Hari Hara Veeramallu : పవన్ కళ్యాణ్ ప్రస్తుతం ‘హరి హర వీరమల్లు’ సినిమా షూటింగ్ లో పాల్గొంటున్న సంగతి తెలిసిందే. ఒక పక్క ఆంధ్ర ప్రదేశ్ రాష్ట్ర ఉప ముఖ్యమంత్రిగా బాధ్యతలు చేపడుతూనే, మరోపక్క సినిమా షూటింగ్ లో కూడా పాల్గొంటూ బిజీ గా గడుపుతున్నాడు పవన్ కళ్యాణ్. ఈ నెల 31 వ తారీఖుతో ‘హరి హర వీరమల్లు’ మూవీ షూటింగ్ పూర్తి కానుంది. ఆ తర్వాత ఆయన ‘ఓజీ’ చిత్రం షూటింగ్ లో పాల్గొనబోతున్నాడు. ఇదంతా పక్కన పెడితే ఇప్పుడు పవన్ కళ్యాణ్ అభిమానులు సోషల్ మీడియా లో టీం ఓజీ, టీం హరి హర వీరమల్లు గా విడిపోయి గొడవలు వేసుకుంటున్నారు. ఓజీ కంటే వీరమల్లు బాగుంటుంది,వీరమల్లు కే ఎక్కువ వసూళ్లు వస్తాయని కొంతమంది అభిమానులు, అలాగే ఓజీ ముందు వీరమల్లు దేనికి పనికిరాదు, మా వీకెండ్ వసూళ్లతో కూడా మీ క్లోసింగ్ సరితూగదు అని మరికొందరు కొట్టుకుంటున్నారు.
ఇదంతా పక్కన పెడితే ఈ చిత్రాల నిర్మాతల మధ్య అంతర్యుద్ధం నడుస్తుందని ఇండస్ట్రీ వర్గాల్లో వినిపిస్తున్న టాక్. ‘హరి హర వీరమల్లు’ చిత్రం వచ్చే ఏడాది మార్చి 28 వ తారీఖున థియేటర్స్ లో విడుదల అవ్వబోతున్న సంగతి తెలిసిందే. కొన్ని రోజుల క్రితమే ఈ సినిమా విడుదల తేదీని అధికారికంగా ప్రకటించారు. అయితే ఈ డేట్ కోసం ఓజీ టీం కూడా పట్టుబడుతోంది. ఎందుకంటే ఆ సినిమా షూటింగ్ కూడా వచ్చే నెలలో పూర్తి అవ్వబోతుంది. షూటింగ్ అయిపోయిన సినిమాలను ఖాళీగా ఎక్కువ కాలం పెట్టుకోలేరు నిర్మాతలు. అలా షూటింగ్ అయిపోవడం, ప్రొమోషన్స్ ప్రారంభించడం, సినిమాని విడుదల చేయడం వంటివి చకచకా జరిగిపోతుంది. ‘హరి హర వీరమల్లు’ కి గ్రాఫిక్స్ వర్క్ తో ఎక్కువ ముడిపడుంది కాబట్టి, ఆ సినిమాని వాయిదా వేయమని, ఆ చిత్రం స్థానంలో ‘ఓజీ’ చిత్రాన్ని విడుదల చేసుకునేందుకు పవన్ కళ్యాణ్ అనుమతిని కోరబోతున్నారట. మరి పవన్ కళ్యాణ్ అందుకు ఒప్పుకుంటాడా?, ఆయన ఒప్పుకున్నా ‘హరి హర వీరమల్లు’ నిర్మాత ఏఏం రత్నం ఒప్పుకుంటాడా అనేది ఇప్పుడు ప్రశ్న.
వీళ్లిద్దరి మధ్య సంధి కుదిరించి ఎవరో ఒకరిని వెనక్కి తగ్గేలా చేయడం ఇప్పుడు పవన్ కళ్యాణ్ బాధ్యత. ఎందుకంటే ఈ రెండు సినిమాల నిర్మాతలకు వెనక్కి తగ్గడం ఏ మాత్రం ఇష్టం లేదు. ఎందుకంటే డిప్యూటీ సీఎం అయ్యాక పవన్ కళ్యాణ్ నుండి విడుదల అవ్వబోతున్న సినిమాలు ఇవి. ఏ సినిమా ముందు విడుదలైతే, ఆ చిత్రానికి ఓపెనింగ్ వసూళ్లు ఎవ్వరూ ఊహించని రేంజ్ లో ఉంటుంది. అందుకే అలా పోటీ పడుతున్నారు. మరి చివరికి ఏమి జరగబోతుందో చూడాలి. ఇది ఇలా ఉండగా ఈ నెల 25 వ తారీఖు నుండి ‘హరి హర వీరమల్లు’ టీం పవన్ కళ్యాణ్ పై ఒక పాటని చిత్రీకరించబోతున్నారు. అలాగే ఆయన స్వయంగా ఆలపించిన సాంగ్ పనులు మొదలయ్యాయి, దీపావళి కానుకగా ఈ పాట విడుదల కానుంది.
