Raghava Lawrence: ప్రముఖ కొరియోగ్రాఫర్ , డైరెక్టర్ , హీరో రాఘవ లారెన్స్ త్వరలోనే రాజకీయాల్లోకి ఎంట్రీ ఇవ్వబోతున్న సంగతి అందరికీ తెలిసిందే. తన అభిమానులకు రాజకీయాల్లోకి రాబోతున్నట్టుగా అధికారిక ప్రకటన చేసి , మీ వద్దంటే ఆగిపోతాను , రమ్మంటేనే వస్తాను , మీ అభిప్రాయాలూ చెప్పండి అంటూ ఒక వీడియో విడుదల చేశాడు . అభిమానులు అత్యధిక శాతం రాజకీయాల్లోకి రావాల్సిందిగా కోరుతూ , సీఎం విజయ్ TVK పార్టీ లో చేరాల్సిందిగా కోరారు. మరి లారెన్స్ ఎలాంటి నిర్ణయం తీసుకుంటాడో తెలియదు కానీ , ఆయన ఇప్పటికే TVK పార్టీ లో చేరడానికి రెడీ అయిపోయినట్టు తెలుస్తోంది. స్వయంగా సీఎం విజయ్ ఆయన్ని పార్టీ లోకి ఆహ్వానించడాన్ని , తాను రాజీనామా చేసిన ‘తిరుచ్చి’ ప్రాంతం నుండి పోటీ చేయాల్సిందిగా లారెన్స్ ని విజయ్ కోరినట్టు తెలుస్తోంది.
అందుకే లారెన్స్ ఇప్పుడు అకస్మాత్తుగా రాజకీయాల్లోకి ఎంట్రీ ఇవ్వబోతున్నాడు అనే వార్తలు తమిళనాడు మీడియా లో పెద్ద ఎత్తున ప్రచారం అవుతున్నాయి. మరో ఆరు నెలల్లో తిరుచ్చి లో ఉప ఎన్నికలు జరగబోతున్నాయి. ఇలాంటి ఉప ఎన్నికలు అధికార పార్టీ కి అనుకూలంగా ఉంటాయి కాబట్టి, TVK పార్టీ నే కచ్చితంగా గెలుస్తుంది. లారెన్స్ ఈ స్థానం నుండి పోటీ చేసిన గెలిచిన తర్వాత ఆయన్ని తమిళనాడు రాష్ట్ర ఉప ముఖ్యమంత్రిగా నియమించేందుకు విజయ్ సిద్ధంగా ఉన్నాడని అంటున్నారు. షాకింగ్ ఏంటంటే ఇన్ స్టాగ్రామ్ లో లారెన్స్ అధికారిక పేజీలో తమిళనాడు రాష్ట్ర ఉప ముఖ్యమంత్రి హోదా సీటులో కూర్చున్నట్టుగా, AI ద్వారా క్రియేట్ చేసిన ఒక ఫోటో ని అప్లోడ్ చేసాడు. దీనిని చూసి అందరూ ఒక్కసారిగా షాక్ కి గురయ్యారు. లారెన్స్ పేజీ నుండి ఇలాంటి పోస్ట్ పడిందేంటి?, ఆయనకు తెలియకుండా అకౌంట్ ఏమైనా హ్యాక్ అయ్యిందా?, లేదా సరదాగా లారెన్స్ నే అప్లోడ్ చేశాడా? అని సోషల్ మీడియా లో చర్చించుకుంటున్నారు.
అయితే చివరికి తెలిసింది ఏమిటంటే అది ఫ్యాన్ పేజీ అని. ఈ పేజీని దాదాపుగా 12 లక్షల మంది అనుసరిస్తున్నారు. ఈ రేంజ్ ఫ్యాన్ పేజీ సీఎం విజయ్ కే లేదు, లారెన్స్ కి ఎక్కడి నుండి వచ్చింది?, ఇది కచ్చితంగా ఆయన అధికారిక పేజీనే, ఈ పోస్ట్ పడిన తర్వాత ఫ్యాన్స్ పేజీ గా మార్చుకొని ఉండొచ్చు అని అంటున్నారు విశ్లేషకులు. దీనిపై స్వయంగా లారెన్స్ వివరణ ఇవ్వాల్సిన అవసరం ఉంది. ఇకపోతే ప్రస్తుతం ఆయన ‘బెంజ్’, ‘కాంచన 4’ వంటి సినిమాలు చేస్తున్నాడు. ఈ రెండు సినిమాలకు మార్కెట్ లో ఉన్నటువంటి క్రేజ్ సాధారణమైనది కాదు. ఈ రెండు చిత్రాలకు సంబంధించిన షూటింగ్స్ పూర్తి అయ్యాయి కాబట్టే, రెగ్యులర్ పాలిటిక్స్ లోకి ఎంట్రీ ఇచ్చేందుకు లారెన్స్ సిద్దమయ్యాడు.
View this post on Instagram
