ఓ ప్రముఖ న్యూస్ ఛానెల్లో ఇటీవల జరిగిన చర్చ సందర్భంగా బిజెపి ప్రధాన కార్యదర్శి పి విష్ణువర్ధన్ రెడ్డిపై అమరావతి పరిరక్షణ సమితి నాయకుడు కొలికాపుడి శ్రీనివాస్ రావు దాడి చేయడం కలకలం రేపిన సంగతి తెలిసిందే. ఈ కేసు ఇప్పుడు ఆసక్తికరమైన మలుపులు తిరుగుతోంది.
దీనిపై సీరియస్ అయిన బీజేపీ ‘ఏబీఎన్ ఆంధ్రజ్యోతి’ని నిషేధించింది. టిడిపి అనుకూల ఛానెల్కు వ్యతిరేకంగా పత్రికా ప్రకటనలు ఇచ్చింది. ఈ విషయం ముగిసిందని అంతా అనుకున్నారు. చానెల్ షరతులు లేకుండా క్షమాపణ చెప్పే వరకు బీజేపీ సదురు ఛానెల్ను బహిష్కరిస్తున్నట్లు ప్రకటించింది.
అయితే ఈ సంఘటన జరిగిన మూడు రోజుల తరువాత బిజెపి నాయకులు దీనిని చాలా సీరియస్గా తీసుకున్నట్లు తెలుస్తోంది. బిజెపి రాష్ట్ర అధ్యక్షుడు సోము వీరరాజు సూచన మేరకు బిజెపి నాయకుల ప్రతినిధి బృందం అదనపు డిజిపి రవిశంకర్ అయ్యన్నార్ను కలిసి కొలికాపుడి శ్రీనివాస్ రావుతోపాటు టిడిపిపై ఫిర్యాదు చేయడం సంచలనమైంది.
హింసాత్మక దాడులతో బిజెపిని దెబ్బతీసేందుకు సిద్ధంగా ఉన్న టిడిపి అధ్యక్షుడు ఎన్ చంద్రబాబు నాయుడు ఆదేశాల మేరకు తనపై కొలికాపుడి శ్రీనివాస్ దాడి చేయడం ఉద్దేశపూర్వక చర్య అని విష్ణువర్ధన్ రెడ్డి తన ఫిర్యాదులో ఆరోపించారు. “ఆగష్టు 1995లో వైస్రాయ్ హోటల్ లో నాడు టీడీపీ వ్యవస్థాపకులు ఎన్టీఆర్ పై దాడి చేశారని.. టివి ఛానల్ చర్చ సందర్భంగా నాపై దాడి చేయడాన్ని బట్టి టీడీపీ వైఖరి స్పష్టంగా కనబడుతోంది” అని విష్ణు ఇటీవల ఆరోపించారు.
కానీ విష్ణువర్ధన్ రెడ్డి ఫిర్యాదుపై వైయస్ఆర్సి నాయకులు ఆశ్చర్యం వ్యక్తం చేస్తున్నారు. “ఈ సంఘటన హైదరాబాద్ లోని ఛానల్ ఆఫీసులో జరిగిందని… కాబట్టి, బిజెపి నాయకులు హైదరాబాద్ పోలీసులకు ఫిర్యాదు చేసి ఉండాలని సూచిస్తున్నారు.. వారు ఎందుకు ఆంధ్ర డిజిపికి ఫిర్యాదు చేయాలి? ” అని వైయస్ఆర్సి నాయకులు అనుమానం వ్యక్తం చేస్తున్నారు. జగన్ మోహన్ రెడ్డి ప్రభుత్వాన్ని ఇబ్బంది పెట్టడానికి మాత్రమే బిజెపి నాయకులు ఉద్దేశపూర్వకంగా అమరావతిలో ఫిర్యాదు చేశారని వారు అంటున్నారు.
“తెలంగాణలో జరిగిన నేరంపై ఆంధ్ర పోలీసులు చర్య తీసుకోలేరని వారికి తెలుసు. జగన్ ప్రభుత్వాన్ని ఇబ్బంది పెట్టడానికి బిజెపి మరియు టిడిపి కలిసి పనిచేసినట్లు కనిపిస్తోంది, ”అని వైయస్ఆర్సి నాయకుడొకరు ఆరోపించారు.
Comments are closed.