Rajamouli: తెలుగు చలన చిత్ర పరిశ్రమని కలలో కూడా ఊహించని స్థాయికి తీసుకెళ్లిన దర్శకుడు రాజమౌళి(SS Rajamouli). మన తెలుగు సినిమాని చిన్న చూపు చూస్తున్న రోజుల్లో నేషనల్ లెవెల్లో మగధీర సినిమాతో చాలా గట్టి సమాధానం చెప్పాడు రాజమౌళి. దురదృష్టం కొద్దీ ఈరోజుల్లో ఈ సినిమా పాన్ ఇండియా లెవెల్ లో విడుదల అవ్వలేదు. ఒకవేళ విడుదలై సూపర్ హిట్ అయ్యుంటే ఆరోజుల్లోనే ఆ చిత్రం 300 కోట్ల గ్రాస్ వసూళ్లను రాబట్టి ఉండేది. ఈసారి కొడితే కుంభస్థలం బద్దలు అవ్వాలి అనే లక్ష్యం తో బాహుబలి చిత్రం తీసి నేషనల్ లెవెల్ లో మాత్రమే కాదు, ఇంటర్నేషనల్ లెవెల్ లో మన తెలుగు సినిమా గురించి మాట్లాడుకునేలా చేసాడు. ఇక #RRR తో అయితే ఏకంగా ఆస్కార్ అవార్డు ని కొల్లగొట్టి, మన టాలీవుడ్ కి హాలీవుడ్ లో మార్కెట్ క్రియేట్ అయ్యేలా చేసాడు.
ఇప్పుడు మహేష్ బాబు సినిమాతో అంతర్జాతీయ స్థాయిలో రికార్డ్స్ ని కొల్లగొట్టడానికి సిద్ధం అవుతున్నాడు. ఇలా సినిమా సినిమాకు తన స్థాయిని పెంచుకోవడమే కాదు, తెలుగు సినిమా స్థాయి ని వంద రెట్లు పెంచుకుంటూ పోతున్న రాజమౌళి పుట్టిన రోజు నేడు. ఈ సందర్భంగా సోషల్ మీడియా లో ఎక్కడ చూసిన రాజమౌళి గురించే చర్చ నడుస్తుంది. సినీ సెలబ్రిటీలు ఆయన గురించి ట్వీట్స్ వేస్తూ శుభాకాంక్షలు తెలుపుతున్నారు. రాజమౌళి గొప్ప దర్శకుడు మాత్రమే కాదు, అంతకన్నా గొప్ప నటుడు అని కాసేపటి క్రితమే బాహుబలి మేకర్స్ సోషల్ మీడియా లో విడుదల చేసిన ఒక వీడియో ని చూస్తే తెలుస్తుంది. సినిమా లో ఆయన తీసే ప్రతీ షాట్ ని ముందుగా ఆయన నటించి, తనకు ఎలా కావాలో నటీనటులకు చూపిస్తాడు. ఒక సన్నివేశాన్ని రాయడమే చాలా కష్టం అనుకుంటే, మళ్లీ దానిని తన విజన్ కి తగ్గట్టు నటించి చూపించడం ఇంకెంత కష్టమో రాజమౌళి ని చూసి అర్థం చేసుకోవచ్చు.
కేవలం లీడ్ పెయిర్ కి మాత్రమే కాదు, ఆయన సినిమా లో పని చేసే జూనియర్ ఆర్టిస్టుకి కూడా ఎలా నటించాలో చేసి చూపిస్తాడు రాజమౌళి. అందుకే నేడు ఆయన ఈ స్థాయిలో ఉన్నాడు. నటీనటులకు పెద్దగా శ్రమ కూడా ఉండదు, కేవలం రాజమౌళి లాగా నటిస్తే చాలు, భారీ టేకులు కూడా తీసుకోవాల్సిన అవసరం లేదు. నేడు విడుదల చేసిన వీడియో లో రాజమౌళి బాహుబలి లోని ముఖ్యమైన క్యారెక్టర్స్ అయినటువంటి బిజ్జల దేవా, బల్లాల దేవా, కట్టప్ప మరియు ఇతర క్యారెక్టర్స్ లో ఆయన నటించి చూపించిన విధానం ని మీరు కూడా చూసి ఎంజాయ్ చేయండి.
Vision. Courage. Passion.
From the kingdom of Maahishmathi, we bow to the visionary who imagined it all
Wishing our Director @ssrajamouli garu a very Happy Birthday! #HBDSSRajamouli #BaahubaliTheEpic#BaahubaliTheEpicOn31stOct pic.twitter.com/htkorP44qe
— Baahubali (@BaahubaliMovie) October 10, 2025
