Naresh And Pavitra Lokesh: ఆ మధ్య నటుడు నరేష్- పవిత్ర లోకేష్ ల వ్యవహారం మీడియాలో హాట్ టాపిక్ అయ్యింది. వీరిద్దరూ పెళ్లి చేసుకున్నారన్న కథనాలు చక్కర్లు కొట్టాయి. ఇద్దరూ మహారాష్ట్రలోని మహాబలేశ్వర్ పుణ్యక్షేత్రం సందర్శించారు. అక్కడ ప్రత్యేక పూజలు నిర్వహించారు. దీంతో పవిత్రను నరేష్ రహస్య వివాహం చేసుకున్నారన్న వాదన తెరపైకి వచ్చింది. అయితే నరేష్ దీనిపై ఓపెన్ అయ్యారు. పవిత్రతో సహజీవనం చేస్తున్నాను. పెళ్ళి చేసుకోలేదు అన్నారు.
అలాగే పెళ్లి పై నాకు నమ్మకం లేదు. ప్రతి పది జంటల్లో 8 మంది విడిపోతున్నారు. మనల్ని ప్రేమించే, అభిమానించే, నమ్మదగిన వ్యక్తి తోడు ఉంటే చాలని చెప్పారు. ఇక వీరిద్దరి ఎపిసోడ్లో కి నరేష్ మూడో భార్య రమ్య రఘుపతి రావడం రచ్చయింది. నరేష్, పవిత్ర మైసూర్ హోటల్ లో ఉన్నారన్న విషయం తెలుసుకొని రమ్య అక్కడకు వెళ్లారు. రమ్య, పవిత్ర లోకేష్, నరేష్ మధ్య హైడ్రామా నడిచింది. రమ్య వారిద్దరినీ దూషిస్తూ చెప్పుతో దాడి చేయబోయింది.
పోలీసులు నరేష్, పవిత్రలను అక్కడి నుండి తరలించేశారు. నాకు విడాకులు ఇవ్వకుండా నరేష్ మరో వివాహం ఎలా చేసుకుంటాడని రమ్య ఆరోపించారు. ఆ వివాదం అలానే ఉంది. అయితే రమ్య రఘుపతి సైలెంట్ కావడంతో గొడవ సద్దుమణిగింది. కాగా తాజాగా మరో వార్త తెరపైకి వచ్చింది. పవిత్రను కూడా వదిలేసిన నరేష్ మరో మహిళకు దగ్గరయ్యాడట. నరేష్ కి ఆయన గుడ్ బై చెప్పేశాడనేది లేటెస్ట్ టాక్. మరి ఇందులో ఎంత వరకు నిజం ఉందో తెలియదు కానీ ప్రముఖంగా ప్రచారం అవుతుంది.
ఇక నరేష్ వ్యక్తిగత జీవితాన్ని పరిశీలిస్తే… ఆయనకు అధికారికంగా మూడు పెళ్లిళ్లు అయ్యాయి. పవిత్ర లోకేష్ తో కొన్నాళ్లుగా సహజీవనం చేస్తున్నాడు. తన పలుకుబడి ఉపయోగించి ఆమెకు ఆఫర్స్ వచ్చేలా చేస్తున్నారు. ఈ మధ్య కాలంలో నరేష్ నటించిన పలు చిత్రాల్లో పవిత్ర లోకేష్ భార్యగా, చెల్లిగా చేశారు. ఇక నరేష్ దివంగత నటి విజయనిర్మల కొడుకన్న విషయం తెలిసిందే. విజయనిర్మల మొదటి భర్తకు పుట్టిన సంతానం. కృష్ణ ఆయనకు స్టెప్ ఫాదర్.
