Kyle Jamieson And Vaibhav Suryavanshi: చేసింది నాలుగు పరుగులు.. అయినప్పటికీ అతడు భయం టన్నుల్లో ఇచ్చాడు. అలాగని అతడేమి హరి వీర భయంకరమైన ఆటగాడు కాదు. సంవత్సరాలకు సంవత్సరాలు అనుభవం ఉన్న ప్లేయర్ కాదు. ఐపీఎల్ లో రెండవ ఎడిషన్ మాత్రమే ఆడుతున్నాడు. తనకు ఉన్నది 15 సంవత్సరాలు మాత్రమే. ఇంతటి వయసులో అతడు కొడుతున్న కొట్టుడు.. ఆడుతున్న ఆడుడు.. ఐపీఎల్ రికార్డులను బద్దలు కొడుతున్నాయి. పెద్ద పెద్ద తోపు ప్లేయర్లు నెలకొల్పిన ఘనతలను జ్ఞాపకాలుగా మార్చేస్తున్నాయి.
ఐపీఎల్ లో రాజస్థాన్ తరఫున ఆడుతున్న వైభవ్ సూర్య వంశీ ప్రత్యర్థి ప్లేయర్లకు సింహ స్వప్నం లాగా మారిపోయాడు. మామూలుగా అయితే సూర్య వంశీని చాలామంది బుడ్డోడు అనుకుంటారు. కానీ అతను ఆడుతున్న తీరు చూసి మాత్రం బండోడు అని భావిస్తున్నారు. బంతిని ఎలా వేసినా సరే అతడు వీర విహారం చేస్తున్నాడు. మైదానం నలుమూలల బంతిని పరుగులు పెట్టిస్తున్నాడు. ఫీల్డర్లను ప్రేక్షకులుగా మార్చేస్తున్నాడు. బౌలర్లకు పీడకలు మిగులుచుతున్నాడు. ఇటువంటి ఆటగాడు దీర్ఘకాలం క్రికెట్లో ఉంటే.. అది అతడు ప్రాతినిధ్యం వహిస్తున్న జట్టుకు ఎంతో బలమని మాజీ క్రికెటర్లు వ్యాఖ్యానిస్తున్నారు. దీనిని బట్టి సూర్య వంశీ ఆట తీరు ఎలా ఉందో అర్థం చేసుకోవచ్చు.
సూర్యవంశం ఢిల్లీ జట్టుతో జరిగిన మ్యాచ్లో కేవలం నాలుగు పరుగులు మాత్రమే చేశాడు. జమీసన్ బౌలింగ్లో క్లీన్ బౌల్డ్ అయ్యాడు. అతడు అవుట్ అయిన తర్వాత జమీసన్ సంబరాలు చేసుకున్నాడు. సూర్య వంశీ దగ్గరికి వచ్చి బిగ్గర్ గా కేకలు వేశాడు.. “15 సంవత్సరాల అబ్బాయిని చూసి నేను ఇలా భయపడతానని అసలు అనుకోలేదు. అతడిని అవుట్ చేయడానికి ముందుగానే ప్రణాళికల రూపొందించాను. అవి ఫలించాయి కాబట్టి.. ఉద్వేగానికి గురయ్యాను. అందువల్లే అలా సెలబ్రేట్ చేసుకోవాల్సి వచ్చిందని” జమిసన్ వ్యాఖ్యానించాడు.. దీన్నిబట్టి సూర్యవంశీ ఆటతీరు ఎలా ఉంటుందో.. ప్రత్యర్థి బౌలర్లు అతని గురించి ఎలా ఆలోచిస్తున్నారో అవగతమవుతుందని మాజీ క్రికెటర్లు పేర్కొంటున్నారు.
సూర్య వంశీ అవుట్ అయిన తర్వాత విభిన్నంగా సెలబ్రేట్ చేసుకున్న జమిసన్ కు బిసిసిఐ షాక్ ఇచ్చింది. అతడి ఖాతాలో ఒక డి మెరిట్ పాయింట్ విధించింది.. ఐపీఎల్ కోడ్ ఆఫ్ కండక్ట్ లోని 2.5 నిబంధనను అతడు ఉల్లంఘించినట్టు బీసీసీఐ పేర్కొంది. ఈ క్రమంలో సహచర ప్లేయర్లను కించపరచడం లేదా రెచ్చగొట్టడం సరైన విధానం కాదని బీసీసీఐ పేర్కొంది. కాగా ఈ మ్యాచ్లో రాజస్థాన్ జట్టు మీద ఢిల్లీ అద్భుతమైన విజయాన్ని సాధించింది.. కాగా, సూర్య వంశీ అవుట్ అయిన తర్వాత జమిసన్ అలా కేకలు వేయడం పట్ల అభిమానులు తీవ్రంగా స్పందిస్తున్నారు. సూర్య వంశీ దెబ్బకి చుచ్చు పోసుకున్నాడని.. అందుకే ఇలా ప్రవర్తించి ఉంటాడని అభిమానులు వ్యాఖ్యానిస్తున్నారు.
