ఏమైంది నాగబాబు.. ఏది నీ ఆగ్రహం?

వివాదాల దర్శకుడు రామ్ గోపాల్ వర్మ తన వివాదాస్పద సినిమాలను అలాగే కంటిన్యూ చేస్తూ చేస్తున్న మరో సినిమా ‘అల్లు’. ప్లాన్ ల మీద ప్లాన్ అల్లుకుపోతూ ఉండే ఒక పెద్ద అల్లికల మాస్టర్ కథే ఈ “అల్లు” అంటూ వర్మ మరో సొల్లు తియ్యడానికి రెడీ అవుతున్నాడు. మరి గత కొంత కాలంగా మెగా ఫ్యామిలీ గురించి వర్మ ఇంత రచ్చ చేస్తున్నా.. కనీసం మెగా ఫ్యామిలీ నుంచి ఎవరైనా స్పందిస్తారని అనుకుంటే ఎవ్వరూ నోరు మెదపకపాయే. కనీసం ఖాళీగా ఉండే నాగబాబు అయినా ఎప్పటిలాగే తన సోషల్ మీడియా ఎకౌంట్ లో ఆగ్రహం వ్యక్తం చేస్తారనుకుంటే.. ఏదో చిన్న నిట్టూర్పులు విడుస్తూ నాగబాబు బండి లాగిస్తున్నాడు. అదే బాలయ్య మీద అయితే నాగబాబు ఓ రేంజ్ లో విరుచుకు పడతాడు.

Also Read: అది మెగాస్టార్ గొప్పతనం అంటే.. !

దానివల్ల చివరికీ మెగా ఇమేజ్ కే డ్యామేజ్. అప్పట్లో టీడీపీ సపోర్టర్లు వరుణ్ తేజ్ వాల్మీకికి పెద్ద దెబ్బే వేశారు. సినిమా బాగున్నా.. కలెక్షన్లు రాకపోవడానికి కారణం బాలయ్య అభిమానులతో పెట్టుకోవడమే. అయినా నాగబాబు ఎక్కడా తగ్గలేదు. మరి అదే ఊపు వర్మ విషయంలో ఏమైంది ? ఈ మధ్య నాగబాబుకి రాజకీయ బాధ ఎక్కువైనట్టు ఉంది. అయితే మాత్రం మొన్నటికి మొన్న తన తమ్ముడ్ని పవర్ స్టార్ అంటూ ఓ ఆటాడేసుకున్నాడు వర్మ. ఇప్పుడు అల్లు అరవింద్ వంతు వచ్చింది. మరి రామ్ గోపాల్ వర్మ పై నాగబాబు ఎందుకు మౌనంగా ఉన్నట్టు.. తన స్థాయి కాదనుకున్నాడా ? ఆ మాటకొస్తే నాగబాబుకు కంటే కూడా వర్మకే ఎక్కువ ఫ్యాన్స్ ఉన్నారు కదా.

Also Read: అయ్యో.. వ్యభిచారంలోకి సినీ ఆర్టిస్టులా !

ఏమైనా నాగబాబు పరిస్థితులకు తగ్గట్లు మూవ్ అవ్వాలి . అసలు వర్మ అనే శాడిస్ట్ డైరెక్టర్ ‘పవర్ స్టార్’ అనే సినిమా అనౌన్స్ చేసినప్పుడే మెగా బ్రదర్ గా బైటకొచ్చి వీరంగం వేస్తె ఎంత బాగుండేది. మెగా అభిమానులు ఎంత ఆనంద పడేవాళ్ళు. ఒక్కటి మాత్రం నిజం.. మెగా అంటూ హడావుడి చేసే నాగబాబు.. ఆ మెగాకి ఉపయోగం లేకుండా పెద్ద మైనస్ పోయాడు.