Ghani: మెగాప్రిన్స్ వరుణ్ తేజ్ హీరోగా బాక్సింగ్ నేపథ్యంలో తెరకెక్కుతోన్న చిత్రం ‘గని’. ఈ చిత్రంలో సయీ మంజ్రేకర్ హీరోయిన్గా నటిస్తుండగా సునీల్ శెట్టి, ఉపేంద్ర కీలకపాత్రలు పోషిస్తున్నారు. కిరణ్ కొర్రపాటి దర్శకత్వం వహిస్తున్నాడు. తాజాగా సినిమా నుంచి కొత్త అప్డేట్ వచ్చింది. అక్టోబరు 26న గని యాంతమ్ పేరుతో ఫస్ట్ సింగిల్ను విడుదల చేయనున్నట్లు ప్రకటించింది. తమన్ ఈ సినిమాకు స్వరాలు అందిస్తున్నారు.
ఇప్పటికే ఫస్ట్ పంచ్ పేరుతో వచ్చిన గ్లింప్స్ వీడియో ప్రేక్షకులను అమితంగా ఆకట్టుకుంది. కండలు తిరిగిన దేహంతో బాక్సింగ్ రింగ్లో ఉన్న వరుణ్తేజ్ పంచ్ ఇస్తూ ఈ వీడియోలో కనిపిస్తారు. దీనికి తోడు తమన్ నేపథ్య సంగీతం ఎంతగానో ఆకట్టుకుంది. మరోవైపు, దాదాపు షూటింగ్ పూర్తి చేసుకున్న గని.. డిసెంబరు 3న విడుదల కానుంది.
ముకుంద సినిమాతో తెలుగు ప్రేక్షకులకు పరిచయమై.. కంచె చిత్రంతో రెండో సినిమాకే తనలోని నటుడికి ప్రాణం పోసి తెలుగు ప్రేక్షకులను ఆకట్టుకున్నారు వరుణ్. ఆ తర్వాత వచ్చిన లోఫర్, ఫిదా, గద్దలకొండ గణేశ్ చిత్రాలు బాక్సాఫీసు వద్ద కలెక్షన్లు కురిపించాయి. వెంకీ మామతో కలిసి ఎఫ్ 2 సినిమాలో స్క్రీన్ షేర్ చేసుకున్నారు వరుణ్. ఇప్పుడు బాక్సింగ్ ఛాంపియన్గా కనిపించేందుకు సిద్ధమవుతున్నారు. ఎన్నో అంచనాలతో విడుదలకు సిద్ధమవుతున్న ఈ సినిమా ప్రేక్షకులను అలరిస్తుందా లేదా తెలియాలంటే.. విడుదలయ్యేంతవరకు వేచి చూడాల్సిందే.
