Peddi movie climax performance: రామ్ చరణ్ హీరోగా బుచ్చిబాబు సనా దర్శకత్వంలో చేస్తున్న ‘పెద్ది’ సినిమా మీద ప్రేక్షకుల్లో విశేషమైన అంచనాలైతే ఉన్నాయి. ఆ అంచనాలకు తగ్గట్టుగానే సినిమాను తెరకెక్కించినట్టుగా తెలుస్తుంది. రామ్ చరణ్ లాంటి నటుడు సైతం తనదైన రీతిలో సత్తా చాటుకొని యావత్ ఇండియన్ సినిమా ఇండస్ట్రీని మెప్పించగలుగుతాడా? లేదా అనేది కూడా తెలియాల్సి ఉంది. రీసెంట్ గా బుచ్చిబాబు ఇచ్చిన ఒక ఇంటర్వ్యూలో ఈ సినిమా చివరి 40 నిమిషాలు ప్రేక్షకులను హుక్ చేస్తుందని ప్రతి ఒక్కరు కంటతడి పెట్టుకుంటారని ఆ 40 నిమిషాలు సినిమా మొత్తానికి కీలకంగా మారబోతుంది అంటూ ఆయన కొన్ని కామెంట్స్ చేశాడు. మొత్తానికైతే ఆ కామెంట్లను చూసిన మెగా అభిమానులు ఆనందాన్ని వ్యక్తం చేస్తున్నారు. చివర్లో రామ్ చరణ్ శివ రాజ్ కుమార్ వల్ల నట విశ్వరూపాన్ని చూపిస్తారట… దాంతో ఈ సినిమా నెక్స్ట్ లెవెల్లో ఉండబోతుందంటూ అంచనా వేస్తున్నారు.
ఇక బుచ్చిబాబు చెప్పినట్టుగా సినిమా ఉంటే పర్లేదు. కానీ ఏ మాత్రం తేడా జరిగిన కూడా అతను భారీ విమర్శలను మూటకట్టుకోవాల్సిన పరిస్థితి వస్తుంది. అలాగే రామ్ చరణ్ ఇంతకుముందు చేసిన గేమ్ చేంజర్ సినిమా భారీ డిజాస్టర్ ని మూటగట్టుకోవడంతో రామ్ చరణ్ మార్కెట్ భారీగా పడిపోయింది.
ఇక ఈ సినిమాతో అమాంతం ఆయన మార్కెట్ ని పెంచుకోవాల్సిన అవసరమైతే ఉంది. ఎందుకంటే తన తోటి హీరోలందరు పాన్ ఇండియాలో సూపర్ సక్సెస్ లను సాధిస్తూ ముందుకు దూసుకెళ్తుంటే రామ్ చరణ్ మాత్రం 1000 కోట్ల కలెక్షన్స్ ను రాబట్టే ఒక్క సినిమాని కూడా చేయకపోవడం అతన్ని తీవ్రంగా నిరాశ పరుస్తుందనే చెప్పాలి.
ఇక ఈ సినిమా ఆ లోటును భర్తీ చేస్తూ భారీ విజయాన్ని సాధించి పెడుతుందా? లేదా అనేది తెలియాలంటే మాత్రం మరికొద్ది రోజులు వెయిట్ చేయాల్సిందే… రామ్ చరణ్ మొదటి నుంచి ఈ సినిమా మీద భారీ అంచనాలైతే పెట్టుకున్నాడు. ఈ మూవీ పాన్ ఇండియాలో రామ్ చరణ్ కెరియర్ ను డిసైడ్ చేసే సినిమా అవుతుందని చెప్పడంలో ఎంత మాత్రం అతిశయోక్తి లేదు…
