Hero Nani: సినిమా వారసత్వంపై ఎప్పటి నుండో చర్చ నడుస్తోంది. ఇది మంచిదా చెడ్డదా అనే వివాదం చోటు చేసుకుంది. బాలీవుడ్ లో అయితే దీనిపై పెద్ద ఉద్యమమే నడుస్తుంది. తరచుగా కంగనా రనౌత్ స్టార్ కిడ్స్ పై విమర్శలు గుప్పిస్తుంటారు. ఎలాంటి బ్యాక్ గ్రౌండ్ లేని అవుట్ సైడర్స్ ని బాలీవుడ్ మాఫియా బలి తీసుకుంటుందని ఆరోపణలు చేస్తున్నారు. సుశాంత్ సింగ్ రాజ్ పుత్ ఆత్మహత్యకు కారణం నెపోటిజమే అంటారు ఆమె. సుశాంత్ సింగ్ మరణించిన ఏడాది పాటు సోషల్ మీడియాలో బాలీవుడ్ కి వ్యతిరేకంగా ఉద్యమం నడిచింది.
ఇక టాలీవుడ్ విషయానికి వస్తే స్టార్ హీరోలందరూ వారసుల పిల్లలే. ఒక్క అవుట్ సైడర్ కానీ, సినిమా ఫ్యామిలీకి చెందని హీరో ఆ లీగ్ లో లేడు. కాగా నెపోటిజం పై భిన్న వాదనలు ఉన్నాయి. ప్రతి రంగంలో వారసత్వం ఉంది. సినిమా వారసత్వాన్ని మాత్రం కొందరు తప్పుబడుతున్నారు. అయినా టాలెంట్ లేకుండా వారసులు కూడా పైకి రాలేరని కొందరు సమర్థిస్తారు. ఇక తమ పిల్లల కోసం బ్యాక్ గ్రౌండ్ లేని వాళ్ళను తొక్కేయడం చేస్తున్నారని, ప్రేక్షకులు వాళ్ళను అంగీకరించే వరకు రుద్దుతున్నారని వ్యతిరేకులు ఆరోపిస్తున్నారు.
తాజాగా ఈ విషయం మీద నాని స్పందించారు. ఆయన నిజం విత్ స్మిత టాక్ షోలో నటుడు రానాతో పాటు పాల్గొన్నారు. స్మిత నెపోటిజం గురించి అడగ్గా… అసలు ఈ వారసత్వాన్ని పెంచి పోషిస్తుంది జనాలు, ప్రేక్షకులే అన్నారు. నా డెబ్యూ మూవీ లక్ష మంది చూశారు. అదే చరణ్ డెబ్యూ మూవీ కోటి మంది చూశారు. దీని అర్థం ప్రేక్షకులే నెపోటిజాన్ని ప్రోత్సహిస్తున్నారని కదా, కాబట్టి జనాలే దాన్ని అంగీకరిస్తున్నారని తెలిపారు. ఆయన పూర్తి అభిప్రాయం ఏమిటో ఎపిసోడ్ ప్రసారమైతే కానీ తెలియదు.
ఆ పక్కన ఉన్న రానా నెపోటిజంని సమర్ధించారు. అయితే దాన్ని ఒక బాధ్యతగా వర్ణించారు . పేరెంట్స్ నుండి తీసుకున్న వారసత్వాన్ని మరో స్థాయికి తీసుకెళ్లాలి. అప్పుడే దానికి సార్థకత చేకూరుతుందని వెల్లడించారు. వీరిద్దరిలో నాని ఎలాంటి సినిమా నేపథ్యం లేకుండా పరిశ్రమలో ఎదిగారు. ఇక రానా నెపో కిడ్. వీరి పూర్తి అభిప్రాయాలు ఏమిటనేది ఆసక్తికరం. నిజం విత్ స్మిత షోలో వీరి విశ్లేషణ చూడవచ్చు. సోనీ లివ్ లో నిజం విత్ స్మిత స్ట్రీమ్ అవుతున్న విషయం తెలిసిందే.
Get ready for the unfiltered conversation, laughs and surprises with Nani and Rana on Nijam with Smita streaming from Feb 24th only on Sony LIV.#Nijam #NijamWithSmita #NijamOnSonyLIV #SonyLIV @NameisNani @RanaDaggubati @smitapop pic.twitter.com/bNJaSFwCjJ
— Sony LIV (@SonyLIV) February 20, 2023
