వైరల్ ఫొటో: ‘మెగా’ పార్టీలో మహేష్-ప్రభాస్..!

 

టాలీవుడ్లోని హీరోలంతా ఒక్కచోట చేరడం చాలా అరుదుగా జరుగుతూ ఉంటుంది. ఏదైనా ఫంక్షన్లలో.. లేదా సినిమా వేడుకల్లో మాత్రమే వీరందరినీ ఒకచోట కన్పిస్తుంటారు. వీరంతా ఒక్కచోట చేరితే ఆ సందడి మాములుగా ఉండదు. అలా హీరోలంతా ఒక్కచోట చేరితే చూడాలని ఫ్యాన్స్ కూడా కోరుకుంటూ ఉంటారు.

Also Read: హాట్ టాపిక్:ఆ మూవీలో నటించే జంటలకు పెళ్లి అవుతుందా?

ఇప్పటి హీరోలు ఒకరి ఆడియో ఫంక్షన్లకు మరొకరు గెస్టులకు వెళుతూ సినీప్రియులను ఆకట్టుకుంటున్నారు. అయితే ఈ కల్చర్ ఇప్పటిది కాదు.. గతంలోనూ ఈ కల్చర్ ఉండేది. అయితే అప్పుడు సోషల్ మీడియా లేకపోవడంతో జనాల్లోకి పెద్దగా వెళ్లలేదు. ఇలాంటి సంఘటనకు సంబంధించిన ఓ ఫొటో ప్రస్తుతం నెట్టింట్లో వైరల్ అవుతుంది.

మెగాస్టార్ చిరంజీవి నటించిన ‘శంకర్ దాదా ఎంబీబీఎస్’ చిత్రం అందరికీ గుర్తుండే ఉంటుంది. ఈ చిత్రం విడుదలై 2020 అక్టోబర్ 15 నాటికి సరిగ్గా 16ఏళ్లు పూర్తవుతోంది. ఈ మూవీ అప్పట్లో ఇండస్ట్రీ బ్లాక్ బస్టర్ గా నిలిచింది. ఈ మూవీని దర్శకుడు సి.పర్జానీ జయంతి తెరకెక్కించగా దేవీశ్రీ ప్రసాద్ అదిరిపోయే సంగీతాన్ని అందించాడు.

శంకర్ దాదా ఎంబీబీఎస్ మూవీలో సోనాలి బింద్రే హీరోయిన్ గా నటించగా ఏటీఎంగా శ్రీకాంత్ నటించి అభిమానులను ఆకట్టుకున్నాడు. ఈ మూవీ భారీ విజయం సాధించడంతో చిత్రయూనిట్ అప్పట్లో సక్సస్ మీట్ నిర్వహించింది. దీనిలో నాటి యంగ్ హీరోలంతా హాజరవడం విశేషం. సూపర్ స్టార్ మహేష్ బాబు.. రెబల్ స్టార్ ప్రభాస్.. లవర్ బాయ్ తరుణ్.. హీరో శ్రీకాంత్.. సుమంత్ పాల్గొన్నారు.

Also Read: కొత్త లుక్కులో ఆకట్టుకుంటున్న ‘కొమురంభీం’ ఎన్టీఆర్.!

అప్పుడు తీసిన ఓ ఫొటో ప్రస్తుతం నెట్టింట్లో వైరల్ అవుతోంది. ఇందులో మెగాస్టార్ చిరంజీవితోపాటు నాటి యంగ్ హీరోలంతా ఉన్నారు. మెగాస్టార్ పక్కనే మహేష్ బాబు నిల్చోగా.. హీరో శ్రీకాంత్ పక్కన ప్రభాస్ ఉన్నారు. మహేష్ బాబు.. ప్రభాస్ ఇద్దరు కూడా నాటి ట్రెండ్ కు తగ్గట్టు డ్రెస్సింగ్ చేసుకున్నారు. వీరితోపాటు దర్శకుడు జయంత్.. సంగీత దర్శకుడు దేవీశ్రీ ప్రసాద్ కూడా ఈ పార్టీలో పాల్గొన్నారు.