Pushpa: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతోన్న సినిమా పుష్ప. పాన్ ఇండియా స్థాయిలో వస్తోన్న ఈ సినిమా నుంచి రోజుకో అప్డేట్తో హైప్ పెంచుతున్నారు. ఇటీవల విడుదలైన ఈ సినిమా పాటలు, పోస్టర్లు ప్రేక్షకులను ఎంతగానో ఆకట్టుకన్నాయి. కాగా, ఈ సినిమా నుంచి వచ్చిన దాక్కో దాక్కో మేక, శ్రీ వల్లి, సామి సామి సాంగ్స్ నెట్టింట్లో వైరల్గా మారాయి. మిలియన్ల వ్యూస్తో దుసుకెళ్లిపోతున్నాయి. ఈ క్రమంలోనే మరో పాటను విడుదల చేసేందుకు సిద్ధమైంది చిత్రబృందం. ఏయ్ బిడ్డా ఇది నా అడ్డా పేరుతో రానున్న పాటతో రానుంది. ఈ పాట ప్రోమోకు మేకర్స్ టైమ్ ఫిక్స్ చేశారు.
ఈ రోజు సాయంత్రం 4 గంటల5 నిమిషాలకు ప్రోమోను విడుదల చేయనున్నట్లు ట్విట్టర్ వేదికగా ప్రకటించారు. ఈ పాటపై ప్రేక్షకుల్లో సాలిడ్ అంచనాలు నెలకొన్నాయి. అల్లు అర్జున్కి ఈ పాట ఫేవరట్ అని కూడా తెలిపారు. పూర్తి డిఫరెంట్ లుక్లో కనిపిస్తోన్న అల్లు అర్జున్.. ఈ పాటకు ఎలా స్టెప్పులేస్తాడో చూడాలి. దేవిశ్రీ ప్రసాద్ కూడా అంతే మాస్ బీట్స్ అందించినట్లు తెలుస్తోంది.
https://twitter.com/PushpaMovie/status/1460453615559065602?s=20
ప్రస్తుతం సినిమా షూటింగ్ను శరవేగంగా పూర్తి చేసే పనిలో ఉన్నారు సుకుమార్. డిసెంబరు 17న ప్రేక్షకుల ముందుకు తీసుకురావాలని చూస్తున్నారు. మైత్రీ మూవీ మేకర్స్ ఈ సినిమాను నిర్మిస్తోంది. జగపతి బాబు, సునీల్, అనసూయ సినిమాలో కీలక పాత్రలు పోషిస్తున్నారు. ఇప్పటి వరకు తన కెరీర్లో ఎప్పుడూ కనిపించని విభిన్నమైన పాత్రలో బన్నీ ఈ మూవీలో కనిపించనున్నారు. ఎర్రచందనం స్మగ్లింగ్ నేపథ్యంలో సాగే ఈ సినిమాలో రష్మిక హీరోయిన్గా కనిపించనుంది.
Web Title: Pushpa fourth song promo release today by evening
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
