Prabhas Salaar Movie: హై వోల్టేజ్ యాక్షన్ డైరెక్టర్ ప్రశాంత్ నీల్ దర్శకత్వంలో పాన్ ఇండియా స్టార్ ప్రభాస్ హీరోగా రానున్న ‘సలార్’ సినిమా పై ఒక ఇంట్రెస్టింగ్ అప్ డేట్ వినిపిస్తోంది. ఈ సినిమాలో ప్రభాస్ కి జోడీ ఒక స్పెషల్ సాంగ్ చేయబోతుంది బాలీవుడ్ క్రేజీ బ్యూటీ. ఇంతకీ ఎవరు ఆ క్రేజీ బ్యూటీ అనేగా ? ‘సారా అలీ ఖాన్’. సలార్ లో ప్రభాస్ ప్రేయసిగా సారా అలీ ఖాన్ నటించబోతుంది. అలాగే ప్రభాస్ తో కొన్ని కీలక సన్నివేశాల్లో కూడా సారా అలీ ఖాన్ నటిస్తోందట.
సారా అలీ ఖాన్ ఓ ఉన్నతాధికారి కుమార్తె పాత్రలో కనిపించబోతుందని.. తన అవసరం రీత్యా ఆమెతో ఎఫైర్ పెట్టుకుని తను అనుకున్నది ప్రభాస్ సాధిస్తాడని.. పైగా సారా అలీ ఖాన్ పాత్రలో చిన్న ట్విస్ట్ కూడా ఉండబోతుంది అని తెలుస్తోంది. సినిమాలో ప్రభాస్ – సారా అలీ ఖాన్ లవ్ ట్రాక్ నాలుగు సీన్స్ లో ముగుస్తోందట. ఇక ‘సలార్’ కొత్త షెడ్యూల్ లో సారా అలీ ఖాన్ పార్ట్ తీయబోతున్నారని కూడా తెలుస్తోంది.
Also Read: ‘ఆడవాళ్లు..’ దెబ్బకు 8 కోట్లు పోగొట్టుకున్న నిర్మాత
మొత్తానికి సారా అలీ ఖాన్ కెరీర్ ఈ సినిమాతో టర్న్ అయినట్టే. ఇప్పుడిప్పుడే స్టార్ హీరోయిన్ గా లైమ్ లైట్ లోకి రావడానికి తెగ ప్రయత్నాలు చేస్తోన్న సారా అలీ ఖాన్ కి, ఇది గోల్డన్ ఛాన్స్ లాంటిదే. ఇప్పటికే సారా అలీ ఖాన్ బాలీవుడ్ లో వరుస సినిమాల్లో నటిస్తోంది. ఆయా సినిమాల్లో ఆమె నటనకు మంచి మార్కులు పడ్డాయి. అలాగే సారా అలీ ఖాన్ ప్రస్తుతం రెండు హిందీ సినిమాలు కూడా చేస్తోంది.
ఇప్పుడు సారా అలీ ఖాన్ ఖాతాలో ‘సలార్’ కూడా చేరింది. మొత్తానికి ఈ సినిమాకు సంబంధించిన అప్ డేట్ ఎప్పుడొస్తుందా? అంటూ ఆశగా చూసిన అభిమానులకు ఈ న్యూస్ మంచి కిక్కిచ్చే వార్తే. ఏది ఏమైనా ప్రభాస్ అటు ఆదిపురుష్ లో సారా తండ్రి సైఫ్ తోనూ ఇటు కూతురితోనూ నటిస్తున్నాడు. ఇక ‘సలార్’లో ప్రభాస్ సరసన శ్రుతిహాసన్ హీరోయిన్ గా నటిస్తోంది. ఈ క్రేజీ యాక్షన్ ఫిల్మ్ పై భారీ అంచనాలున్నాయి. ఆ అంచనాలను క్యాష్ చేసుకోవాలని సలార్ నిర్మాతలు సలార్ ని రెండు భాగాలుగా రిలీజ్ చేయాలనే ప్లాన్ లో ఉన్నారు.
ఒకవేళ రెండు పార్ట్స్ గా తీసుకువస్తే బాక్సాఫీస్ వద్ద నిర్మాతలకు భారీ లాభాలు వస్తాయి. పైగా రాజమౌళి తర్వాత ఆ స్థాయి మార్కెట్ ఉన్న డైరెక్టర్ ప్రశాంత్ నీల్. కేజీఎఫ్ తో ప్రశాంత్ నీల్ కూడా పాన్ ఇండియా డైరెక్టర్ అయిపోయాడు. మరి రెండు పార్ట్స్ గా ఈ సినిమా వస్తోందా ? రాదా ? చూడాలి. ఈ చిత్రాన్ని భారీ బడ్జెట్తో హోంబలే ఫిలిమ్స్ సంస్థ నిర్మిస్తోంది.
