తెలుగు సినిమా రంగం లో తిరుగు లేని దర్శకుడు, అపజయం అన్నది ఎరుగడు ..అందుకే ఆయన సంపాదన కూడా ఆయన చిత్రాల్లా భారీగానే ఉంటుంది..ఆయన సంపాదన అంతా సినీ పరిశ్రమ నుంచి వచ్చిందే …. కోట్ల రూపాయలను పారితోషకంగా తీసుకొంటాడు అని గొప్పగా చెప్పేవారు మొన్నటిదాకా ….ఇపుడు ఇదంతా ఎందుకు చెప్పాల్సి వచ్చిందంటే … ఒక పక్క కరోనా లాక్ డౌన్ వల్ల సినీ పరిశ్రమ లో కార్మికులు పస్తులతో అల్లాడుతుంటే ఆయనకు ఇసుమంతైనా జాలి కలుగ లేదు .తెలుగు సినీ కార్మికుల సహాయార్థం సినీ పరిశ్రమ లోని పెద్దలంతా తమకు తోచిన రీతిలో సాయం చేస్తుంటే … ఈయన గారు సినిమా పరిశ్రమతో నాకేమి సంబంధం లేదన్నట్టు వ్యవహరించడం చూస్తుంటే పేరు గొప్ప వూరు దిబ్బ అన్న సామెత గుర్తొస్తుంది అందరికీ ..
అదలావుంటే సదరు దర్శకుడు గారు టైం పాస్ ఛాలెంజ్ లతో హీరోలకు ఛాలెంజ్ లు విసురుతూ విరాళాల విషయంలో తనపై వస్తున్న విమర్శలను పక్కదారి పట్టిస్తున్నాడని సినీ కార్మికులు అంటున్నారు. ఇది చాలదన్నట్టు మీడియా లో ఇంటర్వ్యూల మీద ఇంటర్వ్యూలు ఇస్తూ తన సినిమాకు ప్రమోషన్ చేసు కుంటున్నాడు.శ్రీమంతుడు సినిమాలో హీరోయిన్ అన్నట్టు ” నా వూరు నాకు చాలా ఇచ్చింది తిరిగి ఇవ్వకపోతే .లావెక్కి పోతాను ” అన్న డైలాగ్ ఈ పెద్ద మనిషి కి వర్తించదా అని సినీ జనాలు ఆడిపోసు కొంటున్నారు .
లాక్ డౌన్ వేళా ఇంట్లో పనులు చేస్తూ దానికి ఛాలెంజ్ అని సదరు దర్శకుడు నానా హంగామా చేయడం ద్వారా విరాళాల విషయం పక్కదోవ పట్టించాడని అంతా అంటున్నారు. నేడున్న పరిస్థితుల్లో సమాజంలో 90 శాతం మందికి పైగా ప్రజలు తమ పనులు తామే చేసుకొంటున్నారు . అందులో విశేషం ఏమీ లేదు. ఇంతకీ ఆ జగత్విఖ్యాత దర్శకుడు సినీ పరిశ్రమకు చేయాలనుకొంటున్న మేలు ఏమిటీ ? అది తేలిస్తే బాగుంటుంది.
