Rao Bahadur: రీసెంట్ గా భారీ అంచనాల నడుమ విడుదలై కాస్త ఆడియన్స్ నుండి డివైడ్ టాక్ తెచ్చుకున్న చిత్రాల్లో ఒకటి ‘రావు బహదూర్’. టాక్ డివైడ్ గా వచ్చినప్పటికీ మొదటి వీకెండ్ లో ఈ చిత్రానికి డీసెంట్ రేంజ్ వసూళ్లు వచ్చాయి. కానీ ఓవరాల్ గా ఫుల్ రన్ లో ఈ చిత్రం పెద్ద రేంజ్ కి వెళ్లే అవకాశాలు లేవు , ప్రస్తుతం ఉన్న ట్రెండ్ ప్రకారం అయితే , ఈ చిత్రం కేవలం యావరేజ్ రేంజ్ లోనే నిలిచేట్టు ఉంది. ఇకపోతే ఈ సినిమాలో హీరో సత్యదేవ్ ఎంత అద్భుతంగా నటించారో ప్రత్యేకించి చెప్పనవసరం లేదు. ఈ సినిమాని చూసిన ప్రతీ ఒక్కరు డైరెక్టర్ వెంకటేష్ మహా ని కాస్త బాగా తీసుంటే బాగుండేది అన్నారు కానీ , సత్యదేవ్ ని మాత్రం ఒక రేంజ్ లో పొగిడారు.
ఆయన నటనకు నేషనల్ అవార్డు ఇచ్చినా తక్కువే అని విమర్శకులు కూడా ప్రశంసిస్తున్నారు. అయితే ఈ చిత్రాన్ని ముందుగా సత్యదేవ్ తో చెయ్యాలని అనుకోలేదట. నేచురల్ స్టార్ నాని తో చెయ్యాలని అనుకున్నారట డైరెక్టర్ వెంకటేష్ మహా. నాని ని కలిసి స్టోరీ ని వివరించగానే , ఆయనకు కాన్సెప్ట్ నచ్చింది కానీ , సినిమాలో ఎక్కడో ఎదో మ్యాజిక్ మూమెంట్స్ మిస్ అవుతోంది, ‘కేర్ ఆఫ్ కంచెరపాలెం’ లో ఉన్న మ్యాజిక్ ఈ స్క్రిప్ట్ లో లేదు , పైగా స్క్రీన్ ప్లే చాలా స్లో గా ఉంది , ఆడియన్స్ ఈ చిత్రాన్ని ఎంత వరకు ఆదరిస్తారో తెలియదు , పైగా ఇప్పుడు మార్కెట్ ని పెంచుకునే సినిమాలు చేస్తున్న సమయంలో , ఇలాంటి చిత్రం చేయడం కరెక్ట్ కాదని నాని ఈ ప్రాజెక్ట్ ని రిజెక్ట్ చేసినట్టు తెలుస్తోంది. అనంతరం ఇది సత్యదేవ్ వద్దకు వెళ్ళింది.
నాని జడ్జిమెంట్ లో ఎలాంటి లోపం లేదని ఈ సినిమాని చూస్తే అర్థం అవుతోంది. ఒకవేళ నాని ఈ సినిమా చేసుంటే పెద్ద డిజాస్టర్ ఫ్లాప్ అయ్యేది. ఎందుకంటే ఆయన మార్కెట్ కి భారీ గా ఖర్చు చేయాల్సి ఉంటుంది. ఈ సినిమాని నాని చేసుంటే 20 కోట్ల షేర్ వసూళ్లు రావడం కూడా కష్టమే , కాబట్టి కమర్షియల్ గా డిజాస్టర్ ఫ్లాప్ అయ్యేది. ఇప్పుడు ‘రావు బహదూర్’ చిత్రానికి విడుదలకు ముందు కేవలం 10 కోట్ల రూపాయిల రేంజ్ లో ప్రీ రిలీజ్ థియేట్రికల్ బిజినెస్ జరిగింది. బాక్స్ ఆఫీస్ నుండి ఇప్పటి వరకు 4 కోట్ల రూపాయలకు పైగా షేర్ వసూళ్లను రాబట్టింది. అంటే 40 శాతం రీకవరీ అయ్యింది అన్నమాట. ఫుల్ రన్ లో మరో 20 శాతం రీకవరీ చేసే అవకాశాలు కనిపిస్తున్నాయి. ఎందుకంటే మరో రెండు రోజుల్లో లెనిన్ చిత్రం విడుదల కాబోతుంది , అత్యధిక శాతం థియేటర్స్ మొత్తం ఆ సినిమాకే వెళ్లనున్నాయి. దీంతో ‘రావు బహదూర్’ రన్ ఆగిపోయే అవకాశాలు ఉన్నాయి.
