Most Fearless Animal: అడవిలో సింహం రాజు అని అందరికీ తెలుసు. కానీ ఆ సింహాలకే సవాల్ విసిరే చిన్న జంతువు ఒకటి ఉంది. అదే Honey Badger. పరిమాణంలో చిన్నదైనా, ధైర్యం, దూకుడు, పోరాట నైపుణ్యం వల్ల దీనిని ప్రపంచంలోనే అత్యంత భయంకరమైన జంతువులలో ఒకటిగా పరిగణిస్తారు. ఆఫ్రికా అడవుల్లో సింహాలు, చిరుతలు, హైనాలు కూడా ఈ జంతువుతో తగవు పెట్టడానికి ముందు ఆలోచిస్తాయని వన్యప్రాణి నిపుణులు చెబుతుంటారు. ఈ జంతువు గురించి ఆసక్తికర విషయాలు మీకోసం..
Honey Badger ను ‘Ratel’ అని కూడా పిలుస్తారు. ఇది ప్రధానంగా ఆఫ్రికా, మధ్యప్రాచ్యం, భారతదేశంలోని కొన్ని అడవి ప్రాంతాల్లో కనిపిస్తుంది. దీని శరీరం చిన్నదిగా ఉన్నా, దట్టమైన చర్మం, బలమైన గోర్లు, పదునైన దవడలు దీనిని ప్రమాదకరమైన వేటగాడిగా మార్చాయి. సాధారణంగా 9 నుంచి 16 కిలోల బరువు మాత్రమే ఉంటుంది. అయినా తనకంటే ఎన్నో రెట్లు పెద్ద జంతువులపై కూడా దాడి చేయగలదు.
Honey Badger గురించి ప్రపంచవ్యాప్తంగా పేరు తెచ్చింది దాని నిర్భయ స్వభావమే. చాలా జంతువులు ప్రమాదం కనిపిస్తే పారిపోతాయి. కానీ Honey Badger మాత్రం ఎదురుదాడి చేస్తుంది. సింహం, చిరుత, అడవి కుక్కలు, హైనాలు దాడి చేసినా వెనక్కి తగ్గకుండా పోరాడుతుంది. కొన్ని సందర్భాల్లో పెద్ద మృగాలను కూడా వెనక్కి తరిమేసిన ఘటనలు డాక్యుమెంటరీల్లో నమోదయ్యాయి.
ఇది విషసర్పాలకు కూడా పెద్ద శత్రువుగా భావిస్తారు. కోబ్రా, వైపర్ వంటి విషపూరిత పాములను కూడా వేటాడుతుంది. పాము కాటు వేసినా కొన్ని గంటల పాటు స్పృహ కోల్పోయి మళ్లీ కోలుకుని ఆ పామునే తినేస్తుందని పరిశోధకులు చెబుతుంటారు. దీనికి విషాన్ని తట్టుకునే శక్తి ఇతర జంతువుల కంటే ఎక్కువగా ఉండొచ్చని భావిస్తున్నారు.
Honey Badger తెలివితేటలు కూడా ఆశ్చర్యపరుస్తాయి. జూలో బంధించినప్పుడు తాళాలు తెరవడం, రాళ్లు లేదా కట్టెలను ఉపయోగించి గోడలు ఎక్కడం వంటి పనులు చేసిన వీడియోలు వైరల్ అయ్యాయి. అందుకే దీనిని అత్యంత తెలివైన అడవి జంతువులలో ఒకటిగా కూడా పరిగణిస్తారు.
దీని ఆహారం చాలా విభిన్నంగా ఉంటుంది. పాములు, ఎలుకలు, పక్షులు, కీటకాలు, చిన్న జంతువులు, తేనె ఏదైనా తింటుంది. ముఖ్యంగా తేనెటీగల గూళ్లను పగలగొట్టి తేనె తినడం దీనికి చాలా ఇష్టం. అందుకే దీనికి ‘Honey Badgerఅనే పేరు వచ్చింది. తేనెటీగలు దాడి చేసినా మందపాటి చర్మం వల్ల పెద్దగా ప్రభావం ఉండదు.
దీని చర్మం చాలా గట్టిగా, వదులుగా ఉంటుంది. అందువల్ల పెద్ద జంతువు పట్టుకున్నా, తన శరీరాన్ని తిప్పి తిరిగి దాడి చేయగలదు. గాయపడినా చివరి వరకు పోరాడే స్వభావం దీనికి ప్రత్యేక గుర్తింపు తెచ్చింది. అందుకే ప్రపంచ ప్రఖ్యాత Guinness Book కూడా Honey Badger ను ‘Most Fearless Animal’గా పేర్కొంది.
