LIK movie collections : ప్రదీప్ రంగనాథన్(Pradeep Ranganathan) హీరో గా నటించిన లేటెస్ట్ చిత్రం ‘LIK’ రీసెంట్ గానే విడుదలై ప్రేక్షకుల నుండి డివైడ్ టాక్ ని సొంతం చేసుకున్న సంగతి మన అందరికీ తెలిసిందే. కానీ యూత్ ఆడియన్స్ లో ప్రదీప్ కి ఉన్నటువంటి బ్రాండ్ ఇమేజ్ కారణంగా ఈ చిత్రం మొదటి 5 రోజుల్లోనే 65 శాతం కి పైగా రీకవరీ ని సొంతం చేసుకొని ట్రేడ్ విశ్లేషకులను సైతం ఆశ్చర్యానికి గురి చేసింది. ఈ సినిమాకు టాక్ బాగాలేకపోయిన డీసెంట్ వసూళ్లు రావడానికి మరో కారణం కూడా ఉంది. అదే హీరో ప్రదీప్ రంగనాథన్ ప్రొమోషన్స్ . ఈ చిత్రం ప్రదర్శితం అవుతున్న థియేటర్స్ లోకి వెళ్లి ఆయన అభిమానులతో ముచ్చటించడం , అందుకు సంబంధించిన వీడియోలు సోషల్ మీడియా గా బాగా ట్రెండ్ అవ్వడం తో , వాటికి ఆకర్షితులై ఈ చిత్రానికి టికెట్స్ కొన్నవాళ్ళు కూడా ఉన్నారు.
కేవలం ప్రదీప్ రంగనాథన్ మాత్రమే కాదు, ఈ చిత్రం లో విలన్ గా నటించిన ఎస్ జె సూర్య కూడా థియేటర్స్ కి వెళ్లి ప్రొమోషన్స్ చేయడం ప్రేక్షకులను బాగా ఆకర్షిస్తోంది. రీసెంట్ గా ఆయన ఒక థియేటర్ కి వెళ్లి డ్యాన్స్ చేసిన వీడియో సోషల్ మీడియా లో ఎంతలా వైరల్ అయ్యిందో మనమంతా చూశాము. ఇక 5 రోజుల థియేట్రికల్ రన్ ని పూర్తి చేసుకున్న ఈ చిత్రానికి ప్రపంచవ్యాప్తంగా 45 కోట్ల రూపాయిల గ్రాస్ వసూళ్లు , 20 కోట్ల రూపాయిల షేర్ వసూళ్లు వచ్చాయి. కేవలం ఒక్క తమిళ నాడు ప్రాంతం నుండే ఈ చిత్రానికి 24 కోట్ల రూపాయిలు వచ్చాయి. ఇక నిన్న అంబెడ్కర్ జయంతి, సెలవు దినం కావడంతో ఈ చిత్రానికి వరల్డ్ వైడ్ గా 5 కోట్ల 65 లక్షల రూపాయిల గ్రాస్ వసూళ్లు వచ్చినట్టు చెప్తున్నారు ట్రేడ్ విశ్లేషకులు.
ఇదంతా పక్కన పెడితే , ఈ సినిమాని మరికొంతమంది ప్రేక్షకులకు బాగా చేరువ చేయడం కోసం మేకర్స్ ఈ చిత్రం లో చార్ట్ బస్టర్ గా నిల్చిన ‘ధీమా ధీమా’ సాంగ్ ని నిన్న విడుదల చేశారు. ఈ సాంగ్ లోని విజువల్స్ ని చూస్తుంటే, మేకర్స్ ఈ చిత్రం క్వాలిటీ విషయం లో ఎక్కడా తగ్గలేదు అనేది స్పష్టంగా అర్థం అవుతోంది. ఈ క్వాలిటీ ని చూసి అయినా, టాక్ ని చూసి థియేటర్ కి వెళ్లకుండా ఆగిపోయినవాళ్లు , ఇప్పుడు థియేటర్స్ కి వెళ్తారు అనే ఉద్దేశ్యం తో ఏ పాటని యూట్యూబ్ లో వదిలినట్టు తెలుస్తోంది. సాధారణంగా ఇలాంటి పాటలను , థియేటర్స్ లో విడుదలైన మూడు వారాల తర్వాత యూట్యూబ్ లో విడుదల చేస్తుంటారు. కానీ ఈ చిత్రానికి కేవలం వారం రోజుల్లోపే విడుదల చేశారు. నెటిజెన్స్ నుండి మంచి రెస్పాన్స్ ని సొంతం చేసుకున్న ఈ పాటని మీ కోసం క్రింద అందిస్తున్నాము చూడండి.
