధారపడి ఉంటుంది.. ఉదాహరణకు అస్సాం రాష్ట్రాన్ని ఉదాహరణగా తీసుకుంటే.. అక్కడ ముఖ్యమంత్రిగా ఉన్న హిమంతా.. ఒకప్పుడు కాంగ్రెస్ నాయకుడు. రాహుల్ గాంధీ వల్ల బయటకు వచ్చాడు. ఇప్పుడు ఏకంగా బిజెపిలో కీలక నాయకుడిగా ఉన్నాడు. అస్సాం రాష్ట్రంలో ముఖ్యమంత్రిగా పనిచేస్తున్నాడు. బెంగాల్ రాష్ట్రాన్ని తీసుకుంటే.. సువేందు అధికారి ఒకప్పుడు తృణమూల్ కాంగ్రెస్లో కీలక నాయకుడిగా ఉన్నాడు. మమత బెనర్జీ ఏకపక్ష పోకడలను తట్టుకోలేక అతడు బయటికి వచ్చాడు. ఇప్పుడు బెంగాల్ రాష్ట్రానికి ముఖ్యమంత్రి అయ్యాడు. బిజెపి లో కీలక నాయకుడిగా ఎదిగాడు.
ఇవన్నీ చూస్తుంటే ఏదో సాధారణంగా జరిగిన ప్రక్రియల మాదిరిగా అనిపించవచ్చు. హిమంత, సువేందు సాధారణ నాయకులు దర్శనమియ వచ్చు. కానీ, వీరిద్దరిని పార్టీలోకి తీసుకురావడంలో కీలకంగా పని చేసింది మాత్రం నరేంద్ర మోడీ. ఇందులో ఏమాత్రం అనుమానం లేదు. అమిత్ షా చెప్పడం.. నరేంద్ర మోడీ క్యాప్చర్ చేయడం.. పార్టీలోకి తీసుకురావడం.. ఆ తర్వాత పార్టీ అవసరాలకు అనుగుణంగా వారిని మర్చిపోవడం ఇవన్నీ చక చకా జరిగిపోయాయి.
ఇప్పుడు ఈ వంతు తెలంగాణకు వచ్చిందా.. తెలంగాణలో కూడా ముఖ్యమంత్రిగా ఉన్న రేవంత్ రెడ్డి బిజెపిలో చేరబోతున్నారా.. ఈ ప్రశ్నలకు సమాధానం దొరకడం చాలా కష్టం. కానీ ప్రధానమంత్రి ఆదివారం నాటి తెలంగాణ పర్యటనలో మాత్రం అసలు విషయాన్ని కుండబద్దలు కొట్టినట్టు చెప్పారు. ఈసారి రేవంత్ రెడ్డి మీద ఆయన అంతగా విమర్శలు చేయలేదు. మాతో రండి.. కలిసి పనిచేద్దామని ఆఫర్ ఇచ్చారు. ఒక ప్రధానమంత్రి.. రాష్ట్ర ముఖ్యమంత్రిని ఉద్దేశించి ఇటీవల స్థాయిలో ఎన్నడూ ఇటువంటి వ్యాఖ్యలు చేయలేదు. నరేంద్ర మోడీ ఇలాంటి మాటలు మాట్లాడారు అంటే.. దాని వెనుక ఏదో జరిగి ఉంటుందని చర్చ నడుస్తుంది. నిజానికి చర్చకు ఆస్కారం ఇచ్చింది నరేంద్ర మోడీ.. ప్రధానమంత్రి ఆఫర్ ను అటు తిరస్కరించలేక.. ఇటు అవునన లేక ఇబ్బంది పడింది రేవంత్ రెడ్డి.. కాకపోతే రేవంత్ రెడ్డి బిజెపిలోకి వస్తారా.. అది సాధ్యమవుతుందా.. రాహుల్ గాంధీ అంత సులభంగా రేవంత్ రెడ్డిని వదులుకుంటారా.. అనే ప్రశ్నలు వ్యక్తం కావచ్చు. కానీ రేవంత్ రెడ్డి కాంగ్రెస్ పార్టీలో బలమైన పునాదులు నిర్మించుకున్నారు. పెద్దపెద్ద వ్యక్తులు ఉదాహరణకు కేసి వేణుగోపాల్, ఆమధ్య ఉపరాష్ట్ర పదవికి పోటీ చేసిన అభ్యర్థి.. ఇలా చెప్పుకుంటూ పోతే ఎంతమంది ఆయనకు మూల స్తంభాలుగా ఉన్నారు.
ఊకూకేనే రాలేదు రా బిడ్డ కూకున్న సీటు.. అని రేవంత్ రెడ్డిని ఉద్దేశించి ఓ పాటను అప్పట్లో రూపొందించారు. ఆ పాటకు తగ్గట్టుగానే రేవంత్ రెడ్డి తన పొలిటికల్ కెరియర్ నిర్మించుకున్నారు. అలాంటప్పుడు ఆయన కాంగ్రెస్ నుంచి అంత సులభంగా బయటికి వచ్చే అవకాశం లేదు. నరేంద్ర మోడీ ఆఫర్ ఇచ్చినప్పటికీ ఆయన బిజెపిలో చేరే ఆస్కారం లేదు. ఎందుకంటే నరేంద్ర మోడీకి ఏ స్థాయిలో అయితే రాజకీయ లెక్కలు ఉన్నాయో.. రేవంత్ రెడ్డికి కూడా అటువంటి పొలిటికల్ ఈక్వేషన్స్ ఉన్నాయి.
