Three Sisters Marry One Man: దేశవ్యాప్తంగా కొద్దిరోజులుగా నీట్ గురించి రచ్చ రచ్చ జరుగుతుంటే.. ముగ్గురు అక్కా చెల్లెళ్లు మాత్రం మీడియం మొత్తం తన వైపు తిప్పుకున్నారు. తమ గురించి మాట్లాడుకునే విధంగా చేశారు. ఇంతకు వాళ్లు చేసిన పని ఏంటంటే.. ఒక వ్యక్తిని ఆ ముగ్గురు సోదరీమణులు పెళ్లి చేసుకోవడం.
ఆ ముగ్గురు యువతులు సోషల్ మీడియాలో చాలా క్రియాశీలకంగా ఉంటారు. వీరి వీడియోలను.. రీల్స్ ను ఆ యువకుడు షూట్ చేస్తాడు. అతడితోనే వారు ముగ్గురు ప్రేమలో పడ్డారు. అంతేకాదు ఒక గుడిలో పెళ్లి చేసుకున్నారు. దీనికి సంబంధించిన ఫోటోలు.. వీడియోలు సోషల్ మీడియాలో పెను ప్రకంపనాలను సృష్టించాయి.
ఉత్తరప్రదేశ్ రాష్ట్రంలోని దౌరియా అనే గ్రామంలో ఆల్క.. దేవిక.. సంతోష్ అనే ముగ్గురు సోదరీమణులు ఉన్నారు. సోషల్ మీడియా అంటే వీరికి విపరీతమైన ఇష్టం. రీల్స్ చేస్తుంటారు. వీడియో కంటెంట్ కూడా సృష్టిస్తుంటారు.. వీరికి సోషల్ మీడియాలో విపరీతమైన ఫాలోవర్స్ ఉన్నారు. షాంపూరి అనే గ్రామానికి చెందిన వికాస్ అనే యువకుడు వీరికి సంబంధించిన రీల్స్.. వీడియోలు తీస్తుంటాడు. అయితే అతని మీద వీరు ముగ్గురు మనసు పడ్డారు. ఆ విషయాన్ని ఇంట్లో చెప్పలేదు. వేరే వ్యక్తులను పెళ్లి చేసుకుంటే కుటుంబాలలో లేనిపోని అవరోధాలు వస్తాయని భావించారు. ఒకే కుటుంబానికి చెందిన ముగ్గురు సోదరులను షాదీ చేసుకుంటే బాగుంటుందనే ఆలోచనకు కూడా వచ్చారు.
మనసులో వికాస్ ఉండడంతో ఆ ముగ్గురు తమ ఆలోచనను విరమించుకున్నారు. అతడిని పెళ్లి చేసుకోవాలని అనుకున్నారు. వికాస్ కు కూడా అదే విషయాన్ని చెప్పారు. అతడు కూడా పెళ్లికి ఒప్పుకున్నాడు. దీంతో వారు నలుగురు ఒక ఆలయంలో పెళ్లి చేసుకున్నారు. ఈ వివాహానికి ఇరు వర్గాల కుటుంబాలు దూరంగా ఉన్నాయి.. పెళ్లి విషయం బయటకు రావడంతో వారి సామాజిక వర్గాలు చెందినవారు ఆగ్రహం వ్యక్తం చేశారు.. ఈ నేపథ్యంలో ఆ అక్క చెల్లెలు తాము చేసిన పనిని సమర్థించుకున్నారు.
“మాకు నచ్చినట్టుగానే జీవిస్తాం. నాకు నచ్చిన వ్యక్తిని పెళ్లి చేసుకున్నాం. మధ్యలో మీకు వచ్చిన ఇబ్బంది ఏంటి. పోలీసులు అడిగితే కూడా ఇదే విషయాన్ని వారితో చెప్పామని” ఆ ముగ్గురు యువతులు పేర్కొన్నారు. మరోవైపు వికాస్ ను పెళ్లి చేసుకునే వారిలో ఇద్దరు తోబుట్టువులు కాగా.. మరొకరు వరుసకు సోదరి. అయినప్పటికీ ముగ్గురు కలిసి అతడిని పెళ్లి చేసుకోవడం విశేషం.
