Tamannaah Bhatia: మిల్క్ బ్యూటీ తమన్నా కెరీర్ ఇప్పుడు యమా స్పీడ్ తో దూసుకెళ్తుంది. సినీ రంగ ప్రవేశం చేసి దాదాపు 20 ఏళ్ల అవుతున్న కానీ ఎక్కడ కూడా బ్రేక్ లేకుండా హీరోయిన్ గా కెరీర్ కొనసాగించటం సామాన్యమైన విషయం కాదు. ఇప్పటికి మోస్ట్ వాంటెడ్ హీరోయిన్ లిస్ట్ లో తమన్నా ఉన్న విషయం తెలిసిందే. తాజాగా ఆమె నటించిన రెండు సినిమాలు ఒక రోజు వ్యవధిలో విడుదల కావడం విశేషం.
తమిళ్ సూపర్ స్టార్ రజినీకాంత్ నటిస్తున్న జైలర్ మూవీ, టాలీవుడ్ మెగాస్టార్ చిరంజీవి నటిస్తున్న భోళా శంకర్ సినిమా లు ఒక రోజు వ్యవధిలో విడుదలకు సిద్ధంగా ఉన్నాయి. భోళా శంకర్ ఆగస్టు 11న విడుదల అవుతుంది, జైలర్ ఒక రోజు ముందు గా విడుదల అవుతుంది. ఈ రెండు సినిమాల్లో తమన్నా హీరోయిన్ గా నటిస్తుంది. దీంతో మీడియాలో తమన్నా హడావుడి ఎక్కువ గానే కనిపిస్తుంది.
ఈ సినిమాల పై తమన్నా మాట్లాడుతూ ఇద్దరు స్టార్ హీరోలతో కలిసి నటించడం నా అదృష్టం. అదే విధంగా ఒక రోజు గ్యాప్ లో ఈ రెండు సినిమాలు అన్ని భాషల్లో రిలీజ్ కావడం కూడా చాలా సంతోషంగా ఉంది. నేనెప్పుడూ సీనియర్ హీరోలు జూనియర్ హీరోలు అని చూడను. స్టోరీ బాగుందా ? నా పాత్ర ప్రేక్షకులకు నచ్చుతుందా అనేది చూస్తాను. నా కెరీర్ లో నా కంటే చిన్న వాళ్లతో నటించ, నా ఏజ్ వాళ్లతో నటించా, నా కంటే పెద్ద వాళ్ల తో కూడా నటించిన కానీ నాకెప్పుడూ ఏజ్ అనేది సమస్య కాలేదు.
నా కెరీర్ లో జయాపజయాలు పట్ల నేనెప్పుడూ బాధ పడలేదు. ఎందుకంటే అవి మన చేతుల్లో ఉండవు. మనకు వచ్చిన సినిమా నిజాయితీగా చేయటమే మన బాధ్యత. కెరీర్ లో ముందుకు వెళ్లాలంటే కచ్చితంగా హార్డవర్క్ అనేది చేయాలి. మన కష్టం మనల్ని ముందుకు తీసుకెళ్తుంది. నేను కొన్ని బోల్డ్ గా నటించడం మీద కూడా కామెంట్స్ వస్తున్నాయి. కచ్చితంగా మనిషి లో మార్పు అనేది రావాలి. అది లేకపోతే ఎక్కడి వాళ్ళు అక్కడే ఆగిపోతారు. జాబ్ లో ప్రమోషన్స్ ఎలాగో మా ఇండస్ట్రీలో కూడా అలాంటివి ఉంటాయి. కాబట్టి దానికి తగ్గట్టు మారిపోవటం తప్పేమి కాదు.
మన కెరీర్ లాంగ్ గా బెటర్ గా ఉండాలంటే మనం నిరంతరం మారుతూ ఉండాలి. ఇక సినిమా విషయానికి వస్తే జైలర్ లో “నువ్వు కావాలయ్యా ” అనే పాటకు మంచి రెస్పాన్స్ వస్తుంది. అదే విధంగా భోళా శంకర్ సినిమాలో ‘మిల్క్ బ్యూటీ ‘ అనే పాట మంచి మెలోడీ సాంగ్. ఇందులో మంచి హుక్ స్టెప్ ఉంటుంది. చిరంజీవి గారు మంచి గ్రేస్ ఫుల్ డాన్సర్. ఈ పాటలో చాలా గ్రేస్ ఫుల్ స్టెప్స్ ఉన్నాయి. శేఖర్ మాస్టర్ మంచి స్టెప్స్ కంపోజ్ చేశారని చెప్పుకొచ్చింది తమన్నా. పనిలో పనిగా తన పెళ్లి గురించి కూడా మాట్లాడుతూ పెళ్లి ఇప్పుడే చేసుకోవాలనే ఆలోచన లేదు. చేసుకునే మాత్రం కచ్చితంగా అందరికీ చెప్పే చేసుకుంటానని చెప్పింది
